रसोई घर

rasoi ghar  

Ank ke aur Lekh | Sambandhit Lekh | Views : 2355 |  
prashna- uttara-purva evan uttar men rasoi ghar kya prabhav deta hai? uttara- uttara-purva evan uttar men rasoi ghar ka bana hona kafi khatrnak hota hai. kharch ki adhikta, mansik tanav, ghar men kalah, paise ki barbadi, divaliyapan evan adhyatmikta men kami banaye rakhta hai kyonki uttara-purva men dev guru brihaspati ka adhikar evan devtaon men param pita parmeshvar ka vas hota hai. isi tarah uttar men kuber ka sthan evan grahon men budh ka adhikar hai. uttara-purva evan purva men rasoi ghar banane se vah sthan dushit hokar satvikta, adhyatmikta evan arthik pragti men kami laega. sath hi uttara-purva se prapt hone vali chumbakiya evan sakaratmak urja bhi dushit hokar kami banaye rakhega. prashna- rasoi ghar men khana banane ke thik pith ke piche dvar rakhna chahie ? uttar - khana banane vali grihiniyon ke pith ke piche dvar n rakhen anyatha kamar ka dard, gardan ka dard ya spondelaisis jaisi bimariyon ka samna karna padta hai. iska mukhya karan pravesh dvar se milne vali thandi hava jo pith ke piche khana banane vali grihiniyon ko milta hai tatha samne se gais chulha se niklne vali garm hava milti hai. falasvarup sharirik vyadhiyon ka samna karna padta hai. prashna- rasoighar men vash-besin ko khana banane vale pletfarm ke thik samanantar rakhna chahie ? uttara-rasoighar men vash-besin ko khana banane vale pletfarm ke thik samanantar nahin rakhna chahie kyonki rasoighar men ag aur pani ka ek sidh men hona bimari aur dhan ki hani ka karak hota hai. atah yah dhyan rakhen ki ag aur pani ek sidh men n rahe. agar aisa sanbhav n ho to bich men ek partishan laga den labh hoga. yah partishan 2'x3' ka lagaen. rasoighar men patthar tatha pani ke bich men ek do fut uncha vibhajan karne tatha patthar ke upar divar par 4'x4' shisha lagane se bhi 30 pratishat labh hoga. prashna-rasoi ghar men purva ki or munh kar khana banana kyon labhaprad hota hai? uttara: rasoi ghar men khana banate vakt grihiniyon ka munh purva ya uttara-purva ki or hona labhaprad hota hai kyonki uttara-purva se milne vali alaukik shakti evan chumbakiya urja ka sakaratmak prabhav milta rahta hai. khana banane vale ki nirantar sfurti-utsah, sahas evan shakti bani rahti hai. falasvarup rasoi banate samay prasannachitt man se karya karte hain. iske viprit pashchim ya dakshin ki taraf munh karke rasoi banane vali grihiniyon ka svasthya bar-bar bigdta hai. sharir men durbalata mahsus hoti hai tatha pet se sanbandhit pareshaniyan bani rahti hain. sfurti evan utsah men kami rahti hai. man bhi ashant rahta hai. sath hi parivar men daridrata ka agaman hota hai. prashna- khana khate vakt ghar ke mukhya vyakti ko kis disha ki or hona chahie? uttar - khana khate vakt ghar ke mukhya vyakti ka munh purva ki or hona chahie jabki ghar ke anya sadasya apna munh purva, uttar, evan pashchim ki or rakh sakte hain. purva disha ki or munh karke bhojan karne se vyakti ki pran shakti badhti hai aur vah dirghayu banta hai. pashchim disha ki or munh karke bhojan karne se dhan prapt hota hai jabki uttara-disha men munh karke bhojan karne se satya ki prapti hoti hai. khana khate vakt munh dakshin ki or n rakhen. isse apas men matbhed evan jhagde honge. sath hi badhjmi, pet ki garmi, munh ke chale adi hone ki sambhavna rahti hai. kisi bhi bim ya shahtir ke niche baithakar khana nahin khana chahie. prashna- dayning kaksh evan rasoi ghar ka rang kis tarah ka rakhna chahie? uttara- dayning kaksh guru grah ka pratik hai. islie dayning kaksh ki divaran brihaspati ke pile rang se rangvani chahie. iske sath hi halka gulabi, krim ya af vhait rang ka bhi istemal kiya ja sakta hai. jahan tak sambhav ho sake ise kala ya gre n rakhen. isi tarah rasoi ghar ki chat evan divar ka rang pila, narangi, gulabi ya halka lal rang ka rakhna labhaprad hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.