असामयिक मृत्यु

asamyik mrityu  

Ank ke aur Lekh | Sambandhit Lekh | Views : 4300 |  
asamyik mrityu vikram mavi b hmand men vicharan karne vale vibhinn grah jatak ke anya pakshon ke alava ayu paksh ko bhi prabhavit karte hain. inhin ke prabhavavash vah vibhinn rogon, durghatanaon ka shikar hota hai, uski hatya ya asamyik mrityu hoti hai ya fir vah atmahatya karta hai. jyotish ke siddhanton ka sukshmata se vishleshan kar asani se pata lagaya ja sakta hai ki koi jatak kis grah se dushprabhavit ho sakta hai. kisi vyakti ki ayu dirgh hogi athva alp, is par vichar karne se purva uske ayu chakra par vichar karna chahie. taduprant kundli men lagnesh aur bhagyesh ke balabal tatha saptamesh, ashtamesh v dvitiyesh ki sthiti aur shubhashubh prabhav ka sukshmata se avlokan karna chahie. lagnanusar kark-akarak grahon ki kundli men sthiti ka vishleshan parmavashyak hai. tatparya yah hai ki keval ayu chakra ke anusar yah nishkarsh nahin nikalna chahie ki jatak alpayu, madhyayu ya dirghayu hoga. kabhi-kabhi vyakti ke jivan men kuch ghatnaen samay purva ghat jati hain. udaharan ke lie svargiya shrimti indira gandhi ki kundli men ayu chakra ke anusar dirghayu yog hai. lagnesh chandra makar men aur ashtamesh shani kark men hai. ukt donon hi rashiyan char hain. yah ek dirghayu yog hai, parantu 100 varsh ki ayu shrimti gandhi nahin bhog pain. shrimti gandhi ka lagn kark hai. budh, shukra v shani akarak grah hain. kundli men saptamasth (marak bhavastha) lagnesh chandra svayan saptamesh aur ashtamesh se pirit hai. shani ki drishti parakram, saptam v dasham bhavon par ashubh prabhav dal rahi hai. ekadash bhav men shatru rashi men bhagyesh brihaspati ki sthiti v shashth bhav men guru ki rashi men sukhesh shukra ki sthiti hona tatha rahu se uska pirit hona- ye sare yog vishesh shubhaprad nahin kahe ja sakte. dvitiya v dvadash bhav janm kal se hi shani ke prabhav (sarhesati ka prabhav) men the. dhyan dene yogya tathya yah hai ki dvitiya bhav saptam se ashtam hai. dvitiya bhavasth mangal ke karan unki vani men ugrata thi aur koi nirnay lene men vah jaldabaji karti thin. bhagyesh ki nirbal sthiti, ugra mangal ka bhagya bhav par prabhav tatha ashtam bhav par (shatru bhav) drishti, bhagya bhav par kisi shubh grah ka prabhav n hona in sare yogon ke karan sva. shrimti gandhi ke shatruon ko bal mila. pancham bhav men vyayesh budh ke sath sthit surya santan ke lie kashtakarak raha. is prakar, kuch mahatvapurn tathya prastut sandarbh men nimnanusar ubhar kar samne ate hain. saptamesh-ashtamesh shani lagnanusar akarak lagn men sthit hai. lagn, parakram, karm bhavon par shani ka spasht dushprabhav hai. svayan lagnesh saptam (mark) bhavasth hokar shani se pirit hai. ekadash bhav (svasthya ke lie hanikarak bhav) men shatru rashisth shashthesh-bhagyesh guru dvadshesh akarak budh se drisht hai. bhagyesh ki sthiti anya mamlon men uÿam, parantu svasthya ke lie shreshth nahin hai. gochriya sthiti (janmakalin) ke anusar mithun v sinh rashiyon par shani ka prabhav tha. is tarah mangal aur shani ka mishrit prabhav uthl-puthal karak raha. dvitiyesh mangal agni tatva grah aur rashi men hai tatha shani lauhkarak