भाग्यवृद्धि में वास्तु शास्त्र की प्रबल भूमिका

bhagyavriddhi men vastu shastra ki prabal bhumika  

Ank ke aur Lekh | Sambandhit Lekh | Views : 3233 |  
bhagya vriddhi men vastu shastra ki prabal bhumika prashn : kisi jatak ko bhagyavriddhi hetu upay vastu ke anusar karne chahie ya jyotish ke adhar par? ap jo upay adhik karagar samjhte hain, uske paksh men uchit sakshya evan karnon ka vistarpurvak varnan karen. jivan men pragti evan bhagya sudhar ke lie mukhytah do vidhaon ka sahara liya jata hai - jyotish evan vastu shastra. donon vidhaen bhagya men vriddhi to kar sakti hain, use badal nahin saktin. bhagya ko badlne ki shakti to keval akhil brahmand nayak prabhu ko hai. vastu shastra evan jyotish shastra bhagya ko sudharne men keval sahayta karte hain. bhartiya darshan evan jyotish shastra ke mat se purva janm ke karm hi vartaman jivan men bhagya ka nirdharan karte hain. karm ka fal avashya bhogna parta hai. upchar us karm ke fal ko nyun ya adhik karta hai. udahrnarth shit kal men thand parti hai, lekin usse bachav ke lie ham garm kapre evan rui ki rajai banate hain. vaise hi, vastu shastra manushya ko unnati, sukh adi ki prapti ka rasta dikhata hai, kintu iske lie prakriti ke niyamon ka palan karna avashyak hota hai. manav ke jivan men donon ka prabhav rahta hai. donon ke anukul hone par jivan men sukh-shanti bani rahti hai. donon pratikul hon, to jivan kashtamay hota hai. aise men ek kasht samapt hota hai to dusra ubharakar samne a jata hai. ek anukul aur dusra pratikul ho to bhi jivan sangharshamay hi bana rahta hai. vastu shastra uchchakoti ka vigyan hai jo prakriti ke niyamon par adharit hai. yah jal, vayu, agni, akash evan bhumi men santulan rakhne ka adesh deta hai. vastu shastra pratyaksh shastra hai jiske siddhanton ka palan karne par labh milne ki sanbhavna prabal rahti hai. jyotish shastra paroksh shastra hai, jiske anusar falakathan karne ke lie ganna ki sahayta li jati hai. jyotish shastra ek jatil shastra hai. iske anusar falakathan karne ke lie 27 nakshatron, barah rashiyon, barah lagnon, shashth varg, antardasha, pratyantardasha, sukshm dasha adi ka gyan avashyak hota hai. iske atirikt ismen gochar ka dhyan rakhna parta hai. sath hi anubhav evan dev shakti ka sanbal lena parta hai. uske bad upchar karna parta hai. upchar ke vibhinn sadhan hain yatha yantra, mantra, tantra, ratn adi. vastu shastra ke anusar uttari evan dakshini dhruv se gurutvakarshan shakti prapt hoti hai jo manav mastishk ko jagrat rakhne men sahayta karti hai. purva disha se saur urja ka agaman hota hai jo manushya ko shaktiman banati hai. purva-uttar disha se khagoliya urja arthat pran urja prapt hoti hai jiske karan manav svayan ko kriyashil anubhav karta hai. vastu shastra ke niyamon ko apnana jyotish shastra ki tulna men saral hai. lekin vastu niyamon ko bhi vibhinn charnon men apnana parta hai jaise bhumi ka chayan, grih nirman ka muhurt, grih pravesh ka muhurt, mukhay dvar ki shubhta aur ashubhta, dishaon ki visheshtaen adi. inke atirikt in baton ka bhi vishesh dhyan rakhna chahie ki puja ghar, shayan kaksh, snan grih, shauchalay adi kahan hon, sirhiyan kis disha men hon, kis taraf ghumav ho, bhavan men rangon ki vyavastha kaisi ho adi. yah nirvivad hai ki jyotish aur vastu ka sanbandh gahra hai. donon ek-dusre ke purak hain. yah tathya yahan prastut kuch udaharan se spasht ho jata hai. shri saryu sharan mishra (kundli nan. 1) ek sadharan vyakti hain. unka lagn vrishchik hai. lagn men shani aur surya hain. dvitiya bhav men budh, tritiya men shukra, pancham men chandra, shashth men ketu aur dvadash men mangal, guru evan rahu hain. shri sharma surya ki mahadsha men budh-ketu-shukra ki antardasha se pareshan hain. bachchon ki bimari ke karan karj men a gae. inke ghar men bhi dosh tha. ek darvaja uttar ki or tha jo sadharan tha. dusra darvaja rnaitya kon tatha shauchalay ishan kon men tha. ek jyotishi ki salah se unhonne moti tatha pukhraj dharan kie jisse ay barh gai, lekin rog evan rin ki shikayat bani rahi. punah