मधुमेह रोग

madhumeh rog  

Ank ke aur Lekh | Sambandhit Lekh | Views : 6522 |  
madhumeh rog aj har das men se char vyakti madhumeh se pirit mil jaenge. aisa nahin hai ki yah rog bari ayu (60-70 varsha) ke logon ko hi hota hai. yah navjat shishu se lekar chote-bare, sabhi umra ke logon ko apni chapet men le leta hai. is rog ki vriddhi din pratidin hoti ja rahi hai. yadi iska samay par upchar nahin kiya jae to rogi ant men marnasann sthiti men pahunch jata hai. dainik jivan men shakti paida karne ke lie sharir ki koshikaon ko glukoj ki avashyakta hoti hai. ham jo bhojan karte hain vah pachne ke bad glukoj men parivartit ho jata hai. yah glukoj sharir ki vibhinn koshikaon men pahunchne ke lie rakt pravah men pravesh karta hai. insulin painkriyaj dvara nirmit ek harmon hai jo sharir ki koshikaon men glukoj pahunchane ke lie jaruri hai. paryapt matra men insulin ke n hone ki sthiti men glukoj koshikaon men pravesh nahin kar sakta hai aur is tarah rakt pravah men hi jama hota jata hai. is sthiti ko haiparaglaisemiya kaha jata hai. yah madhumeh rog ki ek avastha hai. iske alava madhumeh ki vibhinn avasthaen is prakar hain - glaikosuriya paeliyuriya paelidipsiya kitosis aisirosis ukt sabhi avasthaen kramanusar madhumeh rog hone se mrityu ki avastha tak ki hai. atah puri tarah se ehtiyat bartna jaruri hai. karan madhumeh rog amtaur par mukhyatah tin karnon se hota hai - vanshanugat ya anuvanshik ativishad ki nirantrta khan-pan men mishthan ki adhikta inke alava madhumeh rog hone ke kai anya karan bhi ho sakte hain jinmen uchch raktachap, motapa, vasa yukt evan tailiya bhojan ka atyadhik sevan tatha khan-pan ki galat adten, aramdayak jivan shaili adi pramukh hain. sharir men jab insulin ki kami ho jati hai to yah rog hota hai. sharir men insulin ko surakshit evan niyantrit rakhne ka karya shukra aur budh grah karte hain. budh grah agnashay ya painkriyaj granthi par adhipatya rakhta hai. madhumeh ki sthiti men yah jaruri nahin hai ki mutra marg se sharkara hi nikle. kai bar keval rakt sharkara ka hi star barha hua paya jata hai. yah sthiti bhi madhumeh ki sthiti kahlati hai. madhumeh ke mukhya lakshan bahumutra ki shikayat hona arthat bar-bar peshab jana. hamesha bhukh lagna. adhik pyas lagna. hamesha thakan grast rahna. jakhmon ka jaldi n bharna ya thik n hona. yoni sankraman. laingik samasyaen. bina karan vajan ghatna. hath-pairon men sunnata aur jhunjhuni. dhundhla dikhai dena. sharir men aksar dard rahna. tvacha ka shushk hona. kamjori aur susti ka abhas hona. kisi bhi vyakti men yadi uparyukt sabhi athva inmen se kuch lakshan ek sath maujud hon to usko apni rakt sharkara ki janch avashya karva leni chahie. madhumeh se utpann sharirik jatil samasyaen ya khatre sanvednshilta men kami. gaingrin hone ki sanbhavna. netra rog jaise ankhon ki roshni kam hona, motiyabind rog hona, andhe hone ka khatra hona. rog pratirodhak kshamata men kami ke karan ghav jaldi nahin bharna. ekagrata men kami hona. hriday rog, hriday shul athva hridyaghat hona. gurde ke fel hone ka khatra. bar-bar fore-funsiyan hona. daybetik koma ki sthiti utpann hona. madhumeh rog hone ke jyotishiya karan evan yog samanyatah kisi vyakti ka svasthya lagn, tritiya evan shashth bhavon tatha in sabhi ke svami ki sthiti, in sabhi par drishti dalne vale grahon ki sthiti adi par nirbhar karta hai. yadi kisi jatak ki janm kundli men pratham evan tritiya bhav balvan hon tatha chatha bhav kamjor ho to uske rogi hone ki sanbhavna kam rahti hai. iske