नौकरी या व्यवसाय : कैसे जाने?

naukri ya vyavsay : kaise jane?  

Ank ke aur Lekh | Sambandhit Lekh | Views : 43018 |  
naukri ya vyavsayah kaise janengh jo grah sabse adhik balvan hokar, lagn, lagnesh (sudarshana) adi vyavsay ke dyotak angon par prabhav dalta hai vahi grah ajivika ke svarup ko batane vala hota hai. anya vidhiah dasham bhav men/ lagn men sthit rashi se vyapar kshetra v inmen sthit grahon ke svabhav ke anusar vyavsay nirdharit hota hai. grahon ki yuti, drishti vyavsay ka prakar badlne men saksham hoti hai. yadi dasham men grah n hon to dashmesh, dashmesh ki kisi rashi ya bhav men sthiti, dashmesh ke navanshesh ke anusar ajivika hoti hai. dvitiyesh ka chathe ya shashthesh grah se sanbandh ho to naukri ka yog banta hai kyonki 2, 6 ka sanbandh alp dhan deta hai. chatha bhav naukri evam seva ka hai, chathe ka karak shani hai dasham ka chathe se sanbandh naukri darshata hai. lagnasth, dashamasth shani ki dasta/naukri deta hai. dasham bhav balvan hone par naukri v saptam bhav balvan hone se vyavsay ka chayan karna chahie. vrish, kanya tatha makar vyapar ki mukhya rashiyan hai chandra, guru, budh tatha rahu vyapar saflta men vishesh bhumika nibhate hain. panchm/panchmesh ka dashm/dshmesh se sanbandh ho to parhi huyi shiksha, vyapar men kam ati hai. lagnashea, saptamesh, labhesh, guru chandrama ka balvan hona kendra/trikon men hona vyavsay ko darshata hai. visheshah shashthesh ka sanbandh yadi dvitiya/dasham sthan se ho to vyapariyon ko vishesh labh milta hai, grahkon se munafa, bainkon ka rin milta hai. ashtak varg men dasham se jyada ank ekadash men ho, ekadash se kam dvadash men hon v lagn men dvadash se jyada ank ho to jatak ki ajivika achchi hoti hai. jatak vyavsay karega ya naukri? saptam bhav vyavsay, sajhedari, ka bhav hai, chatha ghar naukri ka hai. atah jab dvitiya, dasham v ekadash bhav ka sanbandh saptam se hoga to jatak vyavsay karega, chathe se sanbandh hone par naukri karega. naukri ya vyavsay kab: dasha antardasha badlti rahti hai, ek jatak amuk dasha men naukri karta hai, agli dasha men vyavsay karta hai. jab dashesh ka sanbandh, dvitiya, saptam, ekadash, dasham bhav se hoga, us dasha men jatak ki vyavsay karne ki pravritti jyada hogi v labh bhi hoga. lekin jab dvitiya, dasham v ekadash bhav ka sanbandh chathe ghar se hoga to jatak naukri karega. nishkarshah dashmesh ka sanbandh shashthasth, pashthesh se hoga to naukri anyatha saptam, saptamesh se hone par vyavsay karega. ye sabhi prabhav, tinon lagnon se dekhne honge. anya vidhiah nich naukri, madhyam vyapar, uttam kheti. jab grah yog, kundli men balvan honge to vyavsay evam kamjor hon to naukri ke yog bante hain. vyaparah dashamasth grah yadi dashmansh kundli men sthir rashi men hain aur shubh grahon se yukt hain, to vyapar men saflta milti hai. dashmansh ke lagn ka svami aur lagnesh donon ek hi tatva rashi ke hon to bhi vyapar ke yog prabal bante hain. naukriah lekin yadi dashamasth grah dashmansh kundli men char rashi men ashubh grahon se yukt hon to jatak naukri karta hai. vyavsay men asthirtaah yadi dashmansh varg lagn svami aur lagnesh men paraspar shatruta ho. jaise dhanu lagn v makar dashmansh varg lagn, arthat guru shani ki shatruta. naukri ke anya yogah dvadshesh yadi 1, 2, 4, 5, 9, 10 ve bhav men ho to naukri ke yog bante hain. naukri sarkari ya praivet naukri dene vale grahon ka sanbandh surya ya chandra se ho to sarkari naukri ke yog bante hain. dashesh, anrtadashesh ya pratyantrdshesh ka sanbandh yadi surya chandra se ho v inki sthiti janmakundli men rashi v bhav se sudrirh ho to, nishchay hi sarkari naukri milne ke yog bante hain. nishkarshah sarkari naukri ke lie, dasha, antardasha ya pratyantar dasha surya ya chandra ki avashya honi chahie ya inka sanbandh yuti/drishti surya chandra se hona avashyak hai. kyonki surya raja v mukhiya