hai, atah badunk se nikli dhatu (goli) ghatak sabit hui. lagnanusar akarak grah ki rashi mithun men sthit ketu akarak shukra se drisht hai. nepal ke divangat naresh ki kundli men lagn men shatru grah brihaspati sthit hai. akarak surya ekadash par kuprabhav dal raha hai. svarashisth marak mangal dasham,lagn evan dvitiya bhavon par kuprabhav dal raha hai. shani aur mangal ki sanyukt drishti kramshah shatru rashi, nich rashi aur dasham bhav par hai. is tarah naresh ki hatya men shani aur mangal ki bhumika aham rahi. sva. indira gandhi ki kundli ki tarah hi unki kundli men bhi shani ki kark men sthiti, yuti tatha shatru rashi par mangal ki drishti arishtakarak rahi. in grah yogon ke atirikt shashth bhavasth rahu lagn ke shatru grah ki rashi men aur ketu dvadash bhav men sthit hai. rashi par drishti dalna, ashtam bhavasth karmesh chandra aur dasham bhav par janmakalin sarhesati ka prabhav hai. mangal aur shani ki ek dusre par drishti bhi arishtakarak rahi. sarvagyat hai ki antim kshanon men prabhu isa ko salib par tang kar unke hathon aur pairon men kilen (lauh tatva) thukva di gai thin. upar varnit tinon kundliyon ke jatkon ki hatya hui. mangal raktavarn, rakt aur shastra ka karak (krur grah) hai. anshik kuprabhav lie mangal aur shani ka apsi takrav, lagn par lagnanusar arishtakarak grahon ki sthiti-drishti, lagnesh ki balhinta ye sare yog asamyik mrityu ke karan bane. dhyan dene yogya tathya hai ki varnit tinon kundliyon par shani ka kuprabhav hai. tatparya yah hai ki yadi mangal aur shani jaise grah lagn, tritiya bhav athva bhavesh ko akarak ban kar pirit karen to jatak, sahodar, mitra adi ki asamayik mrityu ke karan bante hain. prayah aise jatak shastraghat se pirit hote hain. lagn se ashtam bhav ayu ka bhav hota hai. ayu bhav se dvadash arthat saptam bhav ayu ka vyay bhav karata hai. taduprant ashtam se ashtam arthat tritiya bhav bhi ayu ka bhav hota hai. tritiya se dvadash arthat dvitiya bhav bhi tritiya ka vyay bhav hua. is prakar dvitiya v saptam bhav mrityu ke bhav hue. isilie in donon bhavon ke svami markesh hote hain. kundli kramank 1 men sthitivash marak bane mangal par shani ka prabhav hai. markesh ka prabhav spasht hai. tritiya bhav par bhi marak grah ka prabhav hai. svayan tritiya marak grah dvitiyesh surya ke kuprabhav men hai. akarak rahu ki navam drishti mangal ke akarakatva ko barha rahi hai. anya kundliyon men bhi isi prakar ke anshik yog hain. markesh yadi marak bhav men hi ho to prabal markesh ho sakta hai. kundli 2 men saptam bhavasth markesh (saptamesh) mangal dasham bhav nich rashi, lagn aur dvitiya bhav par krur drishti dal raha hai. parakramesh, bhagyesh, karmesh, ekadshesh sabhi grah mangal ki krurta ke shikar hain. punah rahu (akark) ki panchm-navam drishti bhi prabhavi hai. rahu gupt shadyantra ka karak sabit ho raha hai. guru v shukra kendra ke svami hokar dvitiya athva saptam bhavasth hon to prabal markesh ho sakte hain. jyotish ke siddhantanusar markesh ganna men guru, shukra aur budh vishisht sthitiyon men prabal kramshah markesh ho sakte hain. surya aur chandra is shreni men nahin ate, parantu markesh ko shubhta pradan karne men saksham hote