utkrisht vastu ka pratik : mahamaya manglagauri mandir  

utkrisht vastu ka pratik mahamaya manglagauri mandir dae. rakesh kumar sinha ‘ravi’ adi anadi kal se dharmasammat rahe bharat bhumi men kitne hi mandir, masjid charch v gurudvara shobhit hai yah satik batana koi asan thore hi hai par inka samriddh sansar yantra-tantra sarvatra drishtigat hota hai. desh ke prachinatam sabhyata-sanskri ti ke svarniya gavah in mandir ko kisi-kisi tirth sthal men vastu-shastra ke anurup banaya gaya hai ismen tirth nagri gaya ki manglagauri ka vishisht sthan hai. magadh pradesh ka hriday kendra gaya nagar ke dakshin kshetra men gaya-bodh gaya jane vale purane marg par virajman bhashmadut parvat shikhar par shobhayman man ki mandir ki yah vastu shastriya prabhav hai ki koi bhi bhakt jo yahan pahli bar ata hai yahin ka hokar jata hai. manglagauri mandir jamin tal se takriban 110 fit unchai par avyasthit hai jo do tal vibhajya purvabhimukh hai. manglagauri ke uÿar men janardan dev (avimukteshvar nath) tatha pundarikaksh mandir jaise vaishnav tirth hain to mandir ke dakshin-pashchim kon par puratan moksh taru akshayavat ki sthiti hai. mae ke mandir ke chaturvik shivshankar ke pujan sthan samriddh hain jinmen purvi dhalan par sthapit ‘shri markandey’ mahadev mandir ke alave parvatiya shikhar par sthapit ‘matmeshvar mahadev’ v ‘mangleshvar mahadev’ ke sath-sath dusre taraf sthapit ‘vriddhaparapita maheshvar mandir,’ ‘koteshvar mahadev’ v ‘vateshvar mahadev’ ka siddh sthal hai. yah mandir pratyek kon par uske isht devta ke pujan sla ke sath shobhit hai jo vastu niyam ke sarvatha anukul hai. man ke mandir ke atho konon par devi-devtaon ke sthan matripith ko praranbh kal se hi prabhavkari bana raha hai. mandir ke pahle marg men hi shri bhairav nath ka vishal mandir virajman hai. mandir ki pashchim v naitya dishaen pahariyon se ghiri hain tatha ishan kon men ek prakri tik talav hai. mandir tak jane ke lie mukhya marg par bana sinh dvar bhi vastu niyam ke anurup hai jismen chairai ke duguna rup men uncha shikhar hai jo ati shubh hai. ismen varakar pahiyon par vastushastriya ankan iski mahÿaa ko aur barha raha hai. fengshui ka ek samanya siddhant hai ki yadi pahar ke madhya men koi bhavan bana ho jiske piche pahari ki unchai aur age ke taraf dhalan ho sath hi dhalan ke bad jal strot jaise ki kund, talab, nadi ityadi ho to us bhavan ki prasiddhi sadiyon tak bani rahti hai. gaya ki manglagauri mandir kshetra is niyam par ekadam satik sthapit hota hai jo brahmayoni parvat ke dhalan bhag men virajman bhashmait pahari par avasthit hai jiske age gaya ke pavitra punit saptakuron men ek vaitrni aur age antah salila falgu bahti hai. aj bhale hi manglagauri mandir parisar men do-do shiv mandir vidyaman hain par purakal men (muglkal tak) yahan ek hi shiv mandir ki upasthiti bhi jismen sthapit shivling ka argha (adhariya tal) asht koniya hai aur fengshui men ashtakoniya akriti ke dev sthal ko atyadhik shubh mana jata hai. bharatavarsh ke kuch anya dev sthal yatha tirupti ka balaji mandir, nath dvara ka shrinath dev mandir, ujjen ka mahakaleshvar devalay, kornak (urisa) ka surya mandir, varansi ka kashi, vishvanath mandir, vidyalay ka mae vindhyavasini mandir, jammu ka shri vaishno devi, kamakhya ka mae kamakhya mandir adi ki bhanti gaya ki manglagauri mae ka dham vastu shastra ke niyamon par nirmit hone ke karan dur-desh tak prakhyat hai. is tarah spasht ho jata hai ki magadh ke puratan devi tirthon men sarva prasiddh gaya ka yah tirth vastushastra ke niyamon par hi mul rup se nirmit hai. yahi karan hai ki sthapna kal se lekar aj tak yah pure pradesh ke mandir ka meru shikhar bana hua hai.