जीवन का निश्चित व्रत: नाम स्मरण

jivan ka nishchit vrat: nam smarn  

Ank ke aur Lekh | Sambandhit Lekh | Views : 5198 |  
jivan ka nishchit vratah nam smaran pan. brajkishor bharadvaj ‘brajvasi’ jivan ka ek nishchit vrat hota hai. is vrat ke palan se manushya charon purusharth dharma-artha-kam-moksh prapt kar leta hai. jagat men kramshah satyayug (krityug), tretra yug, dvapar yug aur kaliyug kramshah badlte rahte hain aur in yugon men bhagavat tattva ki prapti ke sadhan bhi alg-alag varnit hain jaise satyug men tapasya, tretayug men ashvamedhadi yagya, dvapar men vividh upcharon se bhagvan shri hari ki puja aur kaliyug men shri hari ka nam smaran. satyayug men manav hajaron-hajaron varshon tak tapasyarat rahte hue, tretayug men sau-sau ashvamedhadi yagyaon ke dvara, dvapar yug men vividh samagriyon se ghanton puja ke dvara manvjivan ka jo pradhan lakshya hai us abhisht sadhan bhagavat tattva ki prapti kar pata tha; parantu kaliyug men to sahaj sadhan nam smaran hi sarvopri hai. kaha bhi gaya hai ki kaliyug keval nam adhara, sumir-sumir nar utrhin para. nam smaran men desh - kal - paristhiti, achar - vichar - pavitrata, veshbhusha adi ka bhi adhik mahatva nahin hai. yadi mahatva hai to keval nam smaran ka. nam mantra ka smaran sote-jagte, uthte-baithte, khate-pite, chalte-firte, safar men, vyapar men, vyavhar men, pratahkal madhyahn kal, sayankal, ratribela men, kisi bhi sthan, kisi bhi desh, kisi bhi bhesh men, sabke samaksh ekant ya samuh mane, jal-thal-nabh men aur bhav-kubhav adi se bhi kie jane par kalyan hi karta hai. kaha bhi gaya haiah bhav kubhav anakh alshun nam japat mangal disi dashhun.. shrimad bhagavat men kaha gaya haiah yatfalan nasti tapsa n yogen samadhina. tatfalan labhte samyakkalau keshav kirtanat.. jo fal tapasya, yog evan samadhi se bhi nahin milta, kaliyug men vahi fal shri harikirtan se sahaj hi mil jata hai. nam smaran ka tatparya- vani se prabhu nam ka gayan, man se smaran, chitt se chintan evan hriday se dharan karne se hai. nam hi jagat ka bij hai. namaiv jagtan bijan namaiv pavnan param. namaiv sharnan jantornamaiv jagtan guruah .. n nam sadrishan dhyanan n nam sadrisho japah. n nam sadrishastyago n nam sadrisho gatiah.. namaiv parman punyan namaiv parman tapah. namaiv parmo dharmah namaiv parmo guruah.. namaiv jivnan jantornamaiv vipulan dhanan. namaiv jagtan satyan namaiv jagtan priya.. shraddhaya helya vapi gayanti nam mangalam. teshan madhye paran nam vasennityan n sanshyah.. yen ken prakaren nam matraik jalpakaah. bhraman vinaiv gachchanti pare dhamni samadrat.. namo'stu ramrupay namo'stu nam jalpine. namo'stu nam shuddhay namo nammyay ch.. nam ke dvara to ajamil jaise papi ko bhi shri hari ne ubar diya. namochcharnmahatmyan hareah pashyat putrakaah. ajamilo'pi yenaiv mrityu pashadmuchyat.. bhagvan ke namochcharan ki mahima to dekho, ajamil jaisa papi bhi e bar namochcharan karne matra se mrityupash se chutkara pa gaya. bhagvan ke gun, lila aur namon ka bhalibhanti kirtan manushyon ke papon ka sarvatha nash kar de, yah koi uska bahut bara fal nahin hai, kyonki atyant papi ajamil ne marne ke samay chanchal chitt