hai, chandrama rani hai. shukra ki dasha/antardasha men praivet sansthan men naukri ke yog bante hain. guru ki dasha men do karya vyakti avashya karta hai. shani ki dasha-antardasha men choti naukri/chota vyapar vyakti karta hai. yadi shani yog karak hokar, uchch, vargottam, shubh sthanagat ho to naukri bari v vistrit vyapar deta hai. rahu ketu ki dasha antardasha men aksar vyavdhan ate hain. rahu achanak nuksan deta hai. dasham bhav vyavsay ka dyotak hai, dvitiya dhan v ekadash ay se sanbandhit hai vastav men janm lagn, lanm lagnesh, chandra lagn, chandra lagnesh surya lagn v surya lagnesh par prabhav dalne vale grah vyavsay chayan ki bhumika ada karte hain. dasham bhav 4 kendron men balvan hain kendra ke grah lagn ko prabhavit karte hain, islie dasham bhav se ajivika sanbandhi vichar kiya jata hai. jo grah, sabhi lagn v lagnesh ko sabse jyada prabhavit karte hain, uski vritti ke anusar vyavsay chayan karna chahie. navansh dvara ajivika gyanah surya, chandra evan lagn se dasham bhav ke svamiyon men se jo balvan ho, vah navmansh kundli men jis rashi par hai us rashi ke svami dvara jatak ki ajivika ka gyan hota hai. jaimini karkansh kundli se ajivika ka gyan karkansh lagn janne se purva hamen jaimini ke atmakarak ka gyan hona chahiye. janm kundli men jo grih sarvadhik ank liye ho (rahu ketu ko chorkr) vah atmakarak kahlata hai. yah atmakarak grah navmansh kundli men jis rashi men hota hai janm kundli men vahi rashi karkansh lagn kahlati hai. navmansh kundli men ise svansh kaha jata hai. vibhinn grahon ki karkansh lagn par drishti, sthit, yuti ka ajivika ke kshetra men gyan prapt karne ke lie ati mahatvapurn hai. maharshi jaimini ne karkansh lagn men sthit grahon tatha lagn par anya grahon ki drishti hone par ajivika ke gyan sanbandhi nimnalikhit tathya batlaye hain. atah jatak sarkari naukri karega ya vyavsay iske sanket bhi karkansh lagn se milte hain. maharshi jaimini dvara diye gaye yah tathya nimnalikhit hai. 1. suryah shasan, satta, sarkari naukri aur uchch stariya vyavsay pradan karta hai. (a) karkansh lagn men yadi surya ho to jatak samaj seva tatha rajniti men sakriya hota hai. (ba) karkansh kundli men yadi atmakarak par surya tatha shukra ka prabhav ho to jatak raja ka naukar (sarkari naukri) hota hai ya sattadhari logon ke adhin karya karta hai. (sa) karkansh lagn se dasham bhav par yadi guru ki drishti ho tatha vahan surya sthit ho to jatak ko pashuon ke vyapar se labh hota hai. (da) karkansh lagn se panchve bhav men yadi surya ho to jatak sangitagya ya darshanik hota hai. (ya) yadi karkansh lagn men surya aur rahu ho aur surya anya vargon men shubh sthiti men ho to jatak vish ka visheshagya hota hai. 2. chandrama: (a) yadi karkansh lagn men purn chandra ya shukra ho ya purn chandrama shukra se yut ya drisht ho to jatak vidya buddhi se dhan kamata hai arthat adhyapak vakil, pandit, updeshak ityadi hota hai. (ba) yadi karkansh lagn men chandra v guru ki yuti ho ya ye donon karkansh lagn se panchve bhav men sthit ho to jatak pustakon ka prakashak hota hai. (sa) yadi karkansh lagn mane akela chandrama ho to jatak sangitagya hota hai. (da) yadi karkansh lagn men upasthit chandrama par budh ki drishti ho to jatak daektar banta hai. 3. mangl: (a) karkansh lagn men mangal sthit ho to jatak rasaynon ka nirman karne vala, parmanu sanyatron men karya karne vala, injan draivar tatha agni adharit karya karne vala hota hai. (ba) yadi karkansh lagn men mangal ho to vyakti dhatu karm se jivan yapan karta hai. (sa) yadi karkansh men sthit mangal par yadi guru v shukra ka shubh prabhav ho to jatak nyayadhish hota hai. (da) karkansh lagn se pancham bhav men mangal sthit ho aur us par shani ka prabhav ho to jatak maikenik ka karya karne vala ho sakta hai. (4) budh: (a) karkansh lagn men budh ho to manushya vyapari, kapra banane vala, shilpi aur