मन्त्र-यंत्र-तंत्र का महत्व

mantra-yantra-tantra ka mahatva  

Ank ke aur Lekh | Sambandhit Lekh | Views : 4636 |  
mantra-yantra-tantra ka mahatva gita mainnam is patrika ke pichle ankon men apko manav svasthya par nakaratmak urjaon ka prabhav, vastushastra, rashiratn men urjaon ke prabhav ke vishay men avagat karaya gaya hai is ank men ham apko mantra-yantra v tantra ke mahatva ke bare men avagat karayenge tatha sath hi sath anya sakaratmak urja pravah karne vale per v janvron ke bare men bhi ham varnan karenge. yah bhi batayenge, inka jivan men kya mahatva hai tatha inka prayog karne ka vaigyanik karan kya hai. gay ek sakaratmak urja ka srot hai. prachin samay se hi bharatavarsh men gay ko mata ke rup men mana jata hai tatha uski puja ki jati hai. us samay pratyek ghar men ek gay hona avashyak mana jata tha kyonki gay ke panchagavya arthat dudh, dahi, ghi, gobar v mutra ka urja kshetra manav ke urja kshetra se adhik hota hai. gay itna sakaratmak urja ka pravah karti hai ki us urja kshetra men rahne vale logon ko mansik shanti ka anubhav hone lagta hai. hamare rishi-muni is tathya se avagat the ki gay ek sakaratmak urja ka kendra hai islie unhonne gau pujan karne ke lie kaha tha jisse us urja kshetra men rahne ke karan hamari urja men bhi vriddhi ho sake. manav ka urja kshetra 2.5 se 2.8 mitar tak hota hai parantu gay ke dudh ka urja kshetra 12-13 mitar hota hai tatha navjat shishu ko uski mata ke dudh ke alava gay ka dudh ka hi sevan karne ke lie batate hain. gay ke dudh ki dahi ka urja kshetra 6.5 se 6.7 mitar tak hota hai tatha yah manav sharir se taksin nikalne men sahayta karta hai. gay ke ghi ka urja kshetra lagabhag 14 mitar hota hai. is ghi ko dipak men jalane se vatavaran ki nakaratmak urja khatm hoti hai tatha sakaratmak urja ka pravah hota hai. til ka tel jalane se bhi nakaratmak urja ko khatm kiya jata hai. gay ka ghi kai aushdhiyon mane bhi prayog kiya jata hai. gaumutra ka urja kshetra 8 se 9 mitar tak hota hai. gaumutra ka prayog kainsar ki davai banane men kiya jata hai tatha vibhinn prakar ki anya aushdhiyon men bhi kiya jata hai. gaumutra kai prakar ke baiktiriya ko bhi khatm karne men istemal kiya jata hai tatha gay ke gobar ka urja kshetra 6 mitar hai. iska prayog nakaratmak urja khatm karne ke lie kiya jata hai. pahle samay men puja sthal par sarvapratham gay ke gobar se lepan kiya jata tha jisse vahan par nakaratmak urja khatm kiya ja sake tatha hamare gharon men divaron v farsh par gobar ka lepan kiya jata tha islie prachin samay men ham itni bimariyon se bache rahte the. kaha jata hai, ki jab bhagvan shrikrishn ne putna rakshasi ko mara tha, to usse churane ke lie putna ke mrit sharir par gobar ka lep kiya gaya tha jisse uski nakaratmak urja khatm ho gayi aur shrikrishn ko uske sharir se alag kar diya gaya. islie prachin samay men grih pravesh ke samay sabse pahle gay ko andar pravesh karaya jata tha jisse vahan ki divaron v farsh ki nakaratmak urja khatm ho jaye. islie kai gharon men gay ke ghi men akhand jyoti jalti hai jisse vahan par sakaratmak urja ka pravah hota rahe. isi prakar mantron ka bhi hamare jivan men bahut mahatva hai. jab ham kisi bhi mantra ka sahi uchcharan ke sath jap karte hain to usse sanbandhit dhvani tarange us vatavaran men fail jati hain tatha vahan ki sakaratmak urja ki vriddhi hoti hai jisse ham apne andar bahut hi sakaratmak urja ke pravah ko mahsus karte hain. jab ham kisi bhi havan adi men bhag lete hain tab vahan par sab log ek sath jor-jor se mantron ka jap karte hain to hamare andar ek alag tarah ki sakaratmak urja ka pravah hota hai. us samay hamare antarman men koi bhi nakaratmak vichar nahin ata kyonki us vatavaran men mantron ki itni sakaratmak dhvani tarangen hamare sharirik kanpannashakti ke anurup ya milti-julti hoti hai jisse hamen ek shakti ka anubhav hota