कांवड़ की परम्परा

kanvad ki parampara  

Ank ke aur Lekh | Sambandhit Lekh | Views : 2856 |  
kanvar ki paranpra shubhesh sharman bhagvan shiv ka dhyan jab ham karte hain to shravan ka mahina, rudrabhishek aur kanvar ka utsav ankhon ke samne ata hai. lekin kanvar yatra kab shuru hui, kisne ki, kya uddeshya hai iska, bharat ke kin kshetron men yah yatra hoti hai, aiye, dekhen is lekh men. mukhya rup se uttar bharat men gangaji ke kinare ke kshetra ke pradeshon men kanvar ka bahut mahatva hai. rajasthan ke marvari samaj ke logon ke yahan gangotri, yamunotri, badrinath, kedarnath ke tirth purohit jo jal late the aur prasad ke sath jal dete the, unhen kanvdiye kahte the. visheshtah vahi log kavdiyon kahlaye jate the. yah shastriya mat hai. uske anusar ye log gomukh se jal bharakar rameshvaram men le jakar bhagvan shiv ka abhishek karte the. yah paranpra thi. lagabhag 6 mahine ki paidal yatra karke vahan pahuncha jata tha. iska pauranik tatha samajik dono mahatva hai. ek to himalay se lekar dakshin tak sanpurn desh ki sanskriti men bhagvan ka sandesh jata tha. bhinna-bhinn kshetron ki laukik aur shastriya paranpraon ka adan-pradan ka bodh hota tha. yah ek uddeshya bhi ismen shamil tha. dharmik labh to tha hi. parantu ab is paranpra men parivartan a gaya hai. ab log gangaji athva mukhya tirtho ke pas se bahne vali jal dharaon se jal bharakar shravan mas men bhagvan ka jalabhishek karte hain. visheshtah baijnath dham, bateshvar, puramhadev, rameshvaram, ujjayani ke tirthon ke shivlingon par jalabhishek karte hain. sarvapratham bhagvan parshuram ne kanvar lakar pura mahadev men jo uttar pradesh prant ke bagapat ke pas maujud hai, un puratan shivling par jalabhishek, ganrhmukteshvar se ganga ji ka jal lakar kiya tha. aj bhi usi paranpra mane shravan mas men garhmukteshvar jiska vartaman nam brajghat hai, se jal lakar dasiyon lakh log shravan mas men bhagvan shiv par charhakar apni kamnaon ki purti karte hain. baijnathdham jharkhand prant men sthapit ravneshvar ling ke rup men sthapit hai. shravan mas tatha bhadrapad mas men lagabhag 50 lakh yatri kanvar yatra karke inka jalabhishek karte hain. vaidyanath dham se sultan ganj jo ki lagabhag 100 kimi. hai mane janki ganga pravahit hoti hain unka jal lakar bhagvan shiv ka abhishek karte hain. is dharmik utsav ki visheshta yah hai ki sabhi kanvar yatri kesriya rang ke vastra dharan karte hain aur bachche, burhe, javan, stri, purush sabko ek hi bhasha men bol-bam ke nare se sanbodhit karte hain. yah vishva ka sabse bara mela hai. parantu darbhanga adi kshetron ke yatri kanvar ke madhyam se bhagvan ka abhishek basant panchmi par karte hain. sarvapratham uttar bharat se gae hue marvari paranpra ke logon ne is kshetra men yah paranpra praranbh ki thi. agra jile ke pas bateshvar men jinhe brahmalalji maharaj ke nam se bhi jana jata hai bhagvan shivji ka shivling rup ke sath-sath parvati, ganesh ka murti rup bhi hai. shravan mas men kasganj se jo eta ke pas hai gangaji ka jal bharakar lakhon ki sankhya men bhagvan shiv ka kanvar yatra ke madhyam se abhishek karte hain. yahan par 101 mandir sthapit hain. iske bare men ek prachin katha hai ki 2 mitra rajaon ne sankalp kiya ki hamare putra athva kanya hone par donon ka vivah karenge. parantu donon ke yahan putri santan hui. par ek raja ne ye bat sabse chipa li aur vidai ka samay ane par us kanya ko jiske pita ne uski bat chupai thi apne man men sankalp kiya ki vah yah vivah nahin karegi aur apne pran tyag degi. usne yamuna nadi men chalang laga di. jal ke bich men use bhagvan shiv ke darshan hue aur uski samarpan ki bhavna ko dekhakar bhagvan ne use bardan mangne ko kaha. tab usne kaha ki mujhe kanya se larka bana dijie to mere pita ki ijjat bach jaegi. iske lie bhagvan ne use nirdesh diya ki tum is nadi ke kinare mandir ka nirman karna. yah mandir usi samay se maujud hai. yahan par kanvad yatra ke bad jal charhane par athva manyata karke jal charhane par putra - santan ki prapti hoti hai. is mandir men ek visheshta yah hai ki ek do kilo se lekar 500-700 kilo gram tak ke ghante mandir men tange hue hain. ujjayani men mahakal ko jal charhane se rog nivritti aur dirghayu prapt hoti hai. lagabhag 2-3 lakh yatri is samay men bhagvan ka jalabhishek karte hain. yahan ki visheshta yah hai ki hajaron ki sakhyan men sanyasiyon ke madhyam se toli banakar kavar yatri chalte hai. ye yatra lagabhag 15 din chalti hai. vaise to bhagvan shiv ka abhishek sare bharatavarsh ke shiv mandiron men hota hai, parantu shravan mas men kanvar ke madhyam se jal -arpan karne se atyadhik punya prapt hota hai. hamare shastron evan bharat ke samast hinduon ka vishvas hai ki kanvar yatra men jahan-jahan se jal bhara jata hai, vah gangaji ki dhara men se hi liya jata hai. kanvar ke madhyam se jal charhane se mannat ke sath-sath charon purusharthon ki prapti hoti hai. ajakal haridvar se jal lekar dilli, panjab adi pranton men lagabhag 3-4 karor yatri jalabhishek karte hain. yah yatra lagabhag pure shravan mas se lekar shivratri tak chalti hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.