अग्नि तत्व राशि षष्ट भाव में सूर्य

agni tatva rashi shasht bhav men surya  

Ank ke aur Lekh | Sambandhit Lekh | Views : 6685 |  
agni tatva rashi shashth bhav men suya acharya kishor shashth bhav se shatru, krur karm, rog, chinta, funsi, chot, vimata, bhay, mata adi ka gyan hota hai. pashchatya jyotish men is sthan se adhinasth vyakti, naukar paltu pashu pakshi, svatantrata adi ka vichar kiya jata hai. chatha, athvan, barhvan sthan dusthan mana jata hai. chatha bhav duahsthan hai. upachay bhav 3, 6, 10, 11 hai. ismen 8, 12 ka nam nahin hai. fir bhi chatha bhav duahsthan hai. chathe bhav ka svami aur chathe bhav men baithe grah donon bura fal dene vale hain. kintu upachay sthan ke svami ki dasha anrtadasha ashubh faldayi hai jo grah vahan sthit hote hain vo hamesha ashubh faldayi nahin hote fir bhi shashth bhav men baithe pap grah shubh faldayi hote hain. shastron men surya ko pap grah mante hue bhi sarvada faldayi nahin mana. kuch jyotirvid surya ko sam grah mante hain. kyonki surya, guru aur shukra ki tarah shubh fal nahin deta aur mangal shani ki tarah ashubh fal nahin deta vo budh ki tarah sam fal deta hai. islie surya ko sam mante hain. budh aur surya men antar hai. budh jis grah ke sath hota hai. uski tarah fal deta hai. aur surya jiske sath hota hai use hras karta hai ya uske gunon ko kam karta hai islie chathe bhav men surya shubhfldayak hai lekin chathe bhav ka svami yadi surya ho to dasha men kshati hoti hai vahin surya yadi ashtam, dvadash ke svami se sanbandh banata hai to mrityu ya mrityutulya kasht deta hai. shashth bhav se adhyatmikta ka vichar kiya jata hai. lekin dvitiya, shashth, dasham bhav se manushya jivan men karm, dhan, parishram, samay, pratishtha, prabhutva aur khyati prapt karne ka suchak hai. islie shashth bhav se sanbandh sansarik jivan men prabhav dalta hai. surya agar shashth bhav men to jatak sukhi, shatru par vijyi, akarshak aur uchch pad par asin hota hai. surya yadi shatru grah dvara drisht ya yukt hota hai to jatak ke shatru hote hain. fir bhi jatak par vijay prapt karta hai. vah samarthavan hota hai. chathe bhav men yadi surya shubh dvara drisht hota hai to manushya apne apko bimari aur vipattiyon se mukt rakhta hai. yadi iske viprit hota hai to jatak ko kasht hota hai. a yadi agni tatva rashi mesh rashi chathe bhav men surya ho to manushya ke karm kshetra men bahut se balvan shatru hote hain. arthat shatru adhik shaktishali hote hain. unse bahut kasht ka samna karna parta hai. yadi surya rahu aur shani ke sanpark men hota hai to shatru parajit hota hai. yadi budh guru se sanbandh hota hai to jatak apne buddhi bal se shatru ko parajit karta hai yadi surya ke sath mangal ho to bhi jatak shatru ko parajit karta hai. kendra men yadi shubh grah n ho aur surya bhi shubh grahon dvara drisht ya yukt n ho to jatak ugra ya dusht pravritti ka hota hai. parantu jatak svasth, parakrami, sahsi, shaktishali aur apne karm kshetra men kshamata aprapt karta hai lekin sar men dard aur raktachap (bi. pi.) jaisi bimari bhi ho jati hai. apne pita se uske vichar mel nahin khate. karm kshetra men barabar sthanantaran hota hai. jatak ke lagn men prakritik shubh grah guru aur saptam bhav men shukra ke sath uchch ka chandrama hone ke karan jatak bachapan se satvik pravritti aur sundar raha. parivar ka har vyakti usse prem karta raha. ghar se achche sanskar mile fir bhi chathe bhav men surya mangal budh aur rahu ki mahadsha men sab chijon men parivartan karvaya. dasham bhav ka svami surya chathe bhav men mangal ke sath bahut achchi naukri ka labh avashya mila. rahu ki mahadsha 2022 tak chalegi. is avdhi men jatak kisi ki parvah nahin karta aur mata-pita ki bat ansuni karta hai. sunta sabki hai karta apne man ki hai. apni ichcha se vivah karke patni ke sath akela rahta hai. fir bhi pati-patni apas men jhagra karte hain. iska karan yah hai ki rahu ki dasha chal rahi hai. shashth bhav men prakritik pap grah surya evan mangal agni tatva rashi men, shani ki drishti men jatak ke dimag ko bigada hai. chandra aur shukra donon pap kartari men pirit hai islie guru ki drishti bhi kam nahin kar rahi. bhale hi guru ki mahadsha men jatak sudhar sakta hai. chandra lagn se surya, mangal, budh dvadash hone ke karan jatak apne ghar se avashya nikal gae hain. sirf guru ki drishti hone ke karan jatak ne apne parivar se thora sanbandh banakar rakha hai. janm ke samay surya ki mahadsha men jatak ka janm hua. uchch ka surya 1987 tak ka samay apne khel kud men vitaya fir 1997 tak chandra ki mahadsha men parhai-likhai men ruchi dikhai. mangal ki dasha 2004 tak chathe bhav ke mangal ne bhi jatak ko shubh fal diya. jab se rahu ki mahadsha