पिताश्य की पथरी

pitashya ki pathri  

Ank ke aur Lekh | Sambandhit Lekh | Views : 10733 |  
pittashay ki pathri acharya avinash sinh pittashay ki pathri ki upasthiti adheravastha men pet dard aur udar vikar ka ek pramukh karan hai. is bimari ke karan uthne vala dard n keval bardasht se bahar hota hai, balki apni charam sima par kai prakar ki jatiltaen bhi utpann kar sakta hai. yah rog un logon men adhikatar paya jata hai, jo aram se baithakar kam karte hain ya jinko dil ki ya madhumeh ki bimari hoti hai. yakrit ke nichle bhag men dahini or nashpati ki akar ka pittashay hota hai. ismen ek or yakrit se ane vali pittavahika khulti hai, dusri or ismen jama pitt mahin nalikaon dvara grahni tak pahunch jata hai aur vahan se pitt choti ant men maujud ann ki pachan kriya ko tej karne men sahayak hota hai. pittashay ka mukhya karya hai- pitt ko jama karna aur use garha banana. iske atirikt pittashay ek chipchipe padarth ka srav karta hai, jo pittavahika ko chiknahat pradan kar pitt ke nikas men sahayak siddh hota hai. yah pitt hare rang ka hota hai aur svad men kasaila hota hai jiska mukhya karya hai ant ke bhitar jama hone vali vasa ka pachan karna evan use sokhakar khun men pahunchana. yahi prakriya kailshiyam, kolestrol evan vitaminon ke sath hoti hai. pittashay men pitt ke ghatkon ki jab kinhin karnon se vikriti ho jati hai, to inhin ghatkon ka rup pathri men badal jata hai, jiske karan pittashay ko kshati pahunchti hai tatha yakrit aur anya pachan angon men pittashay ki pathri ki upasthiti adheravastha men pet dard aur udar vikar ka ek pramukh karan hai. is bimari ke karan uthne vala dard n keval bardasht se bahar hota hai, balki apni charam sima par kai prakar ki jatiltaen bhi utpann kar sakta hai. yah rog un logon men adhikatar paya jata hai, jo aram se baithakar kam karte hain ya jinko dil ki ya madhumeh ki bimari hoti hai. vikar utpann hota hai. pittashay ki pathri ke karan pittashay men pathri hone ke kai karan hain jin men mukhya karan ahar hai. yadi ahar madya se yukt, mansahari, aniyamit aur asantulit hai to parinamasvarup pachan kriya mand ho jane ke karan pittashay men kolestrol nahin ghul pata to sanchit hokar, dushit dravyon ke sanyog se pathri ka rup dharan kar leta hai jise pathri ya pittashay ki pathri kahte hain. dusra karan motapa hota hai. jo vyakti mote hote hain unke khun men kolestrol ki adhikta ke karan ve pittashay ki pathri ke shikar hote hain. tisra karan anuvanshikta, arthat pirhi-dar-pirhi dekhne men ata hai. is dasha men umra ya sharirik vajan ka lihaj n karte hue kisi bhi umra ka vyakti iska rogi ban sakta hai. pittashay ka vikar bhi pathri ko janm de sakta hai. vikriti se pittashay apna lachilapan kho baithta hai jiske karan prasaran aur sankuchan ki kshamata ghat jati hai aur bhitar se pitt ki nikasi purn nahin ho pati jo garha hokar pathri men badal jata hai. striyon men lanbe samay se garbh nirodhak goliyon ke upyog se bhi pathri hone ki sanbhavna duguni hoti hai. anya karnon men pittashay ka kainsar, choti ant ka kuch hissa niklna ya lanbe samay tak davaiyon ka upyog rakt koshika sanbandhi vikar pittashay ki pathri utpann kar sakte hain. pittashay ki pathri ke lakshan iska mukhya lakshan pittashay men maror uthna hai jo pittashay ka mukh avruddh ho jane se hota hai. dard ki shuruat pet ke dahini or upri hisse men hoti hai. dard achanak uthta hai aur dhire-dhire kam hota hai. yah daura kuch minton se ghanton tak ek-sa rahta hai. dard ki matra pure sharir men ek saman hoti hai aur aksar bhojan ke pashchat dard uthta hai. pathri ke pitt ki thaili men atak jane se kai bar sir men chakkar aur tej bukhar bhi a jata hai. upchar adhunik yug men bahut si aisi davaiyan upalabdh hain jinke sevan se pathri ghulakar bahar nikal jati hai. yah sab rog ki avastha par nirbhar karta hai. yadi samay rahte upchar ho jaye to davaiyon se kam chal jata hai anyatha shalya-kriya jaruri ho jati hai. lekin yadi vyakti apna khan-pan sudhar kar ritu ke anusar ayurvedik tarike se virechan adi shatkarm se sharir ka shodhan karen to pathri hone ka dar nahin rahta. pitt pathri ke pathyapathya: pitt ki pathri men pathyapathya ka palan karne ka vishesh mahatva hai. pathya - jau, mung ki chilke vali dal, chaval, paraval, turai, lauki, karela, mausmi, anar, anvla, munakka gvarpatha, jaitun ka tel adi. bhojan sada bina ghi-tel vala tatha asani se pachne vala karen aur yogabhyas karen. apathya mansahar sharab, adi nashile padarthon ka sevan, urad, gehun, panir, dudh ki mithaiyan namkin, tikhe-masaledar tale hue, khatte, khamir uthakar banaen gaye khadya padarth jaise idli-dosa dhokla adi. adhik charbi, masale evan protin ke sevan se yakrit v pliha ke kharab hone ki sanbhavna barh jati hai aur falasvarup rakt ki shuddhi nahin ho pati. atah pachan men bhari, khasakar tali hui aur amla barhane vali chijon satavar ka ras aur dudh, barabar matra men milakar pratahkal pine se bahut din ki pathri bhi nasht hokar nikal jati hai. iska upyog 30 din tak karen. adarak, javakhar, harar aur daru haldi churn ko barabar matra men pis len fir ise dahi ya lassi ke sath pien. isse bhayankar pathri bhi nasht ho jati hai. pethen ke ras men hing aur 5 gram ajvain milakar pine se pathri rog nasht hota hai. amle ke naram patte ke 10 gram svaras men 10 gram til ka tel milakar pine se bhayankar pathri rog nasht ho jata hai. haldi ki jar men milakar tushodak ke sath pine se bahut purani sharkara pathri nasht ho jati hai. do tola angur ke patte ko 250 gram pani men ubale. jab pani adha rah jae, to usmen do tole mishri milakar pie. pathri aur mutra ke sabhi rog nasht ho jaenge. 20 gram pyaj ke ras men mishri 15 din tak subah pine se pathri nikal jati hai. 20 gram muli ke ras men 1 gram javakhar mila kar subh-sham pine se pathri nasht ho jati hai. chailai ka sag khane se pathri nasht hoti hai. pathri ke rogiyon ko niyamit rup se kuch adhik pani pina chahie. visheshakar garmiyon ke mausam men kam se kam 4 litar pani pratidin pine se pathri men labh hota hai. ke sevan se parhej rakhen aur bhukh ke bina bhojan n karen to pathri se hone ka dar nahin rahta.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.