महादेव शिव : पूजाभिषेक यात्रा

mahadev shiv : pujabhishek yatra  

Ank ke aur Lekh | Sambandhit Lekh | Views : 2528 |  
mahadev shiv: pujabhishek yatra dae. suresh chandra mishra kan-kan men vyapt devadhidev jahan adi rachna jal ke rup men vidyaman hain vahin unka pranav rup navjat shishu ke pratham rudan se aranbh hokar sanpurn vikas kram men vyakt hota hai. is desh ke uttar men sthit nagadhiraj himalay bhi sakshat shiv ka hi rup hai jo jan-jan men shraddha, astha adi ke rup men vyakt hota hai aur ling rup men pujit. is prakar shiv kisi bhi rup aur kriya-vidhi men pujya hainai. is lekh men prastut hain shiv ki vahi viratta. shiv ki pratham murtiah adi rachna jal sab bhashaon men pahla akshar ‘a’ se talluk rakhta hai jo nirman, rachna, janm, jachchagi, jachcha ya brahmaji ka vachak kaha jata hai. ‘u’ ko vishnu, palnhar, sansar ko sanbhalne vali shakti ka pratik kaha gaya hai. astitva men ane ke bad jab bachcha rota hai to sari duniya men rone ki pahli avaz ‘a’‘u’ hi hoti hai. yani paida hote hi us paida karne vale vidhata aur sanbhalne vali shakti ka apni bhasha men dhanyavad. m’ shiv, jal arthat sakshat shiv ka vachak hai. jab vahi bachcha thora bara hokar koi pahla akshar bolta hai to munh se anayas hi ‘ma’ ‘ma’ ya mam’ kahta hai. yani jivan ka adhar, pahli rachna ‘jalam’ ko hi apni juban men mam kahakar shivji ko namaskar karta hai. ye tin pad hi milakar un ya parmatma ka sarvasulabh nam banta hai. isi pranvakshar ko ganeshopnishat men tundil, golmtol ganesh ka sharir aur punchnuma akriti ko hathi ka sund mana hai. isi un men ganesh nihit hain. isi se hamari kisi bhi puja men jal ka lota ya kalash aur dipak ke rup men agni avashya rahti hai. jal aur agni ke is viruddh dharm men samanvay ka nam hi shiv, mangal, kalyan hai. bund bund men shiv basen jal aur shiv ke abhed se shiv abhishek men tapkti bund, dharti, sare alam, yunivars, brahmand ya vedon men varnit sone ke ande ya kanduk (gend) ki pratik hai. yahi bund apne samashti ya sammilit rup men svabhavik, prakritik ya dhatupashanamay ling ka rup dharne par parmpujya mahadev ka prakatya hai. apne dekha hoga chote bachche apne sabse pahle khilaune ke taur par gubbara ya gend hi pasand karte hain aur unmen se bahut se gend ya gubbare ko ‘du’ ya ‘du’ kahte hain. mano ve apni bhasha me kanduk kah rahe ho. yah sab bund ya brahmand kanduk ya kudrti shivling ki hi vyapkta hai. shivakar himalay himalay parvat ko sakshat devbhumi, devtaon ka gupt nivas sthan yani devtatma kahakar kavivar kalidas ne is parvat ka sanskritik, bhaugolik aur dharmik mahattva hi rekhankit kiya hai. sab devon ke dev mahadev yadi yahin kahin nivas karte hon to ismen bhala kise ashcharya hoga? himgirish shiv ka himsuta parvati se sambandh, yahin par shivputra aur devtaon ke senapti kumar kartikey ka janm, isi kshetra men arjun ko pashupat astra ka vardan, kailash parvat, mansrovar adi anek sanket puranon men bhare pare hai jinse shiv ka gahra sambandh himalay parvat se atut siddh hota hai. isi bat ko dimag men rakhakar acharya hajariprasad ji ne ek sthan par likh diya hai ki himalay ko man men basakar yadi kalpana karen to samadhi men baithe mahadev, barf ke saman karpur gaur unka sharir, chotiyon se bahte nad, nadi gleshiyar, jharne adi hi unki jataen, rat men chandroday ke samay sir par sthit chandrakla, gangandi ka dharti par ata aks khud b khud dimag men ubhrta jata hai. arthat himalay ka manvikaran hi karpur gaur aur karunavtar shiv hain. vahan ke kan-kan men shiv upasthit hain. apas men virodh rakhne vale tattva jab samanvit ho jate hain to shivapad