कांवड़ियों का अतिप्रिय वैधनाथ धाम

kanvdiyon ka atipriya vaidhnath dham  

Ank ke aur Lekh | Sambandhit Lekh | Views : 2313 |  
kanvriyon ka atipriya vaidyanath dham da. bhagvan sahay shrivastav shaivon evan shakton ki nagri aur babadham nam se mashhur devaghar sansar prasiddh tirth sthan hai. devaghar yani devon ka ghar. devaghar sthit ravneshvar mahadev dvadash jyotirlingon men se ek hai. is shivling ko siddhapith ki manyata prapt hai evan kamna ling ke rup men yah prachinkal se prasiddh hai. kanvriya mahatmya:maryada purushottam ram aur lankapti ravan donon ne devaghar men shiv ko kanvar charhayi thi. tab se aj tak yah paranpra jari hai. kaha jata hai ki bhagvan shankar ko kanvar charhane se ashvamegh yagya ka fal prapt hota hai. bholenath ke prati astha, shraddha aur vishvas ka sangam dekhna ho to ajgaibinath se baba dham tak ka ek bar safar avashya karen. baba ke prati samarpit aise-aise bhakt raste men milenge, jinhen dekhakar sahaj andaja lagaya ja sakta hai ki baba bhole shankar ki mahima aparampar hai. 5 ki.mi. ki duri tay bhi nahin karne vale shraddhalu 105 kimi. ka safar bare itminan ke sath pura kar lete hain. nadi, nale, pahar patthar bhi inhen nahin rok pate hain. kahte hain ki lule, langre, yahan tak ki bina pairon vale bhakt bhi baba ki kripa se baisakhi lekar puri yatra tay kar lete hain. shravan mas ke pratham din se mas paryant lakhon lakh shivabhakt kanvriya gerua vastra dharan kar, 105 kimi. dur sultanganj men uttar vahini ganga se pavan jal lekar devaghar tak durgam padyatra karte hain aur devadhidev mahadev ko jal arpan kar unka ashish grahan karte hain. yatra marg ke darshaniya punya sthal baba basuki nath - devaghra se 2 kimi. dur radha evan krishn ka bhavya mandir hai. trikut pahar - devaghar se 24 kimi. pashchim men avasthit yah sthan apne pahari mandir ke lie vikhyat hai. masanjor daim - dumka se 31 ki.mi. dur masan jor mayurakshi nadi par bana ek ati ramnik daim hai. maluti: yah prachinkal ka shiv mandir yukt ek vikhyat pavan sthal hai. tapovn: devaghar se 12 kimi. purva disha men sthit yah sthan apni gufa aur pahari mandir ke lie suvikhyat hai. vaidyanath mandir: baba vaidyanath ka mandir vishal prangan ke madhya hai. is mandir ke chaturdik samprati 22 mandir hain. vaidyanath mandir ke dham pashrva (uttara) men daityanashini dakshinkali ki murti hai. dakshin pashrva men (dakshin) ugratara hai jo sandhya devi nam se abhihit hai. sammukh (purva) men tripur sundri evan durga ke vigrah hain, jo parvati mandir ke nam se vikhyat hai. pashchim men shatru mardini baglamukhi devi hain. is prakar chaturdik shakti se mandit shaktipith par vishnu dvara sthapit yah ling vamachari evan dakshinachari donon prakar ke sadhkon ke lie siddhidayak aur manovanchit faldayak hai. prangan ke kinare se charon or vibhinn vigrahon ke mandir vaidyanath mandir ki shobha men char chand laga dete hain. aisa lagta hai manon sabhi devta hath jor vaidyanath ki stuti kar rahe hain. mandir prangan men pravesh hetu shiv-ganga se snan karke ane se ‘sinhadvar’ uttari dvar hai. bajar evan steshan se ane par purva se purab darvaja tatha pashchimi dvar se mandir prangan men pravesh kiya jata hai. tirth ka pura fal tab tak prapt hua nahin mana jata jab tak ki yatrigan vaidyanath ling kshetra ka paribhraman nahin kar lete hain. is prakar vaidyanath dham sabhi hindu bhakton ka param punit tirth sthal hai. prativarsh sanpurn shravan mas men shivratri, anant chaturdashi, bhadra purnima, aur basant panchmi ke vishesh avsron par bhaktagan tis kos dur se bhagvti bhagirthi ka punya jal lakar vaidyanath shivji ko arpit karte hain. kaise pahunchen: nikatatam relve steshan (devaghar se 8 kimi. ki duri par) havra-dilli men lain par. nikatatam eyrporta-ranchi 385 kimi., patna- 270 ki.mi.. sarak marga: ranchi se devaghar vaya hazari bag jua-chakai-jasidih - (320 kimi.) patna se devaghar vaya lakhisray-jamui-chakai-jasidih (300 ki.mi.) kolkata se devaghar vaya rampur hat-dumka-vasukinath (400 kimi).
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.