hain ya purnatah nirdosh hote hain, aisa nahin kaha ja sakta. yadi shani markesh ho arthat dvitiya athva saptam ka svami ho to prabal hai. kundli 1 men punah yah tathya ujagar hota hai. lagnesh dvitiyesh shani saptamasth hai aur lagn par drishtipat kar raha hai. saptamesh chandra ashtamasth hai. dvitiyesh shani ka chaturth bhav (nich rashi) par hi prabhav hai. isi shani par dvadashasth mangal ka kuprabhav (nich rashi) spasht hai. punah shashth, saptam aur ashtam bhavon par shani ki sarhesati hai. lagnanusar chandra, mangal, budh aur guru akarak tatha surya tatasth hai. dasham bhav men guru ki sthiti tatha rahu sthit pancham bhav par shashthesh v ashtamesh ki drishti hai. punah lagn tatha parakram bhav par koi shubh prabhav nahin hai. svayan chandra dvitiya bhav ko bal pradan kar raha hai. sarvagyat hai ki svargiya shri sanjay gandhi ki mrityu ek vayuyan durghatana men hui thi. punah dhatu v agni ka prakop mangal ka shani par kuprabhav spasht karta hai. vayu tatva rashi tula men baith kar dvadshesh guru ne dvitiya bhav par kuprabhav ko barha diya. dusri taraf, rashtrapti mahatma gandhi ki kundli men saptamesh mangal shatru rashi men lagnasth hai. shani ka prabhav mangal ki rashi chaturth bhav ashtam tatha ekadash par hai. dvitiya bhavasth shani kuch ashubhta lie hue hai. tritiyesh markesh ke prabhav men hai. shukra ki sthiti shreshth hai, parantu dvadshesh ki sthiti achchi nahin thi. shatrukshetri mangal (papi) ke prabhavavash bandhvon ke karan bapu ko kasht uthana para aur agneyastra mrityu ka karan bana. jyotish ke siddhantanusar shukra lagnesh hone ke k a r n a ashtamesh dosh se mukt hota hai. lagnesh ki nirbal sthiti ayu ke lie ghatak ho sakti hai. shukra athva lagn (tula) mangal athva ketu ke dushprabhav men ho to goli lagne athva ag se mrityu hone ki sanbhavna rahti hai. uprokt kundli men aisa spasht yog mangal ke falasvarup dikhai par raha hai. shashthesh, ashtamesh v dvadshesh akarak hote hanai. durbhagya se yadi markesh ki tisri, panchvin athva satvin dasha ho to vishesh pran ghatak sabit ho sakti hai. yadi mahadsha, antardasha tatha pratyantar dasha tinon hi marak aur krur grahon ke prabhav men hon, anisht nivarak grah nirbal hane, antardashanath shubh, parantu pratyantar dashanath anishtakarak grah ho to anisht ki sanbhavna prabal hoti hai. nakshatra jyotish ke anusar vipat, pratyari aur vadh nakshatron ke svamiyon ki anrtadasha kashtadayak ho sakti hai, janm nakshatra se panchvan, tisra v satvan nakshatra kramshah pratyari, vipat tatha vadh nakshatra hota hai. ashtamesh bhav 6, 8 ya 12 men ho to sanbhav hai, uski dasha anishtakarak ho. is prakar uprokt sthitiyan asmayik mrityu ka karan banti hain.
Kya aapko lekh pasand aaya? Subscribe

Kya aapko lekh pasand aaya? Subscribe


vastu evan sheyar bajar visheshank  February 2009

sheyar evan vastu bajar adharit visheshank men sheyar bajar, mediniya jyotish evan sheyar bajar, bharat men senseks ka bhavishya, vyakti vishesh ke liye labhdayak utpadon ka chayan, sheyar bajar men safal vyaktiyon ki kundliyon sanbandhit jankari prapti ki ja sakti hai.

Subscribe

Apne vichar vyakt karein

blog comments powered by Disqus
.