pa jate hain. shiv parivar isi kudrti samanvay ka pratik hai. shivji ka bail aur devi ka sher, kartikey ka mor aur ganesh ka mushak, mrityunjay mahadev ke hath men amritakalash aur gale men vish vair virodh bhulakar jiyo aur jine do ka sandesh deta hai. pag pag hot prayag jahan prakriti ya prakriti ke devta shiv sakshat jal rup men do alag dishaon se akar samagra rup men ekakar rahte hon, vahan kadam kadam par, zarra jarra shiv rup ho jae, yah bat namumkin nahin hai. atah shiv aur shiva parvati se sambandhit anginat sangmtirth ya prayag hain. vahin astha, vishvas ka sailab umar lakhon lakh logon ki shraddha samekit ho, vahan tirthasthan ho jana aur vahan parmeshvar ka agaman, nivas avashyanbhavi ho jata hai. pashuptinath banam amrnath bhagvan shiv ko bhut ya pashu yani praniyon ke nath kaha gaya hai. bhagvan shiv bhutnath, pashuptinath, amrnath adi sab rupon men kahin n kahin jal, mitti, ret, shila, fal, per, ke rup men pujniya hain. jal sakshat shiv hai, to jal ke hi jame rup men amrnath hain. bel shivvriksh hai to mitti men parthiv ling hai. gangajal, parad, pashan, dhaturafal adi sabmen shiv satta mani gai hai. atah sab praniyon, jar-jangam padarthon men svayan bhutnath pashuptinath sugmta aur sulbhta hi to apko devadhidev mahadev siddh karti hai. shraddha, astha aur vishvas yadi vishvas n ho, kisi chiz par yakin iman n ata ho to lakh koshishon ke bavjud bhi astha ya shraddha ho hi nahin sakti aur shraddha ya astha ka mul gun hi man men n ho to vishvas paida hi nahin hoga. atah ye donon baten ek dusre ki purak hain. akeli shraddha ya astha aksar rasta bhatak kar rhong-rharre ke makrjal men fans jaya karti hai to kora vishvas jara age barhte hi baham ya andhakar ki or dag bharne lagta hai. atah astha ya shraddha rup parvati aur vishvas rup shiv shankar sada sath rahakar hi faldayi hain. inke bina ghat ghat ke vasi khud apne hi bhitar vidyaman sarvashshaktiman ko pahchanna ya pana mushkil hai. tulsidas ji ne kaha hai- bhavanishankrau vande shraddhavishvasrupinau. yabhyan vina n pashyanti siddhaah svantahsthamishvaram.. kalidas bhi to shiv parvati ko shabd aur arth ki tarah sanyukt, purak hi batate hain. isilie shiv v parvati ki eksath puja hoti hai. ling men gauri shankar kisi bhi shivling men mata parvati aur shiv ka sammilit rup hota hai. atah sambasadashiv ya gaurishshankar ke sath-sath darshan ya pujan samajhakar hi chalna chahie. kaha gaya hai ki ‘lingasthan pujyed devim.’ shastron men vividh prakritik padarthon se ling banakar puja karne ka vidhan hai. aise ling parthiv yani dharti par paida hone vale kisi padarth se bane ya banae gae ling kahlate hain. shiv hai to devta rup jal, agni, surya, chandra, hava adi kudarat ki sab nemton ya daivasampada men sakshat shiv vidyaman hain. isilie jivan ke sath bhi aur jivan ke bad bhi sab shiv-shiv hi hone se gali muhalle ke mandir se lekar, sarak kinare, per tale, parvat, ghati, van-upavan se lekar shmashan tak men shivmurti ki upasthiti aur pujniyata bina kisi lag-lapet ke hi svikarya hai. yahi shivta, sarvasvikaryata, ling kya hai? ling ka shabdarth nishani, pahchan, svarup adi hai. yah brahmand ka svarup hai. siddhantashekhar namak granth men kaha gaya hai ki ling panch tarah ke hote hain- 1.svayanbhu (khud prakat, amrnath adi) 2. devpalit (kedarnath adi) 3.rishi krit yani avtar mahapurush rishi muni dvara pujit (rameshvaram adi) 4. shiladij (patthar se banae ya khud-ba-khud bane narmadeshvar adi) 5. manas (shraddha aur samyanusar tatkal banakar pujit mitti adi se bane parthiv ling ya apne as-pas jahan apka man jur