रत्न धारण करने की विधि

ratn dharan karne ki vidhi  

Ank ke aur Lekh | Sambandhit Lekh | Views : 80739 |  
ratn dharan karne ki vidhi ved prakash sharma ratnon men prakash rashmiyon ke paravartan ki kshamata hoti hai. islie prakash kirnon ke sanpark men ate hi ve jhilmilane lagte hain. kuch ratnon men svarn abha hoti hai aur ve ratri ke andhere men prakashvan hote rahte hain. bhartiya jyotish men sarvapratham inka upyog sanbandhit grah ko balvan banane ke lie kiya jata hai. jatak ki janmakundli men, ya gochar men, mahadsha, antardasha, pratyantar dasha men jo grah anisht kar raha ho, uske ratn ko dan karna prachin maharshiyon ne likha hai. sath hi jo grah nirbal ho, use balvan karne ke lie ratnon ko sanbandhit grah ke mantron se jagrit kar pahnna bataya gaya hai. bina janmakundli ke adhyayan ke ratn pahnne ka paramarsh dena, ya ratn pahnana labh ke sthan par hanikarak siddh ho jata hai. yadi janmakundli ke adhyayan ke pashchat ratn dharan kiya jae, to purn labh prapt kiya ja sakta hai aur ashubhta se bhi bacha ja sakta hai, jaise moti ratn ko yadi mesh lagn ka jatak dharan kare, to use labh prapt hoga. karan mesh lagn men chaturth bhav ka svami chandra hota hai. chaturthesh chandra lagnesh mangal ka mitra hai. chaturth bhav shubh ka bhav hai, jiske parinamasvarup vah mansik shanti, vidya sukh, grih sukh, matri sukh adi men labhkari hoga. yadi mesh lagn ka jatak moti ke sath munga dharan kare, to labh men vriddhi hogi. ratn ko dharan karne ki vidhi ke bare men prachin bhartiya jyotish acharyon ne bataya hai ki ratn dharan karne se purva, us ratn ko ratn ke svami ke var men, usi ki hora men, ratn ke svami ke mantron se jagrit kara kar, dharan karna chahie. ratn dharan karte samay chandrama bhi uttam hona avashyak hai. yadi jo ratn dharan kiya jae, vah shubh sthan ka svami ho, to sharir se sparsh karta hua pahnna bataya gaya hai. ratn ko dharan karne se purva pariksha ke lie usi rang ke suti kapde men bandh kar dahine hath men bandh kar fal dekhen. pariksha ke lie ratn ke svami ke var ke din hi hath men bandhen aur agle, yani ath din bad, usi var ke pashchat, naven din use hath se khol len, to ratn dvara gat nau dinon ka shubh-ashubh ka nirnay ho jaega. prachin maharshiyon ne ratn ko kisi vishesh anguli men dharan karne ke babat nahin bataya hai; matra dahine ang, ya dahine hath evan anamika anguli ki or ingit kiya hai. yah kahin bhi nahin likha hai aur n hi koi siddhant milta hai ki tarjani ungli men brihaspati ratn pukhraj ko dharan kiya jae, ya nilam ratn ko madhyama ungli men dharan kiya jae. vaigyanik evan dharmik drishti se anamika ungli se hi sanpurn pujn-path, anushthan, sutak, mritak, adi sanpurn karya karna likha gaya hai aur isi anamika ungli men dahine hath men ratn dharan karna prachin granthon men bataya gaya hai. ratnon ko dharan karne se purva yah bhi bhali bhanti dekh len ki ratn doshpurn nahin ho, anyatha labh ke sthan par vah hani ka karan mana gaya hai. yadi kisi ratn, jaise moti men ari rekhaen hon, ya kras ya jal ho, to saubhagyanashak, pukhraj men hon, to bandhubadhav nashak, panna men hon, to lakshminashak, pukhraj men hon, to santan ke lie anishtakarak, hire men hon, to mansik shantinashak, nilam men hon, to rogavardhak aur dhan hanikarak hain. yadi gomed men hon, to ye sharir men rakt sanbandhi bimari paida karti hain, lahsuniya men hon, to shatruvardhak, manik. ho, to grihasth sukh ka nash, munge men hon, to sukh sanpatti ki nashtakarak mani jati hai. isi prakar moti men dhabbe, dag hon, to mansik shanti men badhakarak, pukhraj men hon, to dhan-sanpattinashak, panna men hon, to stri ke lie bimarikarak, munge men hon, to pahnne vale jatak ke lie bimarikarak, manik men hon, to svayan jatak ko (pahnne vale ko) bimar karte hain. hire men hon, to mrityukarak, nilam men hon, to har kshetra men bin bulai pareshaniyan, gomed men hon, to sanpatti aur pashu dhan ka nashak, lahsuniya men hon, to shatruvardhak mane gaye hain. jab ek se adhik ratn dharan karen, to ratn ke shatru ka bhi dhyan rakha jana chahie, jaise hire ke shatru ratn manik aur moti hain. munge ka shatru ratn panna hai. nilam ke shatru ratn manik, moti, munga hain. manik ke shatru ratn hira evan nilam hain. atah is bat ko maddenajar rakhte hue ratn ko ratn ke dhatu men hi pahnna chahie. ratn ko panch dhatu, sona, chandi, tanba, loha, kansa ki saman matra ki anguthi men bhi dharan kiya ja sakta hai. jyotish men pratyek bhav se athvan bhav uska marak mana gaya hai. ise maddenajar rakhte hue hi ratn dharan karna chahien. ratn ki ayu aur sath men varjit ratn grah ratn ratn ki ayu sath men varjit ratn surya manikya 4 sal hira, nilam, gomed chandra moti 21/4 sal gomed, lahsuniya mangal munga 3 sal hira, nilam, gomed budh panna 4 sal moti brihaspati pukhraj 4 sal hira, nilam shukra hira 7 sal manikya, munga, pukhraj shani nilam 5 sal manikya, munga, pukhraj rahu gomed 3 sal manikya, moti, munga ketu lahsuniya 3 sal moti
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  June 2009

ratn visheshank men jivan men ratnon ki upyogita: ek jyotishiya vishleshan, vibhinn lagnon evan rashiyon ke lie labhdayak ratnon ka chayan, sukh-samriddhi ki vriddhi men ratnon ki bhumika. vibhinn ratnon ki pahchan evan unka mahatva, shuddhi karan evan pran pratishtha tatha rog nivaran men ratnon ki upyogita adi ke vishay men jankari prapt ki ja sakti hai.

Subscribe

Apne vichar vyakt karein

blog comments powered by Disqus
.