viprit yadi pratham evan tritiya bhav ya inmen se ek kamjor tatha chatha bhav balvan ho to rog barhenge. yah ek samanya niyam hai jo sabhi rogon ki ganbhirta par lagu hota hai. kisi jatak ko madhumeh rog kin karnon tatha kaun-kaun se yogon ke falasvarup hota hai, iska vivaran yahan prastut hai. madhumeh rog men shukra ki bhumika jab shukra grah kundli ke kisi bhi bhav men doshyukt ho arthat nich rashi men ho, ast, shatru rashi men ho ya is par pap prabhav (surya, mangal, shani, rahu, ketu ka) ho tatha kundli ke chathe rog bhav ya iske svami arthat shashthesh ka shukra se sanbandh ho. uttar kalamrit men shukra ko mutra ka karak grah mana gaya hai. seks ka karak grah bhi shukra hi hai tatha shukra ek jaliya tatva grah hai. madhumeh rog men sharkara seks sthan se mutra dvara bahar niklti hai. atah shukra ke sahyog ke bina madhumeh nahin ho sakta. kundli men shukra doshyukt ho to mutra dosh ya seks dosh ka sanket deta hai. aisi sthiti men chathe bhav ya uske svami ka shukra se sanbandh hone par mutra evan seks vikaron ki sanbhavna rahti hai. madhumeh rog men brihaspati ki bhumika madhumeh, sharkara se sanbandhit ek bimari hai. mithe ras ka karak brihaspati hai. atah sharkara athva chini ko bhi brihaspati ke karakatva men shamil kiya ja sakta hai. madhumeh rog hone ke uprant jatak ko shakkar tatha atyadhik mithas vali vastuon jaise mithai, gur adi se parhej rakhna parta hai. chathe bhav ya shashthesh ka brihaspati se sanbandh hone par madhumeh rog hota hai. brihaspati ka chathe bhav se sanbandh hone par jatak ko mithe padarthon se parhej rakhna chahie kyonki ye padarth rog karak hote hanai. iske alava brihaspati livar ka bhi karak hai tatha madhumeh rog men livar bhi prabhavit ho jata hai. madhumeh rog ka vichar chathe evan athven bhavon se kiya jata hai. is rog ke karak grah shukra, brihaspati evan chandra hain. surya grah amashay evan anton ka karak bhi hai. yadi brihaspati, shukra, chandra evan surya par pap grahon shani, mangal, rahu aur ketu ka pap prabhav ho athva chathe, athven evan 12ven duahkh sthanon ke svamiyon se ye grah yog kar pirit hon ya inse drisht hokar pap prabhav men hon ya ukt grah chathe, athven ya 12ven sthan men sthit hon to yah rog hota hai. yadi kanya rashi ya shashthesh pap grahon se pirit athva trikesh se yukt ya drisht hokar pirit ho athva trikasth hokar pirit ho to yah rog hota hai. yadi jaliya rashiyon kark, vrishchik evan min men tatha shukra ki rashi tula men do ya do se adhik pap grah ho to yah rog hota hai. yadi min rashi men budh (nich) ki surya se yuti ho (arthat budhaditya yog) ya brihaspati lagnesh ke sath chathe rog bhav men ho ya fir dasham bhav men mangal aur shani ki yuti ho ya mangal dasham bhav men shani se drisht ho to yah rog hota hai. yadi lagnesh shatru rashi men ho ya nich ka ho ya lagn v lagnesh pap grahon se drisht ya yukt hon aur shukra ashtam bhav men sthit ho to yah rog hota hai. yadi chaturth bhav men vrishchik rashi men shani v shukra ki yuti ho to yah rog hota hai. janmakundli men lagn par shani v ketu ki pap drishti ho, chaturth sthan men vrishchik rashi men shukra aur shani ki yuti ho, min rashi par surya evan mangal ki drishti ho aur tula rashisth rahu ki chandra par drishti ho, to jatak madhumeh rog se grast hota hai. sharir men amashay vala sthan jyotish ki drishti se kalpurush ki kundli men pancham sthan par ata hai. pancham bhav yakrit, klom granthi aur shukranuon ka karak sthan hai aur is sthan ya bhav ka karak grah brihaspati