lal kitab aur ratn dharan chanda jain lal kitab ke upayon ko apna kar log labhanvit ho rahe hain. prayah sabhi jyotishigan evan am log lal kitab ki sahayta lete hain aur dusron ko bhi iske upay karne hetu prerit karte hain. rel gari se yatra karte log kisi pavitra nadi ke upar se gujrte samay usmen sikke dalte hain. vahin shraddhalu jan gayon ko ghas dalte hain, brahmanon ko dan-dakshina dete hain. ye lal kitab ke saral aur lokapriya totke hain. aise anekanek saral upayon ke karan lal kitab sabhi ko apni or akrisht karti hai. yahan nau grahon ke doshon se mukti hetu lal kitab men varnit ratn upayon ka sankshipt vivaran prastut hai. yadi kisi ghar men koi grah soya hua ho to us ghar ko aur us grah ke prabhav ko jagrat karne ke lie us ghar ka ratn dharan karen. jaise pahle ghar ko jagane ke lie mangal ka ratn, dusre ghar ko jagane ke lie chandra ka, tisre ke lie budh ka, chaithe ke lie chandra ka, panchven ke lie surya ka, chathe ke lie rahu ka, satven ke lie shukra ka, athven ke lie chandra, nauven ke lie guru ka, dasven ke lie shani ka, gyarhven ke lie guru ka evan barhven ghar ko jagane ke lie ketu ka ratn dharan kiya ja sakta hai. yadi do grah apas men takkar ke hon aur unmen shatru bhav utpann ho raha ho to donon hi grahon ke ratn ek sath hi pahnna chahie. lal kitab ke anusar grahon ke kuprabhavon ko samapt karne ke lie, unhen anukul banane ke lie niche die gae vivaran ke anusar vibhinn ratnon ko vibhinn dhatuon men dharan karna chahie. jis grah ko balvan karna ho us grah ka ratn uski dhatu ke sath jarva kar pahnna chahie. janm ka grah aur janm samay ka grah yadi ek ho to vah vyakti ke lie hamesha shubh fal pradan karne vala hota hai. atah uska ratn niahsankoch dharan kar lena chahie. janm din ke grah evan janm samay ke grah ka vivaran is prakar hai. is prakar samasyaon se pirit jatakagan lal kitab ke anusar apne bhagyashali ratn ka chayan kar pratikul grahon ke kuprabhavon se apni raksha kar sakte hain. lal kitab ke upayon se kasht nivaran men sahayta milti hai, yah ek nirvivad satya hai. din samay grah ravivar din ka dusra prahar surya somvar chandni rat chandra manglvar purn dopahar mangal budhvar din ka tisra prahar budh guruvar din ka pratham prahar guru shukravar kalirat shukra shanivar ratri evan andhkaramay shani guruvar sham purnasham rahu ravivar pratah suryoday se purva ketu grah ratn dhatu surya manikya sona chandra moti chandi mangal munga tanba budh panna sona guru pukhraj sona shukra hira chandi shani nilam loha rahu gomed upar dhatu ketu lahsuniya sona ya tanba
Kya aapko lekh pasand aaya?
Subscribe