श्री गंगा नवमी व्रत

shri ganga navmi vrat  

Ank ke aur Lekh | Sambandhit Lekh | Views : 2538 |  
shri ganga navmi vrat pan. brajkishor sharma brajvasi shri ganga navmi vrat bhadrapad mas ke krishnapaksh ki navmi ko manaya jata hai. is din ganga maiyya ke pavan tat par jakar ganga jal men snanakar shastriya paranpranusar svastivachan, sankalpadi krityon ke sath ganesh gauri, kalash, navagrah, bhagvan nar-narayan v bhagvan shiv evan bhagvti shiva v mata ganga ka vidhivat vibhinn puja samagriyon se shodshopchar pujan karen, devtaon, rishiyon, gangamata v pitron ka tarpan kar sabhi ki prasannata ke lie v mangal kalyanarth brahmana-brahmani, abhyagat, atithi, panchbli adi ka bhojnadi padarthon se savidhi palan karen. svayan pujnadi krityon ko karne ki samathrya na ho to sanpurn vidhi vidvan brahmanon ki sannidhyata men purn karen. nandishraddh v punyahvachan karm karana bhi shreyaskar rahega. ganga bharat bhumi ki jivndayini jaldhara hai. yadyapi ganga avataran ki katha prasiddh hai lekin treta yug men maharshi atri aur unki param tapasvini patni anusuya ki tapasya ne ek naya rup dharan karke navmi ke din atri ganga ke rup men darshan diya tabhi se prachlit hua yah vishisht navmi vrat parva. gangaji ka snan-pujn-tarpan jatak ke adhyatmik, adhidaivik, adhibhautik kashton ka samultya nash karne vala hai. inmen shamil hain -1 kayik dosh (bina di hui annumat vastuon ko harplena, avivahit hinsa karna tatha parastriyon se avaidh sanbandh banana 2- vachik dosh (kathor vani bolna, asatya bhashan karna, chuglkhori karna tatha anargal pralap karna), 3 - mansik dosh (paraye dhan ka lalach, man hi man kisi ke viruddh anisht chintan tatha nastik buddhi). ganga ka yah svarup sat-chit-anand ki sthiti pradan karta hai. pahle bhi kapil muni ki krodhagni se dagdh maharaj sagar ke sath hajar putra gangajal ka sparsh hone par hi mukt ho gae the. ganga navmi vrat ka vishesh sanbandh ‘atri ganga se hai. is din atri tatha unki pativrata, dharmavrata patni anusuya ke kathor tap ke parinamasvarup‘ atri ganga’ ka avataran hua tha. atah is ganga pujan ke pavan avasar par gangavataran ke nimn charitra ko avashya shravan karen. ek samay hi pujnoprant sanpurn kriyaon ko purn kar ganga maiyya ke stotra, mantra v shri hari ki sundar kathaon ka shravan karen, to nishchay ganga devi ki kripa se jivan men sukh-shanti prapt ho jati hai. gangavtrn-charitra tretayug men adharm, pakhand, anachar, durachar barh jane se anek dharmatma, punyatma, devatma, siddh purush nagron ko tyagakar janglon men ja base. tin varsh tak varsha n hui, akal par gaya. jan-dhan ki kshati hone lagi. jiv-jantu hi kya prani matra jal ki ek-ek bund ke lie tarsne laga. jan-jivan men faile is dukh ko maharshi atri n dekh sake. unhonne lokhit ki bhavna se nirahar rah kar kathor tapasya shuru kar di. unki patni bhi bari sadhvi thi. usne bhi vaisa hi kathor tap karna shuru kiya. ek din jab maharshi atri ki samadhi khuli to unhonne patni anusuya se pine ke lie jal manga. ashram ke pas ek nadi thi. anusuya vahan se jal lene gai. par use vahan jal n mila. vah kai sthanon par ghumi, par use kahin jal n mil saka. tatkal peron ke samuh se ek yuvti nikal kar anusuya ki or barhi. uske puchne par anusuya ne bataya ki ‘‘vah pyase pati ke lie jal ki khoj men nikli hai par jal kahin mila hi nahin. tum yadi koi jalashay bata do to ajivan abhar manungi.’’ is par yuvti ne kaha ki kai dinon se to pani barsa hi nahin. milega kahan? anusuya yah sunakar uttejna bhare shabdon men boli - ‘‘milega kahan? ‘‘milega kaise nahin, yahin milega. main sadhvi hun. mainne purnamanoyog se apne pati ki seva ki hai. yadi main is seva-dharm ki kasauti par khari utri hun to mera tap yahin patit pavni ganga ki dhara pravahit karke dikhaega.’’ us yuvti ne kaha - ‘‘devi ! main tumhare pativrat se prasann hun. tumhari sadhna se main bhi kam prasann nahin hun. isse jagat ka bara mangal hoga.’’ anusuya ne kshama chachna karte hue yuvti ka parichay pucha. yuvti ne bataya- ‘‘main hi ganga hun. tumhare pati-parmeshvar pyase hain. main tumhare sudarshanon ke lie yahan padhari hun. tumhara lakshya pura ho gaya hai. apne ganv ke niche ke tile ko kuredo. vahan pani hi pani hai. pani bhar kar le jao aur pati dev ko pilao.’’ anusuya ne ganga maiya se nivedan kiya ki jab tak vah n laute, tab tak kripya yahan rahen athva uske sath chal kar, uske pati dev ko bhi darshan dekar kritarth karen. ganga ne vahan thahrne ke mulya men uski pati-seva ka ek varsh ka fal dan men mang liya. anusuya ne ek varsh ke punya-fal ko arpit karne ka vachan dekar pati dev se bhi agya lene ka nivedan kiya. anusuya ke jane ke bad ganga maiya vahin peron ki chaya men vishram karne lagin. anusuya ko jal-sahit lauta dekhakar maharshi ne pucha- ‘‘jal kahan se layi ho? idhar to kuch dinon se varsha hi nahin hui?’’ anusuya ne sari ghatna ka varnan kar diya. maharshi atri bhi ganga ke darshan ke lie chal die. ganga maiya ke samne pahunch kar danpti ne pranam karke nivedan kiya ki yah ganga ki dhara kabhi n sukhe. sadaiv bahti rahe. ganga ne kaha - ‘‘maharshi ! yah mere adhikar men nahin hai. iske lie apko mahadev ji ki aradhna karni hogi.’’ ganga ke kahne par, pati agya pakar anusuya ne apni pati-seva ke ek varsh ka punya fal ganga ko arpit kar diya. unhonne vahin bhagvan shiv ki aradhna ki. aurhrdani shiv prakat hue. ganga ka pravah sthayi ho gaya. anavrishti ka sankat dur ho gaya. maharshi ne ashram ke pas bhagvan shankar ki sthapna karke unko ‘brajeshvar nath’ nam diya. unke pas bahne vali ganga ‘atri-ganga’ kahlayi. islie is din is vrat tatha pujan ka vidhan hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.