unhonne vastu shastri se sanpark kiya. unki ray se unhonne rnaitya kon vala darvaja band kar diya evan shauchalay vayavya kon men le gae. ab unhen rin se bahut had tak mukti mil chuki hai aur bachchon ke svasthya men bhi kafi sudhar hua hai. shri sitaram agraval (kundli nan. 2) patna ke nivasi hain. unki kundli vrish lagn ki hai. lagn men surya, chandra evan budh hain. pancham bhav men guru evan ketu hain. saptam men svagrihi mangal, ekadash men rahu evan vyay bhav men shani aur shukra hain. surya ki mahadsha men grih nirman kar grih pravesh kiya. kirae ke ghar men sukh-shanti se rah rahe the, lekin apne ghar men ane par ashanti evan pareshani ka anubhav kiya. inke darvaje ke samne shisham ka vriksh tha. sirhiyon ke niche stor rum bana rakha tha. ek vastushastri se ray lekar ukt vriksh ko katva diya. sath hi stor rum ko dakshin-pashchim disha men sthanantrit kar diya. parivartan karne ke bad sthiti samanya ho gai. vastu shastra ke niyamon ke palan se tatkal labh mila aur sare parivar ko shanti mili. ek aur udaharan urisa ke ek jamindar vyakti ka hai. inka ghar shahar men hai. ghar vastu shastra ke anusar bana tha. ishan kon men kuan evan hanuman ji ka sthan tha. mukhiya ka shayan kaksh dakshin disha men hai. stor dakshin-pashchim kon men tha atithi kaksh vayavya kon men sthit tha. ghar ki lanbai chaurai-barabar thi. samanyatah parivar ke logon ka samay sukhpurvak bitta raha, par idhar kuch varshon se pareshani an pari. jatak ne vastu shastri se paramarsh kiya. unhonne kaha ki ghar ki ayu samapt ho gai hai, ise daivik anushthan se punah jivit kiya jae. grih svami ne vaisa hi kiya, fir bhi shanti nahin mili. jyotishi se sanpark kiya. apne parivar ke sadasyon ki kundliyan dikhain to pata chala ki prayah har sadasya par shashthesh evan saptamesh ki dasha aur antardasha chal rahi hai. iske lie samuhik shanti karai gai. isse spasht ho jata hai ki vastu ki sthiti achchi hone par bhi grahon ka prabhav manav par parta hai. munbai men ek vyakti chandrashekhar sharma hain. tejatarrar vyakti hain. inhonne jamin kharidakar vastusammat ghar banaya. nae ghar men ae to ashanti barhne lagi jabki kirae ke ghar men sthiti achchi thi. vastu shastra evan jyotish ke jankaron se salah ki, par karan pata nahin chala. bahut sochne-samjhne ke bad jatak bhusvami ke pas gaya. jamin ka itihas pucha to pata chala ki ukt sthan par pahle shmashan tha. bad men jamin ko khoda gaya aur niche se manav tatha pashu ki hadidyan nikali gain. fir vastu shanti karai gai, tab jakar sukh-shanti lauti. ek vishesh udaharan fyuchar samachar gat varsh ke julai ank men prakashit arushi hatyakand se sanbaddh hai. stanbh lekhika shrimti abha bansal ji ne arushi, nupur aur rajesh talvar ki janmapatriyon men pratikul dasha aur pratikul gochar ke karan parivar ko hui bhari kshati ka vishleshan kiya tha. tinon janmakundliyon men guru ki sthiti bhi atyant kamjor thi. shri kuldip saluja ne bhi ukt patrika ke gat varsh ke sitanbar ank men rajesh talvar ke ghar ke vastu vishleshan men rnaitya kon ke doshpurn hone ki bat kahi thi. sath hi anya doshon ka vivaran bhi diya tha. kahne ka arth yah hai ki samay rahte jyotishiya evan vastu sammat upay kie jate to sanbhav tha ki talvar parivar ka sankat tal jata. nishkarsh rup men kaha ja sakta hai ki jyotish ke anurup bhagyavriddhi ke upay karne men jyotish ke niyamon ki jatilta are ati hai, lekin vastusammat upay shighra prabhavi hote hain. kintu uchit yah hai ki adhik jatil samasyaon ke samadhan ke prabhavshali upay ke lie donon hi vidhaon ka sahara lena chahie.
Kya aapko lekh pasand aaya? Subscribe

Kya aapko lekh pasand aaya? Subscribe


vastu evan sheyar bajar visheshank  February 2009

sheyar evan vastu bajar adharit visheshank men sheyar bajar, mediniya jyotish evan sheyar bajar, bharat men senseks ka bhavishya, vyakti vishesh ke liye labhdayak utpadon ka chayan, sheyar bajar men safal vyaktiyon ki kundliyon sanbandhit jankari prapti ki ja sakti hai.

Subscribe

Apne vichar vyakt karein

blog comments powered by Disqus
.