hai. stres men rahne vale logon par iska bahut gahra prabhav hota hai. ve mantra ka jap karke apne samanya kanpanashakti men a jate hain tatha kafi der ye jap sunne se bahut si upri bimariyan bhi khatm hone lagti hain. hamare chakron ke bhi alg-alag bijakshar hote hain jinhen bolne se ham apne chakraon ki urja ko samanya star par la sakte hain jaise muladhar ka bijakshar hai lan. yadi hamara muladhar chakra men avrodh utpann hota hai to ham lan mantra ka uchcharan kar apne chakra ko samanya sthiti men la sakte hain. isi prakar anya chakron ke bijakshar hain- savadhishthan-van, manipura-ran, anahta-yan, vishuddhi-han, agya v sahasrarara ka-anem. yah om mantra sabse achcha mantra hai. iska uchcharan karne se bahut achcha parinam prapt hota hai. yantra ka nirman rekhagnit par adharit hai. aur akaron ko milakar inka nirman kiya jata hai alg-alag akar ke aur banakar usmen alg-alag kanpanashaktiyon ka pravah hota hai. yadi apke ghar men kisi disha men koi kanpanashakti kam hai to usse sanbandhit yantra jo us kanpanashakti ka pravah karta hai us sthan par laga den. usse vahan ki kanpanashakti puri hokar sakaratmak urja ka pravah karne lagega. jaise ham vighnaharta yantra lagate hain. us yantra men kuch aisi tarangen niklti hanai jo vighn utpann karne vali tarangon ko samahit kar deti hain. kai prakar ke yantra hain jinka ham prayog kar sakte hain parantu yantron ka prayog bhi bahut savdhani se karna chahie. kyonki jis kanpanashakti ki apko avashyakta nahin hai fir ham usse sanbandhit koi yantra laga den to bhi us kanpanashakti ki adhikta se hamen mansik pareshani utpann ho sakti hai. tantra-is vidya se log samanyatah darte hain kyonki adhikatar is vidya ka prayog nakaratmak rup men kiya jata hai. parantu inka bhi apna ek mahatva hai. yadi inka sahi prakar se prayog kiya jaye to isse hamen bahut achche parinam mil sakte hain. jis prakar ham pani men nibu dalakar dukan adi men rakhte hain. tab vah nibu nakaratmak shakti ko khinchakar pani ke upar tairne lagti hai. tab ham us nibu aur pani ko fenk dete hain. isi prakar najar lagne par lal mirch ko enti-klok ghumakar ag men dal den to usmen gandh nahin ati hai. isi prakar yadi ham kisi ki najar utarakar nibu adi ko chairahe par dal dete hain to vah bahut hi khatrnak hota hai kyonki us nibu par kisi anya vyakti ke pair parte hain vah urja jo hamne pahle vyakti se nikali thi vah us vyakti men chali jati hai. vastav men urja ka ek vastu se dusri vastu men avagaman hota rahta hai. yahi karan hai ki nibu par pair parne se us nibu men jo urja hoti hai vah pair rakhne vale vyakti men transafar ho jati hai. jisse us vyakti ko pareshani utpann hone lagti hai. in sab tantron ko karne ka vaigyanik karan janakar yadi ham inko sahi tarike se karen to ham isse bahut achche parinam pa sakte hain. isi tarah hamare rishiyon ne kuch peron ke bare men bhi bataya hai, jo bahut hi sakaratmak urja ka pravah karte hain jaise tulsi, kadamb tatha pipal. inki parikrama karne par manushya apni urja kshetra ko barha sakta hai tatha navagrah se sanbandhit per bhi hote hain. yadi kisi grah ki kanpanashakti ki kami apke andar hai to usse sanbandhit vriksh ki parikrama karne se, us kanpanashakti ko pura kar sakte hain. is prakar gay ke atirikt anya janavar bhi hai, jo kuch nakaratmak v sakaratmak tarange pahchante hain. jaise billi, chamgadar, chitiyan v dimak, nakaratmak urja men rahna pasand karti hai tatha ghora, kuÿaa ye janavar nakaratmak urja men nahin rah pate hain tatha vah sakaratmak urja vale sthan men hi rahna pasand karte hain. yunivarsal tharmo skainar ki sahayta se ham nakaratmak v sakaratmak urja ko pahchante hain tatha iski sahayta se ham kaunsa yantra kis disha aur kis sthan par lagane se 100 pratishat sakaratmak urja pravah karega yah bata sakte hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.