सर्वोपयोगी कृपा यंत्र

sarvopyogi kripa yantra  

Ank ke aur Lekh | Sambandhit Lekh | Views : 3130 |  
sarvopyogi kripa yantra rekha kalpadev shri shivshankar kripa yantra bhagvan shiv sabhi ichchaon ko jaldi pura karne vale dev hain. bhagvan shivshankar kripa yantra ki upasna vyakti ke jivan ko kalhmukt banane vali kahi gayi hain. aksar sansarik jivan men viprit paristhitiyon ka samna karna parta hai. is sthiti men bhagvan shivshankar kripa yantra ki puja andar se man aur svabhav men badlav lakar bahri rup se sukh pradan karti hai. devadhidev ki upasna sarvopri mani gayi hai. shri shivshankar kripa yantra ki sadhna se arthik aur samajik sankat dur hote hain aur sadhak ki ajivika, vyavsay adi men unnati aur ghar-parivar men sukh-samriddhi ke sath-sath manovanchit fal bhi prapt hote hain. shri shivshankar kripa yantra adbhut shakti sanpann, dhan-sanpatti, sukh-vaibhav pradan karne vala yantra hai. yadi ise vidhipurvak sthapit kar niyamit pujan kiya jae to sabhi manorath purn hote hain tatha jo ise roj dhup-dip dikhata hai, vah sansar ke sabhi sukhon ka bhog karta hai. shri shivshankar kripa yantra upyogita is yantra men sthapit anya anek shaktiyon ke sammilit hone ke karan yah yantra atyadhik prabhavshali yantra ban gaya hai. yantra ki kripa se bhagvan shiv ki kripa sadaiv ke lie prapt hoti hai. ghar-parivar men iska nitya pujan karne se parivarik samriddhi men vriddhi hoti hai. yah yantra dampatya-sukh pradan karne vala yantra hai. is yantra ki nirmalata ke saman hi sadhak ka jivan bhi sabhi prakar ki malintaon se pare ho jata hai. manokamnaon ki purti ke lie yah durlabh yantra hai. shri shivshankar kripa yantram visheshta 1. shri shivshankar kripa yantram kurmaprishth par sthapit hai. 2. is yantra men bhagvan shiv ki pratima kachchap pith par sthapit hai. (kurm ko sakshat shri vishnu ka svarup mana gaya hain) 3. bhagvan shiv par chatra rup me shri shiv yantra hai. 4. shiv yantra par devadhidev ka trishul yantra ko adbhut shaktiyukt bana raha hai. shri kuber kripa yantra shastron ke anusar daridrata, bhagyahinta, arthik unnati ke badhak hone par jivan ki vishmtaon ko dur karne ke lie shri kuber kripa yantra ashcharyajanak rup se fal deta hai. shri kuber yantra dhan se judi sabhi samasyaon ka samadhan hai. agar koi vyakti dhanhani ka samna kar raha hai. chahakar bhi apne karjon ka bhugtan nahin kar pa raha hai. is sthiti men ghar men shri kuber yantra ki sthapna karna labhkari siddh ho sakta hai. is yantra se bhagvan kuber ki kripa prapt hogi jisse dhan sanbandhi samasyaon ka nirakaran hoga. kuber devtaon ke koshagar ke adhyaksh mane jate hain. shri kuber kripa yantra jivan ki sabhi shreshthata ko dene vala, aishvarya, lakshmi, divyata, pad-prapti, sukh-saubhagya vriddhi, asht siddhi, nav nidhi, arthik vikas, santan sukh, uttam svasthya, ayu vriddhi aur samast bhautik aur parasukh dene men samarth hai. kuber kripa yantra dhanesh kuber ka yantra hai. is yantra ke prabhav se yaksharaj kuber prasann hokar atul sanpatti ki raksha karte hain. jahan lakshmi prapti ki anya sadhnaen asafal ho jati hain, vahin is yantra ki upasna se shighra labh hota hai. kuber yantra puja ghar ke alava, galle, tijori, v band almari men sthapit kiya ja sakta hai. lakshmi-prapti ki sadhnaon men kuber yantra apna mahatvapurn sthan rakhta hai. shri kuber kripa yantra upyogita kuber yantra ki shubhta se sadhak ko rin aur daridrata se shighra mukti milti hai. yah berojgari ko dur hatata hai. vyapariyon ko vyapar men unnati deta hai. yah yantra apne ap men achuk, svayansiddh aur aishvarya pradan karne vala hai. is yantra ki upasna se rank bhi dhanvan hota hai. shri kuber yantra vitiya sanbhavnaon ko barhta hain, jivan aur peshe men thahrav, vyapar hinta, durbhagya nash aur bhagyoday karne ka karya karta hain. shri kuber kripa yantra achuk aur advitiya yantra hai. jis ghar men is yantra ki upasna hoti hain, us ghar men dhan ki kabhi kami nahin hoti hai. shri kuber kripa yantra visheshta shri kuber kripa yantra kurma-prishth par sthapit hai. kuber kripa yantra men dev kuber sinhasan par virajit hain. kuber ji par shri kuber yantra ankon men chatra rup men hai. kuber yantra men sabse upar ‘un’’ shakti chinh hai. shri sai nath kripa yantra shri sai nath apne aradhak ko sukh-samriddhi pradan karne ke sath hi uski sabhi manokamnaen puri karte hain. yah yantra samriddhi, shuddhata, v pavitrata ka pratik hai aur iske prabhav se daridrata, tanav, karj v rog ka unmulan hota hai. yah yantra vishesh yantron ki shreni me ata hai. shri sain nath yantra ke chamatkari prabhav se vyakti madhur bolne vala, katrtavyanishth, ishvar bhakt, udar, sadachari, dharmanishth, mata-pita ki bhakti bhavna se seva karne vala, punyatma, kshamashil, danvir, buddhi man, dayavan aur guru ki seva karne vala banta hai. is yantra ki shaktiyon ke falasvarup vyakti par sain kripa sadaiv ke lie bani rahti hain. jis vyakti par shri sain nath ki kripa ho jati hain us vyakti ke kathin se kathin karya bhi sahjta ke sath pure hote hain. jin vyaktiyon ka bhagya nirbal ho, har sanbhav prayas karne par bhi naukri nahin lagti, aur usmen badhaen ati hain, pariksha men yogyata anusar ank prapt nahin hote athva parivar men sukh-shanti ka abhav rahta hai, parishram aur imandari se karya karne par bhi jivan men saflta ke lie sangharsh ka samna karna parta hai, is sthiti men yah yantra labhkari yantra hain. shri sain nath kripa yantra ke shubh prabhav se vyakti ke sabhi karya purn hote hain. vyapar, videsh gaman, grihasth jivan, naukri pesha adi men sukh v samriddhi prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.