ऋद्धि –सिद्धिदायक ज्योतिषीय रत्न

riddhi –siddhidayak jyotishiya ratn  

Ank ke aur Lekh | Sambandhit Lekh | Views : 5805 |  
riddhi.siddhidayak jyotishiya ratn dae. bi. el. sharma rishi-muniyon ne apne trikalagya gyan ke dvara ratnon ki rashiyon ke anusar unki upyogita ka adhyayan kiya, unki pariksha ki aur apne gyan ka vivaran ved-shastron men samahit kiya. narad sanhita ke adhyay 12 ke shlok 13 men diya gaya hai ki surya ke lie manik (rubi), chandra ke lie moti, mangal ke lie manuga, budh ke lie panna, guru ke lie pukhraj, shukra ke lie hira aur shani ke lie nilmni (nilm) rahu ke lie gomed aur ketu ke lie vaidurya (kets ay) dharan karne se ukt grah ke fal uttam milte hain. ratnon ke prachalan ki prachinta ke sanbandh men ‘‘varahmihir’’ dvara rachit vrihad sanhita ke adhyay 79 se 82 men ratnon ke upyog ke sanbandh men sundar varnan hain. usmen adhyay 79 men ratnon ka varnan hai: hira (vajra), nilam (indranil), panna (markt), karketar, manik, rudhir ratn, vaidurya pulak, arthat lahsuniya, ya kataila, vimalak (koi chamkila ratna) rajmni sanbhvtah sfatik, chandrakant mani, saugandhik, gomed, shankh mani, mahanil (ati nila koi ratna) brahmani, jyotiras, sasyak, moti aur praval (munga) ye ratn bhagya vriddhi ke lie dharan karne yogya hain. ramchrit manas ke rachyita shri tulsidas ji ne bhi ramayan men ratnon ka varnan kiya hai. isse yah siddh hota hai ki tulsidas ji ke samay men bhi ratnon ka prachalan joron par tha. garur puran men bhi hire ka varnan milta hai. hira dharan karne se bhagyoday hota hai tatha shri vriddhi hoti hai. parantu kuch acharyon ka mat hai ki putra chahne vali striyon ko hira nahin pahnna chahie. nilam haddi ke rog dur karta hai aur haddiyon ko balvan banata hai. hriday rog se pirit logon ko manik labhkari siddh hua hai. yadi mansik tanav se hriday rog hua hai, to moti bhi bahut upyogi siddh hua hai. isi prakar garbhavati mahilaon ko surakshit prasav ke lie hara panna labhkari siddh hua hai aur munga garbhapat ki sanbhavna ko dur karta hai. anek vidvan jyotishi is mat se sahamat hain ki lagnesh aur trikonesh ka ratn dharan karna labhkari rahta hai. ek vishva prasiddh jyotishi evan kanpyutar saeftaveyar injiniyar ki janm tarikh 13 disanbar 1956 hai. unka janm lagn sinh aur unki rashi mesh hai. parantu lagnesh surya, rashi se panchmesh ho kar ashtam sthan men hone ke karan surya ka ratn manik unke lie labhkari hai. ek bhagyashali mahila ki janm tarikh 5 mai 1958 hai aur mesh lagn, vrishchik rashi hai. bhagyesh guru saptam men pirit hai. atah unhen pila pukhraj labhkari siddh hua hai. upapradhanmantri shri advani ka vrishchik lagn aur mesh rashi hain. surya bhagyesh ho kar dvadash men nich ka hai. is karan surya ka manik ratn unhen bahut labhkari siddh hua hai. surya rashi se panchmesh hai. prasiddh filmi sitara hemamalini ka kark lagn tatha min rashi hain. unka janm 16-10-48 ko hua hai tatha unke lie pukhraj labhkari siddh hua hai. ek rajya men mantri ke pad par asin mahoday ka vrishchik lagn aur kark rashi hai. unke lie panchmesh ka ratn pila pukhraj bahut labhkari siddh hua hai. isi prakar rajya men ek anya mantri ka min lagn aur min rashi hai. unke lie pila pukhraj aur moti bahut labhkari rahe hanai. unki uttarottar unnati ho rahi hai. ek patra ke sanpadak ki janm tarikh 10-1-1947 hai, mesh lagn aur sinh rashi hain. unhen panchmesh ka ratn manik pahnaya gaya. tabse vah uttarottar unnati kar rahe hain. ek karorpti vyapari ki janm tarikh 14-8-1972 hai. unka dhanu lagn hai aur lagnesh ke pukhraj se unhen labh hua. dilli men ek ilektraenik injiniyar kisi kanpni men janaral mainejar hain. unka janm dinank 15-9-1954, dhanu lagn aur mesh rashi hain. unke lie