chali jatak ka charitra dhire-dhire badlne laga. likhne ka tatparya yah hai ki samay se pahle kuch nahin hota. buri dasha ke samay bura fal, shubh grah ki dasha men shubh fal nishchit rup se milta hai. sirf agni tatva grah agni tatva rashi men atyadhik krodh, nidar, ghamandi aur dusron ko ijjat nahin deta. lagn men prakritik shubh grah, chandra lagn men shukra chandra guru ki drishti men itna sab shubh prabhav hote hue bhi agni tatva grahon ke fal ka prabhav adhik dikhta hai. prakritik pap grah surya dasham kendra ka svami hokar chathe ghar men balvan hone ke karan uchch pad to diya parantu rahu ki dasha men apni maryada ko bacha nahin paya. baki grahon se surya yahan sabse adhik balvan hai. islie inke charitra men surya ka prabhav adhik raha. surya pita hai pita se nahin banti chandrama mata hai. mata se nahin banti. vrihaspati ki drishti hone ke bavjud pap kartari men chandrama ne mata ko bhi kasht diya, chaturth bhav ka svami, dvadash bhav men uchch ka hokar shubh fal nahin de paya aur dasham bhav ka svami jo pita ka karak hai chathe bhav men uchch rashi men hone ke karan jatak apne pita ko salah dene ki koshish karta hai apne apko pita se adhik gyani samjhta hai. mesh rashi pitt prakriti, chanchal pravritti, char rashi, visham rashi men surya ka chathe bhav men baithna shubh fal se ashubh fal adhik dene laga hai. parantu vahin surya dasham bhav ka svami hone ke karan achcha prashasak hai aur har admi use dekhte hi ghabrata hai iska arth hai ki surya ka shubh fal bhi is rashi men mila. is jatak men prakritik pap grah surya mangal ke sath budh bhi papi ban chuke hain. chathe bhav men pap grahon ka hona svabhavik hai aur chandra lagn se ye tinon grah ashtam bhav men hai. lagn aur chandra lagn se pap grah mesh rashi men chathe bhav men kahin-kahin shubh fal aur kahin-kahin ashubh fal bhi denge. yahan par shani ki purn drishti chathe bhav ko aur shashth bhav men sthit tinon grahon ko hai. lagn se ashtam bhav men rahu pap grah hokar balvan hai. kisi shubh grah ki drishti in pap grahon par nahin par rahi svabhavik hai ki jatak ki kundli men pap grah balvan hai. islie jatak krur karya atyadhik kar raha hai. jabki lagn men vrihaspati aur saptam bhav men shukra donon shubh grah ek dusre ko dekh rahe hain. jatak ka chandra ki dasha men janm hua. chandra ki dasha 27-10-1992 tak rahi. 1997 tak mangal ki dasha aur vartaman samay men 27-10-2007 tak rahu ki dasha chal rahi hai. rahu ki dasha men jatak jel ja chuka hai aur videsh men rahakar sab galat karya kar raha hai. likhne ka tatparya yah hai ki surya ka mesh rashi shashth bhav men balvan hone ka matalab yah hai ki shubh grah ka prabhav bilkul nahin raha aur vrishchik lagn ke lie surya dasham bhav ka svami sabse bare kendra ka svami hokar uchch rashi men sthit hai. atah pap karyon ko adhik barhaya. karm jivan ke svami surya shashth bhav men baithakar dvadash bhav ko dekh rahe hain. islie jatak landan men janm hote hue bhi dubai men rah rahe hain. chaturth bhav ke svami shani bhi dvadash bhav men hai islie jatak janm sthan se bahar jakar rah rahe hain. surya 130 ke andar hone se ashvini nakshatra men svami ketu lagn se dhan sthan men galat dhang se kam karke dhan kama rahe hain. yadi chandra lagn se dekhen to ashtam bhav men pap grah pap karya hi karvate hain jabki lagn men sthit guru ko shukra ki drishti galat karya nahin karvana chahie- iska arth yah hai ki rahu ki dasha tak jatak is prakar ke karyon men lipt rahega. mesh rashi ka surya uchch rashi men kal purush ki kundli men mastak par baitha hai aur shani ki drishti men hai. surya sabhi grahon ka raja hai vahin surya yadi balvan hokar agni tatva grah hokar agni tatva rashi men pap grahon ke prabhav men rahta hai to aise vyakti duniya men kisi se nahin darte. kya rahu ki mahadsha ke bad lagn ke guru ki mahadsha men jatak ka charitra badal sakta hai. mere vichar men avashya badlav aega. kyonki navansh men guru vargottam hai aur surya jalachar rashi kark rashi men hai islie guru ki dasha men badlav aega fir bhi jatak jitni ag uglta utna nahin uglega arthat galat karya kam karega. chatha bhav mama ka ghar hai. islie jatak ko mama ke ghar se bhi samarthan mil raha hai. garva ahankar durachar islie adhik hai ki shatru ke ghar men ye pap grah adhik balvan hain parantu mastishk vikriti ka rog bhi diya hai. ati har chij ki buri hoti hai. jab tak achchi dasha nahin ati tab tak prakritik shubh grah guru ka lagn men hona bhi jatak ke charitra ko sudhar nahin pata. pap grah pap sthan men aur agni tatva grah hokar agni tatva rashi men kabhi-kabhi apne apko bhi nuksan pahunchate hain.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.