jae). svayanbhu ling ke darshan bhar se hi sab papon ka nash hona bataya gaya hai- drishtva lingan maheshasya svayanbhu tasya parvati. sarvapapvinirmuktah pare brahmani liyate.. svayanbhu ling bhi do tarah ke hote hain. 1. ek bar prakat hokar sada bane rahna, 2. samyanusar prakat hona. ye donon hi prakar atishay yani ashcharyakarak ling ya dev vigrah ke taur par jane jate hain. inmen bhi keval savan ke mahine men hi kramshah banne vale aur fir svayan hi vilin hone vale baba amrnath sarvavidit hai. kisi bhi akar men pujya ukt sandarbh granth men svayanbhu ling ke shikhar ya mastak ke rupbhed se sambhavit ye akar hain- 1.shankh ke saman, 2. kamal ke saman, 3. chatra ke saman, 4. do sir, 5. tin sir, 6. kripan ke saman, 7. kalash ke saman, 8. dhvaja ke saman, 9. gada ke saman, 10. trishul ke saman. inke akar kisi bhi nap ke hon ,sab halat men pujya aur darshaniya hain. amrnath yatra ke prasang men piche ekadh bar yah bat uthi thi ki gufa men ling prakritik nahin bana tha. use kritrim banaya gaya tha. lekin hamen dhyan rakhna chahie ki kritrim ya manvnirmit hone se bhi ukt parthiv ling aur har bar naya banane ke shastriya vidhan ke rahne se uski pavitrata par koi anch nahin ati hai. yah bat virsinhoday namak granth men spasht hai. pani ke hain tin rup ved kahte hain ki bhagvan shiv ka adi rup jal tin tarah se rahta hai- drav yani ap, gais ya vashp ya abhisravi aur daivi yani thos barf adi ke rup men jama hua. ( shan no daivi rabhishtay apo bhavantu pitye... shan yo rabhisravantu nah) in tinon men hi shiv satta hai. atah barf, ret, gili mitti adi se bane ling ko khas darja hasil hai. shivyatraah janaganaman ka mel adi shankracharya ne kaha hai ki puja aur bhakti ki parakashtha pane ka ek hi tarika hai- yatra. yah bhi bahri aur bhitri taur par do tarah ki hai. samajik, sanskritik aur insani ekta ke mahattva ko sthapit karne ke lie tirthayatra, kumbhaparva, chardham ki yatra ka niyam apne hi banaya tha. isse samy-samay par desh ki gangajmni sabhyata aur sanskriti ke poshan ko barhava aur samajik ekta ki bulandiyan hasil hoti hain. kanvryatra ya amrnath yatra men is tarah ki kaumi ekta ki misal kayam ki jati hai. jaise jaise dar, atank, bandishen barhti gai hain, vaise vaise hi yatriyon ki ginti bhi barhi hai. yah is bat ka pukhta sabut hai ki dharm dikhave men nahin hain, apitu yah hamare hindustan men dilon ki gahraiyon tak racha basa hai. us gahre dharatal par jane se bahri acharan ke upri fark ko metakar gajab ki ekta basti hai. ukt bahri yatra ke sath svayan hi samajik, arthik aur sanskritik (ajakal kuch asanskritik bhi) baten jur jati hain. dharmik yatra ya manoranjan yatriyon men koi vishuddh dharmabhav se, koi dharm aur manoranjan ke mile-jule bhav se aur koi sirf manoranjan ke bhav se ate hain. isse yatra ke mahattva men koi kami nahin ati hai. jaki rahi bhavna jaisi, prabhu murti dekhi tin taisi ke anusar apne bhavon ke anusar hi fal milta hai. adi shankracharya ne kaha hai ki kisi bhi sansarik kam ko karte hue ham jo bhi bhav rakhte hain, hamen vaisa hi fal milta hai. bahri dharmayatra jab adhyatm aur bhakti ke apne unche dharatal par a jati hai to munh se nikla har shabd stuti, uthaya gaya har kadam parikrama aur har gatividhi puja ka hi ang hokar ajpajap ki sthiti prapt hoti hai- sancharah padyoah pradakshinvidhiah stotrani sarva giro yadyat karm karomi tattadakhilan shambhostavaradhanam.. atah sab sanshyon se upar uthakar bhagvan shiv ki jalyatra men jaykar karte hue sab milakar bolen namaste astu rudrarupebhyah.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.