se apne putra ka nam ‘narayn’ uchcharan kiya. is namabhas matra se hi uske sare pap to kshin ho hi gae, mukti ki prapti bhi ho gai. bare-bare vidvanon ki buddhi kabhi bhagvan ki maya se mohit ho jati hai. ve karmon ke mithe-mithe falon ka varnan karne vali arthavadrupini vedvani men hi mohit ho jate hain aur yagya-yagadi bare-bare karmon men hi sanlagn rahte hain tatha is sugmatisugam bhagavannam ki mahima ko nahin jante. yah kitne khed ki bat hai. sant tulsidas ji ne likha hai ki kaliyug ke prani nam ke gunon ko gakar bina prayas ke hi bhav se par ho jaenge, kyonki kaliyug men nam ki visheshta hai. kaliyug sam jug an nahin jo nar kar vishvas. gai ram gun gan vimal bhav tar binhin prayas.. nam to vah dhan hai jo nirdhan ko dhanvan banae. nam hi nar ko narayan ki sahi pahchan karae. isilie sant kahte hain. man bhaj le hari ka nam, uske nam se ban jaenge tere bigre kam. suraj, chand, sitare, nadiya, nav, samandar, nam ke bal se hi chalte hain ye dharti ye ambar. nam hi le kar din ugta hai, nam hi lekar dhalti sham le le hari ka nam.. tek .. nam ke dvara to samudra men patthar bhi tair gae, to kya ashcharya hai ki nam ke dvara manav ka uddhar ho jae, vah bhav sagar se tar jae. nam jap ke bare men vidvanon ne bataya haiah ek karor nam japne se tan ka sukh, do karor se dhan ka sukh, tin karor se parakram v bal ka sukh, char karor se matri sukh, panch karor se vidya v gyan ka sukh, chah karor se andar ke shatru (kam-krodh-lobh-moh, ahankar ishrya adi) evan jagat ke shatru se mukti, sat karor se pati ko patni sukh tatha patni ko pati sukh arthat vaivahik jivan ka anand aur ath karor se mrityu sthan sudhar jata hai aur akal mrityu, nahin hoti. nau karor se prarabdh karm ka nash, das karor se kriyaman karm ka nash, gyarah karor se sanchit karm ka nash arthat tinon karyon ke shubhashubh fal se mukti, barah karor se paramba man bhagvti jagat janni ka svapn men mangalamay ashirvad purn darshan tatha terah karor mantra japne par virat virateshvar jagat niyanta koti-koti brahmand nayak shri hari ka sakshatkar ho jata hai. nam men bari shakti hai atah pratyek shvas par nam smaran karo- shvas shvas men hari bhajo, vritha shvas mat khoy. na jane ya shvas kau, fir avan hoy na hoy. ye jivan kshanabhangur hai, n jane kab samapt ho jae islie pratyek kshan nam ka smaran karen yahi manav jivan ki sarthakata hai, kyonki manav jivan bhog ke lie nahin yah yog ke lie hai, tapashcharya ke lie hai, bhagavadbhakti ke lie hai. shri shukdev baba ne maharaj parikshit ko bataya tha ki rajan ! yon to kaliyug doshon ka khajana hai, parantu ismen ek bahut bara gun hai. vah gun yahi hai ki kaliyug men keval bhagvan shri krishn ka sankirtan karne matra se hi sari asaktiyan chut jati hain aur parmatma ki prapti ho jati hai. manushya marne ke samay aturta ki sthiti men athva girte ya fislte samay vivash hokar bhi yadi bhagvan ke kisi ek nam ka uchcharan kar le, to uske sare karm bandhan chinna-bhinn ho jate hain aur use uttam se uttam gati prapt hoti hai. yah sab tabhi sanbhav hai jab anavarat nam japne ka abhyas ho aur jab yah purnata prapt hogi tabhi ant samay men prabhu nam vani