hai. klom granthi ke kuch bhag ka netritva shukra bhi karta hai. atah is rog men guru aur shukra ke sath sath pancham bhav ka bhi vichar kiya jata hai. yadi ashtam bhav men mangal evan shukra tatha barhven bhav men panchmesh ho aur brihaspati chathe rog bhav men lagnesh ke sath ho aur shani se drisht ho to aisi sthiti men is rog ki sanbhavna rahti hai. yadi brihaspati, shukra lagnesh panchmesh aur pancham bhav rahu aur ketu ke pap prabhav men hon to madhumeh rog hota hai. yadi brihaspati barhven aur shukra chathe bhav men ho, jisse shukra brihaspati se drisht ho to madhumeh rog hota hai. yadi brihaspati nich rashi ka ho ya chathe, athven ya barhven bhav men sthit hokar ashubh grahon se drisht ho to madhumeh rog ho sakta hai. brihaspati vakri hokar lagn men sthit ho aur shukra se drisht ho arthat saptam bhav men sthit ho tatha shukra ashubh grahon ke prabhav men ho aur lagnesh vakri hokar chathe, athven ya 12ven bhav men sthit ho to madhumeh rog hota hai. upar varnit jyotishiya vishleshan ke adhar par janmakundli men madhumeh ka pata lagane ke lie mukhyatah brihaspati, shukra evan chandra grah ki sthiti ke atirikt budh grah ki sthiti bhi dekhte hain kyonki budh grah painkriyaj granthi par shasan karta hai. iske sath sath lagnesh ki sthiti tatha in sabhi par pap v krur grahon surya, mangal, shani, rahu aur ketu ki drishti ka vichar karte hain, ki inka shubh grahon evan lagnesh par pap prabhav hai ya nahin. iske alava trik bhav 6, 8 aur 12 tatha inke svamiyon ka shubh grahon se sanbandh bhi dekhte hain. upar varnit vishleshan ke anusar is rog ke hone ki koi nishchit ayu to nahin hai, parantu 40-45 varsh ke bad arthat adhik umra men iske hone ki sanbhavna adhik rahti hai kyonki adhik umra men painkriyaj granthi ke karya karne ki kshamata kam hoti jati hai ya ismen koi kharabi a jati hai. kharabi kisi bhi umra men a sakti hai. iske lie mukhyatah budh grah ki sthiti evan us par pap prabhav ka vichar kiya jata hai. vaise yah rog kisi bhi umra ke vyakti arthat navjat shishu se lekar 70-75 varsh ke vriddh tak ko ho sakta hai. madhumeh ka jyotishiya upay ganpti upasna sharir men insulin ko surakshit evan niyantrit rakhne ka karya budh evan shukra grah karte hain. budh grah painkriyaj granthi par adhipatya rakhta hai. ganpti pujan se budh grah anukul hota hai. ganpti pujan men nimnalikhit mantra ka jap karna chahie. dhyan stuti mantra ”gajannan bhutgnadisevitan, kapitth, jambufal charubhakshanam. umasutan shok vinashkarkan, namami vighneshvar pad pankajam..“ yadi janmapatri men kisi vyakti ka budh grah kharab ho aur vah madhumeh rog se grast ho to use niyamit rup se ganpti ki upasna ke sath-sath unhen priya jamun fal ka prasad charhana chahie aur yah prasad svayan grahan karne ke sath-sath dusre vyaktiyon ko bhi bantna chahie. is prasad rupi aushdhi ko grahan karne se sare vighn, santap nasht ho jate hain aur dhire-dhire madhumeh rog ka prabhav kshin hone lagta hai. gajanan ko jamun fal ka prasad shukla paksh budhvar ko pushya nakshatra men charhane se jaldi evan vishesh labh hota hai. iske alava pushya nakshatra men sangrah kie gae jamun ka sevan bhi vishesh labhdayak hota hai. madhumeh se mukti tatha svasthya men labh ke lie shri ganesh yantra ka prayog karna chahie. is yantra ka nirman bhojapatra athva rajat ya svarnapatra par karna chahie. yantra nirman ke lie ganesh chaturthi ya ravi pushya ya guru pushya yog ka samay shubh hota hai. is din nirmit yantra dharan karne se vishesh labh ki prapti hoti hai. purn