देवस्थान तिरूपति बालाजी

devasthan tirupti balaji  

Ank ke aur Lekh | Sambandhit Lekh | Views : 4046 |  
devasthantiruptibala ji do. bhagvan sahay shrivastav dakshin bharat ke paryatan sthalon ki charcha karte hi prasiddh devasthan tirupti bala ji ka nam svatah hothon par a jata hai, jahan darshan matra se hi anand v shanti se hriday bhar jata hai. pure bharat men hinduon ke pavitra tirth sthalon men apni vishisht pahchan rakhne vala yah devasthan apratim hai. pradesh ke trichur jile men sat shikhron vale venktachal parvat par sthit yah mandir tirupti tirumla (tiru-sat, mala parvat) devasthan ke nam se jana jata hai jo paryatan ki drishti se bhi manmohak hai. is parvat ko saptachal bhi kaha jata hai. iska madhyavarti shikhar sheshachal nam se prasiddh hai. tirumla tirupti shahar se 16 kimi. dur hai, jahan venkteshvar ka prasiddh mandir sthit hai. tirupti se sarak dvara jura yah sthan prakritik sundrta ke lie prasiddh hai. hari-bhari ramnik pahariyon se ghira tirumla dekhne yogya hai. yah mandir vastukla ka bhi utkrisht udaharan hai. yahan pratidin das hajar se jyada bhaktajan ate hain. govindraj svami mandir yahan ka ek anya prasiddh mandir hai. tirumla pahariyon ki tarai men tirupti mandir se lagabhag 3 ki.midur uttar men bhagvan shiv ko samarpit shri kapileshvarasvami ka prasiddh mandir sthit hai. yahan ka kapil tirtham jalaprapat dekhte hi banta hai. ise alvar tirtham bhi kahte hain. mandir se 3 ki.mi. dur uttar men hi akashganga jalaprapat hai, jiske pavitra jal se bhagvan ka abhishek karaya jata hai. yah ek darshaniya sthal hai, jahan pahar se niklta jharna ek gahri tang ghati men jakar girta hai. barsat ke dinon men yah jalaprapat atyant sundar lagta hai aur yahan snan karne se man pavitra ho jata hai. vidvanon ka mat hai ki tirupti bala ji venkteshvar mandir ki sthapna dvapar yug ki samapti ke pashchat kaliyug men hui thi. yah mandir apne shilp, sthapatya tatha dakshini murtikla ki drishti se advitiya hai. svarn mandit shikhron evan toran dvaron se alankrit is tirth ka darshan karne matra se man anandit ho uthta hai. venkteshvar ke mandir se 5 ki.midur tiruchanu men bhagvan vishnu ki arddhangini bhagvti padmavti ka mandir hai. iski mahima apranpar hai. bhagvan balaji ke darshan ke purva bhagvti padmavti ke darshan karne chahie. yah mandir desh ke pramukh mandiron men se ek hai. mandir ki sajavat men 24 kairet shuddh sone ka prayog kiya gaya hai. yahan darshakon ki bhir itni adhik hoti hai ki darshan ke lie 6 se 12 ghante tak pankti men khara rahna par sakta hai. mandir men vriddhon, viklangon evan rogiyon ke lie niahshulk darshan ki vyavastha ki jati hai. venkteshvar mandir ke pas hi svami pushkarani ke kinare varah svami mandir sthit hai. yahan bhagvan vishnu varah svami ke rup men sthapit hain. tirumla se 11 ki.mi. dur chandgiri namak ek kila hai jo 856 mitar unchi pahari par bana hai. tirumla men darshan karne ke bad yatri yahan bhi ate hain. tirupti ka ek aur pramukh paryatan sthal talkon hai. yah ek van hai jismen sthit isi nam ka jalaprapat apni naisargik chata ke lie duniya bhar men prasiddh hai. samjha jata hai ki yah tirumla ki sat pahariyon ka dvar hai. yahan sailani piknik manane ate hain. mandir ke parisar men shri ganesh mandapam, dakshinamurti mandapam, kamakshi mandapam, kumar svami mandapam tatha navagrah mandapam bhi hain. kaise pahunchen? tirupti bala ji ke darshan ke lie desh ke kisi bhi mahanagar se tren ya havai jahaj dvara chennai pahuncha ja sakta hai. yah mandir chunki tamilnadu evan andhra pradesh ki sima par sthit hai, islie donon hi rajyon se hokar yahan pahuncha ja sakta hai. chennai se rel dvara 4 ghante men tatha bas ya taiksi se 5-6 ghante men pahunch sakte hain. tirupti ka najdiki relve steshan tirupti hi hai. steshan se parvat par sthit venkteshvar mandir ki duri lagabhag 35 ki.mi. hai. yahan jane ke lie har samay taiksi evan basen upalabdh rahti hain.
Kya aapko lekh pasand aaya? Subscribe

Kya aapko lekh pasand aaya? Subscribe


vastu evan sheyar bajar visheshank  February 2009

sheyar evan vastu bajar adharit visheshank men sheyar bajar, mediniya jyotish evan sheyar bajar, bharat men senseks ka bhavishya, vyakti vishesh ke liye labhdayak utpadon ka chayan, sheyar bajar men safal vyaktiyon ki kundliyon sanbandhit jankari prapti ki ja sakti hai.

Subscribe

Apne vichar vyakt karein

blog comments powered by Disqus
.