se uchcharit hokar muktidata ban jaega. nahin to ant samay men suhrid bandhuon ke bulvane par bhi nam nikal nahin pata. atah satat abhyas ke dvara nam ka avlanban len jaise bhakt prahlad, dhruv, mira, narsi adi ne liya. nam sadhna ke lie jivan men kisi bhi nam (ram, krishn, govind, madhav, narayan ya shiv ) ko dharan karen. mahamantra bhi uttam hai. hare ram hare ram ram-ram hare hare. hare krishn hare krishn krishna-krishn hare hare.. grihasth jivan men niyam bana den ki jab tak nam sankirtan nahin hoga kisi ko bhojan (mahaprasad) prapt nahin hoga. 24 ghante men ek aisa samay nishchit kar len jab parivar ke sabhi jan upasthit hon. samuhik rup se tali bajakar ya vadyadi ke dvara prabhu nam ka sankirtan karen, nishchiya hi kalyan hoga. jivan ki riktata, abhav, daridrata, dainyata, apurnata, vishad sab samapt ho jaenge. param santushti evan shanti prapt kar jivan samriddhishali evan aishvaryapurn ho jaega. fir apko kisi jyotishi, tantrik, mantrik, brahman, acharya, guru adi se yah kahna hi nahin parega ki hamare jivan men amuk abhav ya sankat hai. hamara balak hamara kahna nahin manta. sankirtan men rat vyakti anukulta ko prapt kar lega. pratikulta jivan se usi prakar samapt ho jaegi jis prakar ek choti si machis ki tili bare-bare vishalkay rui ke dher ko kshan bhar men jalakar bhasm kar deti hai. gosvami ji ne kaha hai- bari mathe ghrit hoi baru sikta te baru tel. binu haribhajan n bhav taria yah siddhant apel.. jal ke mathne se ghi tatha balu perne se tel ki prapti hona sanbhav hai; parantu bina hari bhajan ke bhav sagar se par hona sahaj nahin hai. yah siddhant pramanik hai. adi kavi balmiki ji ne nam ka pratap jana aur ulta japakar siddh ho gae. ulta nam japa jag jana, balmiki bhae brahm samana. bandau nam ram raghuvar ko, hetu krisanu bhanu himakar ko. vidhi hari har may ved pran so, agun anupam gun nidhan se.. nam ki vandna men sant tulsidas ji ne likha hai ki main raghuvar ram ke us nam ki vandna karta hun jo agni, surya, chandrama ka hetu (karn) hai aur brahma, vishnu aur shankar tatha vedon ka bhi pran hai. jis prakar pran ke bina sharir men kuch bhi sar nahin rahta, usi prakar nam ke bina brahma, vishnu, shiv tatha ved men bhi kuch sar nahin hai, kyonki satogun men vishnu, rajogun men brahma aur tamogun men shiv hain parantu vah nam in tinon gunon se nyara hai, anupam hai aur sab gunon ka nidhan hai. mahamantra joi japat mahesu. kasi mukuti hetu updesu. mahima jasu jan ganrau. pratham pujiyat nam prabhau .. vah nam mahamantra hai jise mahadev ji japte hain aur jiska unhonne kashi men mukti ke lie updesh kiya, jiski mahima janakar ganesh ji pratham pujniya hue. yah nam ka prabhav hai. us nam ko hajaron namon ke saman janakar bhavani ji shankar ji ke sath japti hain. yah grihasth jivan ke lie uchchatam adarsh hai. isse manav matra ko shiksha grahan karni chahie, aur nam ke prabhav ko samajhakar satat uska jap-smarana- chintn-gayan karna chahie. nirgun aur sagun donon brahm ke hi svarup hain, akath hain, apar hain, anupam hain, anadi hain par donon se nam bara hai, kyonki nam ne apne bal se donon ko apne vash men kiya hai. nam ke bare men