क्यों होता है अधिक मास

kyon hota hai adhik mas  

Ank ke aur Lekh | Sambandhit Lekh | Views : 3576 |  
kyon hota hai adhik mas? lagabhag samast bhartiya panchangon ke anusar jo ki mukhyatah surya siddhant par adharit hote hain ek saur varsh men 12 chandra mas hote hain. parantu jis varsh adhik mas hota hai, us varsh 12ke sthan par 13 chandra mas hote hain. yah lagabhag dhai varsh ke antar men hota hai tatha is atirikt mas ko hi adhik mas kaha jata hai. adhik mas kyon hota hai, aiye, is bare men vistar se charcha karte hain. bhartiya panchang ke anusar is varsh do bhadrapad mas hai. inka aranbh 3 agast ko hoga tatha samapti 30 sitanbar ko hogi. adhik bhadrapad mas ka aranbh pratham bhadrapad mas ke dvitiya paksh se hoga tatha yah dvi tiya bhadrapad mas ke pratham paksh ke ant tak rahega. pratham bhadrapad ka pratham paksh tatha dvitiya bhadrapad mas ka dvitiya paksh shuddh bhadrapad mas hoga. atah adhik bhadrapad mas ka aranbh 18 agasat 2012 se hokar 16 sitanbar 2012 ko samapt hoga. 3 agast se 17 agast tak tatha 17 sitanbar se 30 sitanbar tak shuddh bhadrapad mas honge. bhartiya panchang ke panch ango tithi, nakshatra, yog, karan evan var inki ganna mukhyatah bhachakra men surya evan chandrama ki sthiti ke adhar par ki jati hai. bhartiya panchang bhu kendrit khagoliya gannaon ke adhar par nirmit kiye jate hain. ismen prithvi ko kendra manakar bhachakra men sthit anya sabhi grahon ki gati ki ganna ki jati hai. is ganna paddhati men prithvi ko sthir manakar surya evan chandrama sahit anya sabhi grahon ko sapeksh gati ke adhar par chalayman kiya jata hai. mas,, vrish rashi men vrish saur mas adi. surya jis din ek rashi se dusri rashi men pravesh karta hai. us din ko surya sankranti divas kaha jata hain is prakar ek saur varsh men 12 saur mas evan 12 surya sankrantiyan hoti hai. in sankrantiyon ka nam bhi surya jis rashi men pravesh karta hai usi ke adhar par rakha jata hai. jaise mesh sankranti, vrish sankranti, mithun sankranti adi. ek saur varsh men chandrama prithvi ki 12 parikramaen puri karta hai. prithvi ki ek parikrama karte samay chandrama surya ke sath ek bar sanyukti karta hai tatha ek bar 1800 ka kon banta hai. arthat ek saur mas men ya ek rashi men surya evan chandrama varsh men keval ek bar hi sanyukti karte hain tatha ek bar hi 1800 ka kon banate hain. surya evan chandrama ke sanyukti kal ko amavasya kaha jata hai. chandra mas ek amavasya se dusri amavasya tak hota hai. surya evan chandra ek dusre se 1800 ka kon banate hain tab purnamasi hoti hai jo ki amavasya ke thik 15 din pashchat hoti hai. purnamasi ke din chandrama jis nakshatra men vicharan karta hai usi ke adhar par us chandramas ka nam rakha gaya hai. chitra nakshatra men chandrama hone par chaitra mas, vishakha se vaishakh. jyeshtha se jyeshth adi. ek chandra mas men surya ek bar rashi parivartan karta hai arthat ek saur mas men jis prakar ek amavasya evan ek purnamasi hoti hai. usi prakar ek chandra mas men ek sankranti hoti hai. ek chandramas - 29 divas 12 ghante 44 minat evan 3 saikend ka hota hai. ek chandra varsh 354 divas 8 ghante 48 minat evan 36 sekend ka hota hai. ek saur varsh - 365 divas ka hota hai. is prakar ek saur varsh evan ek chandra varsh men lagabhag 11 divas ka antar hota hai. dhai se tin varsh men yah antar ek chandra mas ke barabar ho jata hai is karan ek pratyek dhai se tin varsh ke antral men ek adhik mas hota hai. ise dusri tarah se bhi dekha ja sakta hai- 60 saur mah = 5 varsh = 62 chandra mas isi karan pratyek dhai varsh ke pashchat ek atirikt chandra mas hota hai. yahi adhik mas kahlata hai. adhik mas tab hota hai jab ek saur mas men ek ki apeksha do amavasyaen ho jati hain. aisi sthiti men pahli amavasya se dusri amavasya tak ki avdhi adhik mas hota hai. kyonki is mas men surya sankranti nahin hoti hai. tatha us saur mas men hone vali dusri amavasya se isi chandra mas ki punravritti hoti hai aur us varsh men 12 ke sthan par 13 chandra mas ho jate hain. pahli amavasya rashi ke aranbhik ek ya do anshon par hoti hai tatha dusri amavasya rashi ke antim anshon ke as-pas hoti hai. ya surya ke rashi parivartan ke samay ya surya sankranti ke samay ya uske ek ya do din ke antar me hoti hai. is prakar pratyek chandra mas men ek sankranti avashya hoti hai tatha ek saur mas men ek purnamasi evan ek amavasya avashya hoti hai. parantu adhik mas men suryakranti nahin hoti hai islie ise shuddh mas nahin mana jata hai. is prakar saur varsh evan chandra varsh ki samyavdhi antar ke karan pratyek dhai se tin varsh ke antral men ek adhik chandra mas hota hai. arthat pratyek dhai se tin varsh ke antral men ek saur varsh men 12ve sthan par 13 chandra mas hote hain. jis saur mas men ek ke sthan par do amavasya hoti hai usi saur mas men adhik mas ata hai tatha adhik mas ka nam us saur mas men parne vale chandra mas ke adhar par hi hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.