sheyar bajar men labh-hani ka akalan (prashna-vichar) shri mohan sa re sansar ki gatividhi nakshatron aur grahon ke adhin hai. jivan, mrityu, labh, hani adi sab par grahon ka niyantran hai, sab unse prabhavit hain. jyotish ki vibhinn vidhaon men ek hai prashnakundli jiske dvara labh, hani evan sheyar bajar se jure vibhinn prashnon ka sahi uttar jana ja sakta hai. lagnesh, karyesh tatha chandra ka vichar karke samanya shubh yogon ki sthiti dekhakar aise prashnon ka faladesh kiya ja sakta hai. labh ya hani janne ke lie pancham, ashtam, dasham tatha ekadash bhavon ka vishleshan avashya karna chahie. ukt bhavon men pakshabali chandra, shukra aur budh par pap grah ki drishti labh ke sanket deti hai. in par shubh grah guru ki drishti vishesh labhdayak nahin hoti hai. labh hoga ya nahin yah janne ke lie lagnesh tatha labhesh ki sthiti ka vishleshan karna chahiae. donon ka sanbandh aur yog labh ka suchak hota hai. bajar ke graf ko uthane ka tatkalik karak dvitiyesh hota hai, atah sheyar ke kray-vikray men labh hoga ya nahin yah janne ke lie dvitiyesh ki sthiti ka vichar karna chahie. dvitiyesh v lagnesh ka sanbandh v chandra ka prabhav ya chandra ka lagnesh ke sath athva dvitiya bhav men hona labhdayak hota hai. ghate ki sthiti ka vichar karne ke lie ashtam aur dvadash bhavon tatha ashtamesh v dvadshesh ki sthiti ka vishleshan avashyak hota hai. ashtam v dvadash bhav hani ke bhav hain. ashtam ya dvadash bhav men shubh grah athva ashtamesh v dvadshesh hon ya unmen sthan parivartan ho to hani ka yog hota hai. kshati purti ke yog men chandra ki bhumika nirnayak hoti hai. kundli men chandra ki lagnesh v karyesh se jitni niktta hogi, kshatipurti utni adhik matra men hogi. kisi tarah ka achanak labh milne men navam bhav ki bhumika aham hoti hai. atah is par vichar karne ke lie ukt bhav ka vishleshan karna chahie, kyonki achanak labh men bhagya ka barabar ka hath hota hai. navam bhav par shubh grah ki drishti v shubh yog navam (bhagya) bhav ko bal pradan karte hain. lagn men balvan budh par chandra ya koi pap grah drishti dale to achanak labh hota hai. lagn ke sath-sath navam bhav par bhi shubh prabhav ho, to achcha labh milta hai. yadi lagn ya lagnesh par pap drishti ho to labh to hoga, par sharirik kasht bhi ho sakta hai. duba dhan milega ya nahin, yah janne ke lie lagnesh, dhanesh v chandra ki sthiti ka adhyayan karna chahie. tinon ka shubh yog dhan milne ki sanbhavna ko barhata hai. chaturth bhav se age chandra v surya hon to dhan kathinta se vapas milta hai. ukt yogon ke sath-sath shubh muhurt v nakshatron ka vishleshan bhi karna chahie. manglvar ko diya gaya rin shighrata se vapas nahin ata hai. kray-vikray men tinon purva, vishakha, krittika, ashlesha aur bharni (kunbh lagn, rikta tithi, manglvar) varjit hain. atah kray-vikray hamesha shubh chandra ke yog men karna chahie.
Kya aapko lekh pasand aaya?
Subscribe