अंग बताये मनुष्य का भविष्य

ang bataye manushya ka bhavishya  

Ank ke aur Lekh | Sambandhit Lekh | Views : 12829 |  
ang bataye manushya ka bhavishya pan. manohar sharma mukh ke adhar par purushon ka mukh munh chota ho to shubh hota hai. munh bahut adhik faila hua ho to vyakti daridra hota hai. chaira munh ashubh hota hai. striyon ke mukh unnat lalat evan akarshak mukhakriti vali striyon ko rajsi sukh prapt hota hai. jis stri ka munh sundar, kantiyukt mukh ho vah saubhagyashalini hoti hai. akarshak, shant aur kantiyukt munh vali striyan dhanvan hoti hain. munh-gol tatha mansal ho to striyan saubhagyashalini hoti hain. pita se milta julta munh vishesh saubhagya ka suchak hota hai. kamal ke saman munh vali stri sarvagun sanpann hoti hai. nak: purush ki nak yadi char angul lanbi nak ho to vyakti dirghayu hota hai. jiski nak ubhri hui ho vah sadachari hota hai. hathi ke saman nak vala vyakti bhogi hota hai. tote ke saman nak vala vyakti sukhi hota hai. jiski nak sidhi ho vah saubhagyashali hota hai. jiske nathune chote hon vah bhagyavan hota hai. jiske nak ke age ka hissa terha ho vah arthik drishti se sampann hota hai. nukili nak vala rajatulya hota hai. choti nak vala dharmatma hota hai. jiski nak ke age ka hissa do bhagon men banta hua ho vah daridra hota hai. chapti nak vala vyakti saral svabhav ka hota hai. kati hui nak vala vyakti papi hota hai. dayin or jhuki hui nak vala vyakti kamjor hota hai. bare nathune vala vyakti svasth hota hai. striyon ki nak yadi nak choti ho to vah majdur svabhav vali hoti hai. chapti aur lanbi nak vali stri vidhva hoti hai. yadi nak ke age ka hissa lanbai lie hue ho, to vah rani ke saman sukh bhogti hai. yadi nak ki nok par kala til ya massa ho, to vah duracharini hoti hai. atyadhik lanbi nak vali stri sukhhin hoti hai. sudaul aur saman chidra vali nak shreshthata ki suchak hai. lanbi aur patli nak vali stri shubh hoti hai. yadi kisi stri ki nak bahut bari ho to vah jhagralu hoti hai aur yadi vah hilti dulti chale to chuglkhor aur larne vali hoti hai. yadi kisi stri ki nak terhi-merhi ho to vah dasi ki bhanti mehanat karne vali hoti hai. nathune fule hon to vah jhagralu hoti hai. yadi nak ka agla bhag lal, lanba v mota ho to yah striyon ke lie shubh nahin hota. jis stri ke nathune uthe hue hon vah kamuk hoti hai. nokdar nak vali striyan vidushi hoti hain. kan ke adhar par (purushon ke kan) jis purush ke kan ubhre hue hon evan unki nok sudaul tatha bari ho vah saubhagyashali hota hai. yadi kan janm se hi lanbe hon to vah sukhi hota hai. jinke kan mote hon ve komal svabhav ke hote hain. jinke kan chote hon ve buddhiman hote hain. shankh ke saman kan vale log militri men uchch padasth hote hain. chapte kanon vale log bhogi hote hain. bare-bare romyukt kan dirghayu ka sanket dete hain. bahut mote kan neta hote hain. atyant chote kan vale vyakti kanjus hote hain. sukhe hue kan daridrata ke suchak hote hain. lanbe aur faile hue kan vyakti ke krur hone ka sanket dete hain. bare kan vale log samaj men sammanit hote hain. chiknai rahit kan kamjori ke suchak hote hain. striyon ke kan striyon ke kanon par bal hona unke shighra hone vidhva ka suchak hain. striyon ke kan lanbe hon to shubh hote hain. lanbe, sundar evan ghumavdar kan striyon ke charitravan hone ka sanket dete hain. kan terhe-merhe, chote aur patle hon to stri durbhagyashali hoti hai. lanbe, til ya massayukt kan striyon ke saubhagyashalini hone ka suchak hote hain. nonkdar kanon vali stri vidvan hoti hai. gardan ke adhar par purushon ki gardan choti gardan vala vyakti bhagyashali hota hai. gol aur majbut gardan vala dhanvan hota hai. shankh ke saman gardan vala vyakti raja hota hai. bhainse ke saman moti gardan vala vyakti balvan hota hai. bail ke saman