ayurved men shahad ko jivan amrit bataya gaya hai. yah kaise banta hai? shayad madhumakkhi bhi nahin janti ki uske dvara ikattha kiya gaya tarh-tarah ke fulon ka parag kaise jivan amrit ka rup dharan kar leta hai yah ek rahasya hai. lekin is rahasya ko ayurvedacharyon ne apne gyan aur vivek se parakh kar sarvajnik karte hue ise madhu, som, pran, dev-bhojan, pushp ras, pushp rasodrav, pushpasak, saradh madhviya, makshik, shahad adi anek namon se sanbodhit kiya. angreji men ise ‘hani’ aur laitin men ‘mel’ kahte hain. shahad prakriti ki ek amulya den hai jo kai prakar ki madhumakkhiyon dvara banaya jata hai. himalay ke vanon men shahad utpann karne vali madhumakkhiyon ka shahad sarvottam mana jata hai. iske atirikt vrikshon aur fulon se bharpur thande pradeshon ka shahad bhi achcha mana jata hai. chatte se nikala gaya taja shahad paushtik hota hai. ayurved ke gyataon tatha avishkarkane ne apni khoj aur parikshan ke dvara anek rogon ka upchar shahad ke dvara khoja aur aushdhiyon ke nirman men shahad ka prayog avashyak mana. shahad har prakar ke rog men bahut achcha karya karta hai. khana hajam karne tatha kabj ko dur karne ke lie bhi shahad bahut labhdayak hai. khana-khane ke bad thodi matra men shahad ko chat lena, khane ko hajam karne men madad deta hai aur pachan shakti badhata hai. yah khansi, dama aur jukam ki bhi ek shreshth aushdhi hai. shahad ghavon ko saf karta hai aur shighra bharakar sujan ko mita deta hai. bachchon ke lie to yah ek uttam ahar hai. chote, bade aur ghatak rogon men shahad bahut upyogi hai. sardi lagne par jis tarah brandi ka upyog kiya jata hai thik usi tarah yadi ek chammach shahad pi liya jae to sardi se rahat milti hai. shahad svasthya ko banane tatha turant labh pahunchane men advitiya hai. yah fulon ki kudrti mithas ka rasaynik mishran hai. subah nashte ke sath shahad khane se khana pachane aur kabj ke samast vikar dur ho jate hain. shahad rakt shuddhi kar naye rakt nirman men bhi sahayak hai. shahad pet men jakar anton ko suvyavasthit karta hai, unmen sanchit mal evan vish ko dur karta hai jisse purana atisar purana kabj dur ho jata hai. amashay aur pakvashay par bhi iski kriya santulit hoti hai. shahad gurde ka vikar bhi dur karta hai. yah mastishk evan uske gyan-tantuon par apna achuk prabhav dalta hai. manushya ki chintan shakti, vichar shakti, smaran shakti aur dharna ko tivra bana deta hai. shahad taenik aur aushdhi donon tarah se prayukt hota hai. shahad men paye jane vale khanij kailshiyam, faesforas evan loha hai. vitamin si, bi bhi shahad men paya jata hai. shahad ki janch: shuddh shahad ki janch aise karen: - yadi shahad men giri makkhi shahad men se nikalakar ud jae to shahad shuddh samjhen. - rui ki batti shahad men dubakar diye ke saman jalai jae aur bina avaj kie jale to shahad shuddh hai. - shuddh shahad ko pani men dalne se vah pani ke niche baith jata hai aur chamkta hai. jab tak chammach n hilaen pani men ghulta nahin, aisa shahad shuddh hai. vibhinn rogon men shahad dvara upchar udar sanbandhit rog: adarak ki ganth ko saf kar pis kar shahad milakar subh-sham do bar sevan karen aur taja pani pien. halka bhojan karen. kuch dinon men hi ajirn ki shikayat dur ho jaegi. afra: adarak ka ras, nibu ka ras, aur shahad tinon ko milakar din men tin bar sevan karne se afare men labh hota hai. amla pitta: khatai aur garm masalon ke sevan se pet men amlata badh jati hai jisse pitt bigad jati hai aur khatti-khatti dakaren ane lagti hain. iske lie shahad men harad ka churn milakar chatne se aur upar se thoda pani pine se ya ninbu ke ras men shahad milakar pine se labh hota hai. kabja: anvla ke churn ko pani men bhigo den. pratah use chanakar shahad milakar pien. isse anton ke samast rogon ka ant hokar kabj men bhi rahat milti hai. ankhen sanbandhit rog: 1. ankhon ka dukhna: shahad men salai dubokar donon ankho men surma dalne ke saman lagaen. thodi si chubhan avashya hogi. lekin ganda pani nikal jane se thandak milegi aur ankhon ka dukhna thik ho jaega. 2. ankhon ki lali: adha chammach shahad men 2 ratti surma aur 2 gram ghi achchi tarah mila len, jab khushk ho jae to subah sham ankhon men iski salai lagaen. ankhon ki lali men aram milega. 3. ankhon ki sujn: shahad men badi harad ka mahin churn milakar rat ko ankhon par lep karen aur pratahkal dho den. ankhon ki sujan dur ho jaegi. 4. khansi: shahad ke sath suhage ke fule ka churn milakar chatne se khansi dur ho jati hai aur sans bhi thik chalti hai. 5. kali khansi: bhutte ke dane nikalakar fir use jalakar bhasm bana len. shahad men yah bhasm milakar subh-sham aur rat sote samay chatne se kali khansi men labh hota hai. gale ka darda: shahad men ninbu ras milakar pine se gale men dard men aram milta hai. najla-jukam: gungune pani men thoda shahad milakar dhire-dhire pine se jukam men labh hota hai. khuni bavasir: nag-kesar aur safed surma barabar matra men lekar barik pis len. shahad men milakar ise subh-sham chatne se labh hota hai. kan ka ghav: halke gungune pani men shahad milakar kan dhone se kan ke ghav aur dard men labh hota hai. kan se bahne vala ganda mavad bhi saf ho jata hai. kanthmala: trifla ke kadhe men shahad milakar pine se kanthmala ka rog dur ho jata hai. fode aur kharish: chune ke pani men shahad milakar lep karne se shighra hi labh hota hai. motapa: garam pani men uska athvan bhag shahad milakar pine se sharir ki faltu charbi ghatne lagti hai. motapa kam ho jata hai. ridh ka darda: shahad v shilajit milakar lep karne se ridh ka dard dur hota hai. hriday rog: pratah kal aur rat ko sote samay yadi shahad ko taje pani men milakar liya jae to hriday ke rog jaise hriday shul, hriday ki tej dhadakan adi rog nahin hote. sharirik aur mansik thakan: garam pani (ublta hua) ek kap men bada chammach shahad milakar chay ki tarah dhire-dhire pi len. din men tin bar bhojan ke adha ghanta pahle pien. isse sharirik v mansik thakan dur ho jati hai aur pachan tantra sucharu rup se karya karne lagta hai. jodon ka dard aur gathiya: garm pani men shahad ke sevan se labh hota hai. piliya: taje pani men shahad milakar pine se piliya men labh hota hai. garbhavastha: pratidin do chammach shahad garbhini stri ko khilane par uske sharir men prasav ke bad bhi durbalata nahin ayegi. isse rakt ki kami dur ho jati hai. sharir men nai shakti ka sanchar ho jata hai aur shishu bhi sundar aur svasth paida hota hai.
Kya aapko lekh pasand aaya?
Subscribe