shraddha evan vishvas ke sath is yantra ka pujan evan abhishek karna chahie. yantra nirman ke pashchat kisi vidvan pandit se iska shuddhikaran (panchamrit evan gangajal se) evan pran pratishtha shastriya paddhati se karvakar, ise puja sthal par lakri ki chaiki par lal rang ka asan bichakar sthapit karen. iske pashchat ise ‘¬ gan ganptye namah’ mantra ke 5400 mantron se abhimantrit karen tatha dashansh havan bhi karaen. niyamit rup se uni asan par purvabhimukhi ya uttarabhimukhi baithakar shubh muhurt men hath jorakar (dhyan stuti mantra ka jap karte hue) ganpti ji ka dhyan karen. is yantra ko vishisht parvakal men shuddh karen tatha mantrochchar se abhimantrit karen taki yantra ki shakti barhe. rudraksh ya lal chandan se mantra ka jap karen. jap se purva aur uske bad dhyan stuti (mantra) bhi kar leni chahie. yah kriya niyamit rup se karne se ganpti ki kripa prapt hoti hai aur madhumeh ka prabhav kshin hone lagta hai. prarthana mantra puja praranbh karne se purva nimnalikhit mantra ka ek mala jap karna chahie. ”vakratund mahakay, suryakoti samaprabhah. nirvighnan kuru me dev, sarvakaryeshu sarvada.. sarvavighn vinashay, sarvakalyan hetve. parvati priya putray, ganeshay namo namah..“ s ganesh chaturthi, budhvar ya pushya nakshatra ko gajanan ji ka panchamrit evan gangajal se abhishek kar shodshopchar pujan karen. durva evan lal pushp charhaen, bundi ke laddu, meve ki mithai, jamun adi ka bhog lagaen. prasad banten aur svayan bhi grahan karen. iske sath ganpti chalisa, ganesh stotra evan kavach ka path tatha ganesh chaturthi ka vrat karen. is tarah ganptiji se sanbandhit sare upay karne par madhumeh rog se mukti milti hai. mahamrityunjay mantra ka path s sham ya ratri ko mahamrityunjay mantra ka mala jap karna chahie. ”¬ tryanbkan yajamhe sugandhin pushtivardhanam, urvarukmiv bandhananmrityormukshiya ma'mritat..“ ¬ haun ¬ jun ¬ sah ¬ bhu ¬ bhuvah ¬ svah tryanbkan yajamhe sugandhin pushtivardhanam, urvarukmiv bandhananmrityormukshiya ma'mritat. ¬ svah ¬ bhuvah ¬ bhuah ¬ sah ¬ jun ¬ haun ¬.. “ is mantra ka jap rudraksh mala par karna chahie. mantra jap pratidin kam se kam ek mala tatha rog ke ganbhir hone ki sthiti men sankalp lekar sava lakh jap svayan karen ya kisi vidvan pandit se karaen. upar varnit mantra ka jap mahamrityunjay yantra (arthat shiv ka yantra) ya shivling (visheshakar parad shivling) ke sammukh karne par vishesh labh hota hai. markandey rishi ne is sanbandh men kaha bhi hai - ”chandrashekhrashraye mam kim karishyati vaiah yamah“ arthat jab main bhagvan chandrashekhar (mrityunjy) ki sharan men hun to mrityu ke devta yam mujhe nuksan kaise pahuncha sakte hain. mahamrityunjay mantra ka jap karne se purva nimnalikhit rudra sukt ka path avashya karen. ‘tatpurushe viùhe mahadevay dhimhi tanno rudrah prachodyat. pratidin pratah snanadi se nivritt hokar un ke asan par purvabhimukh baithakar gay ke shuddh ghi ka dipak jalakar karen. dipak pure jap kal tak jalta rahe. jap pratah hi karen, ratri men nahin. gayatri mantra ka jap karne se purva prarthana karni chahie - ”devi prapannarti hare prasid prasid matarjagato'khilasya. sate vishveshvari pahi vishvan tvamishvari devi characharasya..“ gayatri mantra ”¬ bhurbhuvah svah tatsaviturvarenyan bhargo devasya dhimhi dhiyo yo nah prachodyat..