gardan vala vyakti alpayu hota hai. lanbi gardan vala vyakti bhogi hota hai. terhi gardan vala vyakti chuglkhor hota hai. lanbi aur chapti gardan vala vyakti dukhi hota hai. manshin gardan nirdhanata ki suchak hoti hai. char angul vali gardan sarvashreshth mani gai hai. 24 se 26 angul ghere vali gardan uttam hoti hai. bari-bari haddiyon se yukt gardan nirdhanata ki suchak hoti hai. striyon ki gardan yadi striyon ke gale ke manke sidhe hon to ve dirghayu hoti hain. yadi gale ki gutki unchi ho to ve saubhagyashalini hoti hain. mans se bhari hui sundar gardan uttam hoti hai. tin rekhaon se yukt gardan vali striyan dhani hoti hain. jis stri ke gale men haddiyan dikhai deti hon vah hatbhagya hoti hai. moti gardan vali stri vidhva hoti hai. jiske gale men nariyan dikhai deti hon vah daridra hoti hai. jis stri ki gardan bahut adhik lanbi ho, vah kul ka nash karne vali mani jati hai. jis stri ki gardan sundar, sudaul char angul vali ho vah gunvti hoti hai. surahidar gardan vali stri shringarapriya aur sukhi hoti hai. jis stri ki gardan piche ki or jhuki hui rahti ho vah dhurt, chalak aur besharm hoti hoti hai. gale men tin sakal parne vali sukh sanpatti barhane vali hoti hai. chibuk (thori) ke adhar par purushon ke chibuk yadi chibuk gol ya mansal ho to purush dhanvan hota hai. lanba, patla aur dubla chibuk daridrata suchak hota hai. yadi thori ka agrabhag sundar aur komal ho to shubh hota hai. yadi thorhi ke agle bhag men lalima dikhai de to ashubh hoti hai. striyon ke chibuk jis stri ka chibuk do angul ka mansal tatha sundar ho, vah saubhagyashalini hoti hai. romyukt chibuk vali stri duracharini hoti hai. gol mansal aur mulayam chibuk stri ke lie shubhatva pradan karne vala hota hai. kapol ke adhar par: purushon ke kapol fule hue gal vale log sukhi hote hain. mansal kapol bhogi hone ka sanket dete hain. jinke kapol sinh ke saman ubhre hue hon ve raja hote hain. mans rahit chipke hue kapol logon ka jivan duahkhamay hota hai. fule gal vala vyakti mantri hota hai. striyon ke kapol jin striyon ke gal nirmal v sundar hote hain ve gunavatti hoti hain. jin striyon ke galon par nariyan nahin hotin ve devi ke saman pujniya hoti hain. jin striyon ke gal gaddhedar hon ve purn dhanlolup tatha shaukin mijaj ki hoti hai. mans se bhare gol evan saman kapol vali striyan uttam grihalakshmi hoti hain. jin striyon ke gal mansal, chaire v mote hon ve saubhagyashalini hoti hain. ve stri sukhi aur sanpann hoti hain. striyon ke pusht, mansal aur unnat gal achche lakshanon ke pratik hain. mans rahit v lanbe romyukt gal shubh nahin hote. galon ka khurdra aur chipka hona bhi sundar lakshan nahin hai. jin striyon ke gal charon or se gol tatha lali lie hue hote hain ve saubhagyashalini evan pati ki priya hoti hain. honth ke adhar par purushon ke honth lal honth vale log dhanvan hote hain. gulabi honth vale log buddhiman hote hain. mote honth vale log dharmatma hote hain. lanbe honth vale log bhogi hote hain. ubar khabar honth vale logon ka jivan dukhamay hota hai. rukhe, sukhe, patle evan kantihin honth nirdhanata ke suchak hain. striyon ke honth jis stri ke honth lal evan chikne hon ve gunvti hoti hain. jis stri ke honthe ke bich men rekha dikhai de ve saubhagyashalini hoti hain. are tirche hothon vali striyan pati sukh se hin hoti hain. bahut adhik mote honthon vali striyan kalhkarini hoti hain. jin striyon ka upri honth komal, jhuka hua evan chikna ho ve striyan saubhagyashalini hoti hain. jin striyon ka nichla honth upar ki or utha hua ho ve striya vidhva hoti hain. gol evan lalima lie hue honthon vali striyon ko pati ka purn sukh prapt hota hai. patle, sundar evan lanbe hontho vali striyon ke pati gunvan hote hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.