vyavhar kushal (jansanpark adhikari) hota hai. (ba) yadi karkansh lagn se pancham bhav men budh ho to jatak vedon ka vidvan hota hai. 5. guru (a) karkansh lagn men guru ho to jatak darshanik, dharmik sanstha ka pradhan, vedon ka gyata tatha karmakand janne vala ho sakta hai. (ba) karkansh lagn se panchve bhav men yadi guru ho to jatak vedon aur upnishedon ka jankar aur vidvan hota hai. 6. shukra: (a) karkansh lagn men shukra rajkiya adhikaron ki prapti karata hai. yadi yah shubh prabhav men ho to. (ba) karkansh lagn se pancham bhav men shukra ho to jatak ko kavita karne men ruchi hoti hai. 7. shani: (a) karkansh lagn men shani ho to jatak paitrik vyavsay karta hai. (ba) karkansh lagn ke shani par mangal ka prabhav ho to jatak ek bildar ho sakta hai. (sa) yadi shani karkansh lagn se chaturth ya pancham bhav men akela ho to jatak nishanebaji se dhan prapt karta hai. 8. rahu: (a) yadi karkansh lagn men rahu ho to jatak yuddh men prayukt hone vale saman banane vala vish chikitsa ka visheshagya tatha yantra visheshagya hota hai. (ba) yadi svansh men rahu atmakarak ke sath ho to jatak chori, dakaiti se apni ajivika chalata hai. (sa) karkansh lagn se pancham men rahu ho to jatak ek achcha maikenik hota hai. 9. ketu: (a) karkansh lagn ya usse pancham sthan men akela ketu ho to manushya ganitagya, jyotishi, kanpyutar visheshagya hota hai. (ba) karkansh lagn men sthit ketu par ashubh prabhav ho to jatak chor banta hai. (sa) karkansh lagn se chaturth sthan par ketu sthit ho to jatak ghari saj hota hai. grahon ki yuti tatha drishti prabhav ko bhi shamil karte hue aur anya vidhiyon se bhi ajivika ka vichar karte hue hi vyavsay ke antim nirnay par pahunchna chahiye. ashtakavarg dvara ajivika ka gyan: 1. yadi sarvashtakavarg men dashven ghar men sabse adhik bindu ho to jatak ka apna vyavsay hota hai. 2. chathen ghar men yadi sabse adhik bindu ho to jatak sadaiv dusron ke adhin karya karta hai arthat naukri karta hai. 3. shani se dasham tatha ekadash men adhik bindu ho to jatak apni naukri men uchch pad prapt karta hai. 4. yadi dasham bhav adhik bindu prapt kar praryapt bali ho parantu ekadash bhav kam binduon ke sath nirbal ho to jatak adhik unnati nahin kar pata. naukri ya niji vyavsayah koi jatak naukri karega ya vyavsay. iska gyan karne ke lie ek jyotishi ko nimnalikhit tathyon ko dhyan men rakhna chahiye. 1. chatha bhav naukri ka hai. atah yadi chatha bhav tatha iska karak, lagna/lagnesh se bali hoga to jatak ke pas naukri ke alava koi vikalp nahin hota chahe vah kitna hi prayatn karen. aisa jatak yadi vyavsay bhi karega to dusron ki agya men hi rahega. sath hi shani jo naukri ka karak hai, ki yadi dasham bhav par drishti ya sthiti hai to bhi jatak naukri ki or hi pravritt hoga. 2. shani ke dasham bhav par prabhav ko samjhne ke lie ‘‘savarth chintamni’’ men pratipadit siddhant ko samjhna avashyak hai. iske granthkar shri vyankat sharma ke anusar yadi shani uchch ho, mul trikon men ho, svagrihi ho, mitra grihi ho, shatru kshetri, nichasth athva astangat n ho tatha shani ka chathen, athven, barhven bhav se sanbandh n ho tab vah surya, chandra, dasham v dashmesh ko prabhavit karen to vah jatak ko svatantra vyavsay ki or prerit karta hai. iske viprit yadi shani shatru kshetri, nichasth, astagant, yuddh men hara hua, chathen, athven, barhven bhav se sanbandh rakhta hua, surya, chandra, dashm/dshmesh se sanbandh sthapit karen to jatak naukri karega parantu yadi shani yahan yogkarak ho (vrish v tula lagn ke lie) tab bhi jatak svatantra vyavsay kar sakta hai. 3. ek tathya yah bhi hai ki yadi shani janm kundli men shatru grihi ast, chathen athven barhven se sanbandhit, nich ka ho aur navmansh v dashmansh men shubh ho jayen arthat svagrihi, uchch, mitra, kshetri, chathen athven, barhven se sanbandh n ho to aisa vyakti uchit dasha ane par naukri chorakar