manik aur pukhraj bahut labhkari siddh hue hain. ek chartard akauntent ki janm tarikh 20-10-1973, vrishchik lagn evan kark rashi hain. unke lie pukhraj bahut labhkari siddh hua aur ab vah videsh men hai. ek mukhya abhiyanta ki janm tarikh 29-5-40 hai, janm lagn makar aur rashi kunbh hain. unke lie hira bahut labhkari siddh hua. mehanat karne se unki unnati hui. vah sukhi jivan vyatit kar rahe hain. ek avivahit kanya ki janm tarikh 2-1-1979, mesh lagn, kunbh rashi hain. use pile pukhraj ki anguthi pahnayi gayi, to jaldi hi uska vivah sanpann hua. ek daektar sena men karnal hain. unki janm tarikh 9-10-47, sinh lagn, kark rashi hai. unke lie pukhraj bahut labhkari raha. ek avivahit kanya ki janm tarikh 8-1-78, janm lagn kark aur rashi dhanu hain. use pile pukhraj ki anguthi pahnayi gayi. uska vivah shighra ho gaya. ab uska jivan sukhi hai. ek em. bi. bi. es daektar ki janm tarikh 5-2-1971, vrishchik lagn, vrish rashi hain. uski age ki parhai ruki hui thi. use pile pukhraj ki anguthi pahnayi gayi aur vah age ki parhai em. di. kar ke apna aspatal chala raha hai. vyaktitva ke nikhar aur jivan men saflta ke lie lagnesh aur trikonesh ke ratn dharan karne chahien. isse bhagyoday tvarit gati se hota hai. kuch vidvanon ka mat hai ki yadi nich rashi sthit grah lagnesh, ya trikonesh bhi ho, tabbhi unke ratn dharan nahin karne chahien. lekin yah bhi paya gaya ki grah nich ka ho, tabbhi uska ratn labhkari siddh hua hai, jaise ek chartard akauntent ki pariksha ke pariksharthi jiski janm tarikh 13-11-1973 aur vrishchik lagn hai, guru makar men nich rashi men hai. pile pukhraj ne use saflta dilayi. is prakar tula rashi’ lagn vale jatak ka shani saptam men mesh ki nich rashi ka tha. use nilam labhkari siddh hua. maharshi varah mihir evan anya prachin acharyon ne bataya ki yadi janm patrika men panch mahapurush rajyog ho, to use ukt rajyogkari grah ka ratn labhkari rahta hai. yah to sabhi jyotishi jante hain ki yadi guru, shukra, budh, mangal, ya shani janm lagn se kendra men svagrahi, ya uchch ka ho, to guru se hans, shukra se malavya, budh se bhadra, mangal se ruchak evan shani se shash panch mahapurush rajyog bante hai. atah rajyogkari grah ka ratn labhkari siddh hoga. yadi kisi ki janmapatrika men uparyukt panch mahapurush rajyog ho, to ukt grah ki mahadsha men uska ratn dharan karna chahien, jaise, mangal se ruchak yog men munga, budh se bhadra yog men hara panna, guru se hans yog men pila pukhraj, shukra se malavya yog men safed hira, shani se shash yog men nilam. ratn dharan karne men ek aur savdhani avashya rakhen ki kabhi bhi ashtesh ka ratn dharan nahin karen, jaise sinh lagn vale ke lie guru panchmesh (trikonesh) aur ashtamesh banta hai, to vah pukhraj nahin pahnen. isi prakar kunbh lagn valon ke lie budh panchmesh aur ashtamesh banta hai, to ve budh ka panna dharan nahin karen aur mesh lagn vale ka mangal lagnesh aur ashtamesh banta hai to ve mangal ka munga dharan nahin karen. mithun lagn valon ke lie shani navmesh (trikonesh) aur ashtamesh banta hai. atah ve shani ka nilam dharan nahin karen. is prakar tula lagn valon ke lie shukra lagnesh aur ashtamesh banta hai, to ve hira dharan nahin karen. vibhinn ratnon ko dharan karne ke lie un grahon ke din, yani moti ke lie somvar, manik ke lie ravivar, munge, ke lie manglvar, panna ke lie budhvar, pukhraj ke lie guruvar, hire ke lie shukravar aur nilam ke lie shanivar upyukt rahte hain. maharshiyon ne apni khoj se yah nishkarsh nikala hai ki jis vastu ka rang jitna gahra hoga vah apne gun ki utni hi adhik abhivyakti karega. isi siddhant ke anusar labhkari ratn dharan karne se labh hoga.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.