हीरा

hira  

Ank ke aur Lekh | Sambandhit Lekh | Views : 6597 |  
hira shukra ke shubh prabhav ko barhane ke lie hira dharan karna labhdayak mana gaya hai. nimn sthitiyon men hira dharan karna avashyak ho jata hai: jab shukra shubh bhavesh ho aur apne bhav se 6, ya 8ven ghar men upasthit ho. jab shukra kundli men nich rashi men ho, vakri ho, ast, ho ya pap grahon ke prabhav men ho. uparyukt sthiti ke shukra ki mahadsha, ya antardasha chal rahi ho. jin vyaktiyon ko vishaile jiv-jantuon ke bich men rahna parta ho. vyaparik pratinidhi, filmi abhineta evan abhinetriyan, film nirmata tatha kisi bhi kala kshetra se jure hue vyakti tatha premi-premika bhi ise dharan kar labh le sakte hain. bhut-pret vyadhi se pirit vyakti bhi hira dharan kar labh le sakte hain. shuddh hire ko garm pani, garm dudh, ya tel men dalne par yah use thanda kar deta hai. shuddh hire par kisi bhi vastu ki kharonch ka chihn nahin ban sakta. doshyukt hira kabhi dharan n karen. jo hira dhumra varn ho, jo mukh par lal, ya pila ho, use dharan karen. hire par kisi prakar ki rekha, bindu, ya katav nahin hona chahie. anguthi men jarne ke lie kam se kam ek ratti vajan ka hira hona chahie. vaise jitna adhik vajan ka hira dharan kiya jaega, utna achcha parinam prapt hoga. hire ke sath manikya, moti, munga aur pila pukhraj n pahnen. ek bar dharan kiye hue hire ka prabhav 7 varsh tak rahta hai. uske bad use punah vidhivat dusri anguthi men dharan karna chahie. hire ko chandi, ya plaitinam men dahine hath ki kanishthika (sabse choti anguli) men shukravar ko pratah kal dharan kiya jana chahie. anguthi nirman karte samay shukra vrish, tula, ya min rashi men ho, athva shukravar ke din bharni, purvasharh, purvafalguni men se koi bhi nakshatra ho, tab yah anguthi nirman kar dharan karni chahie. anguthi nirman ke bad us anguthi ki puja, pran pratishtha, havan adi kriya karne ke pashchat, shukravar ko, pratahkal, purva disha ki or munh kar ke, dharan karni chahie. yadi aisa karna sanbhav n ho, to shukra ke pauranik mantra ‘un shun shukray namah’ ki ek mala jap kar uparyukt muhurt men anguthi dharan ki ja sakti hai. striyon ko hira dharan karne ka nishedh milta hai. is sanbandh men svayan shukracharya ne kaha hai: ‘n dharyet putra kamanari vajram kadachnah.’ arthat putra ki kamna rakhne vali stri ko hira nahin pahnna chahie. atah ve striyan jinko putra santan hain, parikshanoprant hira dharan kar sakti hain. niyamanusar dharan kiya gaya hira vyakti ko sukh, aishvarya, rajasamman, vaibhav, vilasita adi dene men purn saksham hota hai. lekin kisi yog daivagya se kundli parikshanoprant hi hira dharan karen. hira apna shubhashubh parinam shighra deta hai.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.