svatantra vyavsay aranbh kar deta hai aur saflta prapt karta hai. 4. surya tatha shani dasham bhav/dshmesh ko prabhavit karte hain to kundli men sahi samay par jatak ki dasha, antardasha shubh ho tatha dasham se sanbandhit ho to jatak ki sarkari naukri ke yog bante hain. iske viprit yadi surya shani ka dasham par prabhav kam ho, dasha, antardasha sahi samay par n aye. (yahan sahi samay se tatparya naukri ki ayu se hai) to jatak naukri to avashya karta hai parantu praivet. parantu in sabse pahle jatak ki kundli men naukri ke yog hone chahiye. svatantra vyavsay ke nahin. 5. vrihat parashar hora shastra ke pratham adhyay ke 24ven shlok men maharshi parashar batate hain. ramah krishnashch bho vipra nrisinhah shukarastatha. iti purnavtarashch hayanye jivansh kanvita.. he vipra ! ram krishn narsinh aur shukar ye purn parmatma ke ansh hai. anya avtaron men jivansh bhi hai. arthat surya, chandra, mangal, rahu ya purn parmatma ansh hai. vinshottari dasha ka dashakarm bhi yahi hota hai. atah yadi in grahon ka lagna/lagnesh tatha dashm/dshmesh par prabhav ho to jatak men svatantra nirnay lene ki kshamata barh jati hai. dasham bhav se karm ki svatantrata prapt hoti hai. atah jatak apne vyavsay ki or unmukh hota hai. aisi sthiti men jatak yadi naukri bhi karta hai to uchch pad ki. jahan vah svayan nirnay lene ke lie svatantra ho. 6. rishi parashar ke siddhant ke anusar kisi grah se tin bhav age tatha tin bhav piche ke grah uske tatkalik mitra hote hain. is siddhant ko yadi bhavon par lagu kiya jaye to dasham se tin bhav age lagn bhav tak tatha tin bhav piche arthat saptam tak adhikansh grah ho to dasham bhav balvan hoga aur jatak svayan ka vyavsay karne vala hoga. iske sath hi lagn ka shaktishali hona avashyak hai. 7. vyavsay ke lie jokhim, pratiyogita, kare nirnay bhi lene parte hain. vyavsayi sadaiv sahsi hota hai. atah vyavsay ke lie tritiya bhav aur uske karak mangal ka bhi adhyayan avashyak hai. yadi tritiyesh/tritiya bhav tatha mangal shubh prabhav men hai to jatak ka vyavsay, sanpann tatha uncha hoga. yadi ye pirit hoge ya in par ashubh prabhav hoga to jatak ek chota mota dukandar banakar hi rah jata hai. 8. vyavsay ke lie kundli men dusra dhan sthan, gyarhvan labh sthan tatha navam pancham ((lakshmi sthan) ka prabal hona avashyak hai kyonki yadi kundli men dhan yog adhik prabal hai to jatak vyavsayi hoga kyonki adhik dhan svatantra vyavsay se hi sanbhav hai. naukri se to jatak ek simit amdni men hi bandha rahega. atah kundli men jitne balvan dhanyog vichar goshthi honge. svatantra vyavsay ki sanbhavna bhi utni hi adhik hogi. 9. vrish tatha tula ke navmansh men atmakarak grih sthit ho aur vah budh se drisht ho to manushya ke bare vyapari hone ki sanbhavnaen prabal ho jati hai. 10. naukri tatha vyavsay ka adhyayan karte samay lagn, chandra lagn, dasham, dasham se dasham, inke karak ke sath-sath yadi janm samay sahi gyat ho to dashmansh ka bhi adhyayan avashya karna chahiye. vishesh: mahadsha - antardasha ke sath in niyamon ka talmel baithana avashyak hai kyonki durbal ya ashubh grah ki dasha, antardasha, ajivika ke kshetra men saflta tatha samriddhi nahin de payegi. ajivika ka kshetra bara kathin tatha vistrit hai. islie ek jyotishi ko iska samyak adhyayan karne ke pashchat hi koi sanket prapt hota hai. uski vishad vyakhya karke kisi anuman tak pahunchna chahiye. ajivika ke sanbandhit sabhi niyamon, siddhanton ko samajhakar hi daivagya ko apni upahpoh shakti ka prayog karte hue is vishay par nirnay dena chahie. ajivika ka vichar karne men jatak ke jivan men prayah 20 se 45 varsh tak ki ayu ke bich ki dashaon ka bahut mahatva hai. lagnesh, navmesh, dashmesh, shashthesh tatha uchch grahon, dasham sthan men baithe grahon ki dashayen prayah naukri ya vyavsay men mahatvapurn yogdan deti hai.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.