कांवड़ : श्रावण में शिवार्चन की  पावन परम्परा

kanvad : shravan men shivarchan ki pavan parampara  

Ank ke aur Lekh | Sambandhit Lekh | Views : 1867 |  
kanvr: shravan men shivarchan ki pavan paranpra svami kalyan chandra trikhandiya bhagvan shiv ka abhishek karne ki paranpra vaidik kal se hi chali ayi hai. sanpurn rudrashtadhyayi shiv abhishek tatha aradhna ka param pratik hai. hamare manishi rishiyon ne bhagvan shiv ki sabhi archan vidhi tatha kamnaen rudrabhishek men samahit kar di hain. samast kamnaon ki sanpurti karne men bhagvan sadashiv hi sarva samarth aur saksham hain. vaidik vidhi se lekar lok paramparaon men shivarchan srishti ke liye sada-sarvada kalyankari hai. bhagvan bhaskar ke dakshinayan kal men sabhi samajik mangal karyon ka avkash rahta hai. tab samast chaturmas men shiv-shiva ka aradhna dvar sada khula rahta hai. visheshakar shivarchan ke liye shravan sarvashreshth mana gaya hai. vaise to shivarchan sada hi kalyankari hai kintu shravan ka mahatva sada vishisht mana gaya hai. isiliye bharat ke pratyek kshetra men nirmit shivalyon men shivarchan karne ke lie shiv bhakt atishay utsah purvak apni ruchi ke anusar shirvachan, shiv-abhishek karte-karate hain. yah shiv mahotsav shravan tatha falgun mas ki shivratri ko to sakal hindu samaj avashya manata hai. vaidik parampara ke anusar gangajal tatha tirthon ka jal lakar vibhinn sthalon par shivling par abhishek karne ka vishesh mahattva mana gaya hai. lok kathaon ke anusar punyamyi mahandiyon ka jal apni shraddha sthali ke shivling par archan karne valon ne apni manokamnaon ko bhagvan shiv se vardan rup men prapt kiya hai. ismen devta-danv-manav koi bhi piche nahin raha. shivarchan ki shakti tatha bhakti aparampar hai, akshunn hai. yahi bharat ki shiv-bhakti ki anupam paranpra hai. is shivarchan ki shraddhamay paranpra ko himachal men nivas karne vale brahmanon ne bhi sahasron varshon tak nibhaya. aj bhi aise bahut log dikhai de jate hain. ye log alakanda ka jal shishiyon men bharakar kandhe par kanvar uthaye paidal yatra karte huye haridvar se chalakar shivratriyon ke pavan parva par setubandh rameshvaram men sahasron ki sankhya men pahunchakar apne-apne yajman ke nam ka sankalp karke bhagvan shiv par ganga jal se abhishek karte the. is paranpra ko hi kanvar ka rup mana gaya hai. ye shiv-pujak uchch himalay se samudratak ki vikat yatra karte huye samast bharat ke chote-bare sabhi sthanon par jate tatha ate samay apne-apne yajmanon ko shubhkamna sandesh tatha ashish dete huye durgam yatra saharsh sanpann karte the. us samay ye apne yajmanon se do ane, char ane, rupya jaisi jiski shraddha hoti prapt karke sarvatha santusht dekhe jate the. karmavir kanvriyon ki yah yatra hi inke uparjan ka bhi ek sadhan tha, yatha labh santosh ki pravriti ka ye adarsh udaharan the. kintu ajakal in karmaviron ka utsah bhang ho gaya hai. ab ye sabhi mahangai ki vibhishika ke karan apne-apne sthan par hi apni shram-sadhna se apna nirvah karte hain. yah sab hone par bhi bhagvan shiv ke gangajal abhishek ka kram tut nahin paya aur is upakram ko shraddhaluon dvara ek naya rup prapt ho gaya. bharat ke vibhinn nagron se shraddhalu tatha alag hi yuvk-yuvtiyon ne shivarchan ki yah kanvar apne kandhon par utha li. ab har shravan athva fagun men shraddhalu vibhinn tirthon se visheshakar haridvar se kanvar men gangajal le jakar padyatra karte huye apne-apne shraddha-sthalon par shivratri ke pavan parva par shivarchan karke apne ap ko dhanya mante hain. shivarchan, abhishek ki yah vaidik parampara chalti rahi hai aur chalti rahegi. sthan-sthan par kavar sanghon ka gathan ho gaya hai tatha is paranpra ne vishal rup le liya hai. is vikas kram men is vishuddh shiv-bhakti ki pavan paranpra men kuch svarthi tatha anaitik tatva bhi dikhai dene lage hain. is ajasra dhara ko aise sabhi ghrinit tatvon se bacha kar ke ise vishuddh shivatatva ki sharnagti ka svarup dena chahiye.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.