kaha hai- kahai nam adho so adho nasavai. kahai nam puro so vaikunth pavai.. sudharai duhun lok ko varn dou. hie chadm chare kahai varn kou .. sarve kshayanta nichyaah patnantaah samuchchaya.. sanyoganta marnantan ch jivitam. samast sangrahon ka ant vinash hai, laukik unnatiyon ka ant patan hai, sanyogon ka ant viyog hai aur jivan ka ant maran hai. parantu manav jivan ke kalyan v moksh ka marg ekmatra nam smarana- nam sankirtan hai. tin prakrnon dhyan, archan aur nam men is karal kalikal men nam prakaran hi shreshthatam sadhan hai. svarup seva kaliyug men siddh nahin hai, kyonki ismen pavitrata ki avashyakta hai. kalikal men dhyan lagana bhi sahaj nahin hai. panch karmendriyon, panch gyanendriyon, man, buddhi, chitt, ahankar ko parmatma men lagana bhi bara hi dushkar karya hai. keval matra nam seva hi kaliyug men pradhan hai. kaha bhi gaya hai. narayan jin nam liya tin aur nam liya n liya. amrit pan kiya ghat bhitar gangajal bhi piya n piya.. jag men sundar hain do nam, chahe krishn kaho ya ram, ek hriday men prem barhavai, ek pap ke tap mitavai. donon bal ke sagar hain, donon hain puran kam.. nam ki mahima apranpar hai. vedon, upnishdon evan gita adi men nam ki mahima ka varnan kiya gaya hai. charon yugon men bhi nam ka prabhav hai to fir kaliyug men kya visheshta hai? iske lie sant tulsidas ji ne bataya hai ki- soi bhav tar kachu sanshay nahin. nam pratap pragat kali mahin. namu ram ko kalpataru kali kalyan nivasu. jo sumirat bhayo mang te tulsi tulsidasu.. ve bhav se par ho jaenge jo ram nam ka smaran karte hain; ismen kuch bhi sanshay nahin hai kyonki nam ka pratap kali men prakat hoga athva ram ka nam jo bij mantra hai vah kalpavriksh ka rup dharan kar kali ke jivon ka kalyan karne ke lie nivas karega. iske smaran matra se tulsi ‘tulsidas’ arthat sant ho gae. ram nam mani dip dharu jih dehri dvar. tulsi bhitar baherhu jo chahosi ujiyar.. dahlij men dharan kar lo, yadi bhitar aur bahar ujala chahte ho. nam hi ih laukik aur parlaukik arthat sansarik aur adhyatmik sukhon ka data hai. nam vrat ka palan karen aur jivan men sarvasva ko prapt karte hue parmpita parmeshvar ki kripa se manav jivan ka jo abhisht lakshya hai, moksh use prapt karen. krishnay vasudevay harye parmatsen. pranat kleshnashay govinday namo namah.. pranam karne valon ke klesh ka nash karne vale shrikrishn vasudev, hari, parmatma evan govind ke prati hamara bar-bar namaskar hai. nam sankirtan yasya sarvapap pranashanam. pranamo dukh shamanastan namami harin param.. jin bhagvan ke namon ka sankirtan sare papon ko sarvatha nasht kar deta hai aur jin bhagvan ke charnon men atmasamarpan, unke charnon men pranti sarvada ke lie sab prakar ke dukhon ko shant kar deti hai, unhin paramatattva svarup shri hari ko main namaskar karta hun. atah aj se abhi se yah sankalp len ki ham sadasarvada parmatma ke mangalamay nam ka smaran sankirtan hamesha karte rahenge. nam vrat jivan men kisi bhi kshan dharan kiya ja sakta hai. krishn nam sukhdayi, bhajan kar bhai. ye jivan do din ka.. ram nam sukhdayi, bhajan kar bhai. ye jivan do din ka..
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.