“ yagyaopchar yagya vigyan ke anek paksh hain. yagya se mansik atmik svasthya ki abhivriddhi ke sath-sath madhumeh jaise sharirik rogon ke nivaran men bhi asadharan labh milta hai. is rog ko dur karne ki yagyaopchar prakriya itni saral hai ki iske sahare marak evan poshak donon hi tatvon ko sharir ke vibhinn angon-upangon men asani se pahunchaya ja sakta hai. vibhinn aushdhiya vanaspatiyon, poshak dravyon ki havan samagri se har vyakti bal, poshan evan rog nirodhak shakti prapt kar sakta hai. iske atirikt is kriya se ane vale rogon se bachav hota hai aur ayu dirgh hoti hai. yagyaopchar vidhi se madhumeh jaise rogon ki chikitsa sanbhav hai. yahan is rog se mukti hetu vishisht prakar ki havan samagri se havan karne ka vidhan prastut hai. havan samagri shvet aur lal chandan, agar, tagar, devdar, jayafal, laung, guggul, chirayta, giloy evan asgandh, harar, kaith ka guda, kutki, bhang, khushsani, ajvayan, haldi, khas, lajvanti ke bij, punarnava, shilajit, bilvapatra, jamun ki guthli, vijysar, gurmar, karele ka fal evan pattiyan, merhasingi, ulat kanbal, gular ke fal, kuth karvi, kuraj, methi dana, atis karvi, am ki guthli ki mingi, daruhaldi tatha rasaut ko barabr-barabar matra men lekar kut, pisakar aur kapre se chan kar alg-alag rakh len. is samagri se niyamit rup se subh-sham havan karen. havan karte samay nimnalikhit surya gayatri mantra se kam se kam chaibis ahutiyan deni chahie. ¬ bhurbhuvah svah bhaskarayviùhe divakray dhimhi, tannah surya prachodyat. havan pushya nakshatra ya anya shubh din shubh muhurt ya samay men rogi ke nam se sankalp lekar karvane se shighra evan adhik labh milta hai. upar varnit havan sankalp lekar rogi svayan kar sakta hai ya rogi ke nam ka sankalp lekar kisi vidvan pandit se bhi karvaya ja sakta hai. aushdhi snan budh pira nivaran aushdhi snan moti, akshat, chavla, gorochan, jayafal, piprmul aur gay ki chach se har budhvar snan karne se budh janit pira ka shaman hota hai. guru pira nivaran aushdhi snan guruvar ko safed sarsu, gulangi, shahad, chameli ke ful tatha patton ka pani men dalakar snan karne se pira dur hoti hai. shukra pira nivaran aushdhi snan jayafal, manosil, piprmul, kesar aur ilaychi mishrit jal se har guruvar snan karne se shukra janit pira dur hoti hai. madhumeh budh, guru aur shukra ke pirit hone se hota hai. in upayon ke atirikt nau grah shanti yantra ka bhojapatra par kesar ki syahi evan anar ki kalam se pushya nakshatra men shubh muhurt men nirman aur vidhivat pran pratishtha kar rogi ko dharan karana chahie. anya gharelu upay is rog ka koi thos ilaj nahin hai parantu khanpan ki adten sudhar kar ise niyantrit kiya ja sakta hai. is par niyantran ke kuch gharelu upay yahan prastut hain. chini se parhej karen. subah sham sair karen. nim ke 5 patte khali pet khaen. sadabhar ke 7 ful khali pet khaen. jamun ki guthli ka churn bana kar ek-ek chammach subh-sham khaen. khira, karela aur tamatar barabar matra men lekar jus nikalakar subah khali pet pien. methi ki sabji ka sevan jyada karen. methi dana ka churn banakar ek chammach har roj khaen. 10 se 20 gram gomutra roj pien. pratahkal 3 se 5 kimi paidal bhraman karen. papita, jamun, tamatar, salad ka sevan karen. jamun ki guthli ka churn is rog ke lie sasta upay hai. unt mangni ki pattiyon ko ghot kar nitya savere pien. madhunashini pushpi ek ayurvedik siddh aushdhi hai. ise ek kanch ke gilas men 200 mili litar pani men ek chammach (3 gra.) bhigokar subah chanakar khali pet pien. alu, gobhi, baingan, tali hui vastuon, chaval, mans aur madira se parhej karen. shak sabjiyon ka sevan karen aur paryapt pani pien, insulin ki sui lene ki naubat nahin aegi.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.