बृहस्पतिवार व्रत

brihaspativar vrat  

Ank ke aur Lekh | Sambandhit Lekh | Views : 9621 |  
brihaspativar vrat pan. braj kishor bharadvaj brajvasi brihaspativar vrat kisi bhi brihaspativar se praranbh kiya ja sakta hai. yadi kisi shuklapaksh men guruvar ko anuradha nakshatra ka yog ho aur us din yah vrat shuru kiya jae to atyant faldayi hota hai. brihaspativar ke aradhya guru hain. guru ka tatparya aisi divya shakti se hai jo hamare jivan ke daihik, daivik tatha bhautik tinon tapon ka nash kar sanpurn aishvarya pradan kare, jo jivan ke agyanandhakar ko nasht kar gyan ki jyoti jagade. guru kripa se hi akhil brahmand ke nayak parmatma ki prapti bhi sanbhav hai. kabirdas ji kahte hain- guru govind dou khare, kake lagu pany. balihari guru apne, govind diyo batay.. guru ko brahma, vishnu, shiv ka svarup bataya gaya hai- gururbrahma gururvishnuah gururdevo maheshvarah. guruah sakshat parabrahm, tasmai shri gurve namah.. atah isse yah bhi siddh ho jata hai ki srishti rachna men lin brahma, palan men tatpar vishnu aur pralay kriya men lin bhagvan maheshvar ka bhi unki shaktiyon sahit pujan shreyaskar hai. sadharntya sansarik jagat men kele ke vriksh ka pujan kiya jata hai, jo guru arthat vishnu ka svarup hai. is din vishesh rup se pili gay ke dugdh, ghritadi se bane padarthon se gurudev ka shodshopchar pujan karen. gur, pit pushp, chane ki dal, chane ka besan, pila chandan bhi gurudev ko samarpit karen. is din samathryanusar brahman ko bhojan karake dravya dakshina vastra bhushnadi se santusht karen. guruvar ka vrat pratah kal suryoday se purva hi jagakar nitya naimiÿiak karmon ko purnakar kisi devalay men kele ke vriksh ya aradhya devta ke sammukh baithakar sakam ya nishkam-jaisa bhi hriday men bhav ho ek, tin, panch, sat, nau, gyarah, ekavarsh, tinavarsh ya fir ajivan vrat ka sankalp lekar ganesh gauri, kalash adi ka pujan kar gurudev ka pujan karen. sankirtan katha shravan karen. brihaspativar ka vrat karne se guru grah ka dosh shant hota hai, gurukripa ki prapti hoti hai aur janmakundli, navansh kundli men sthit ast, vakri, nich guru ka dosh nasht ho jata hai. kahne ka bhav yah hai ki guru ke sharan men jane se manav ka kalyan hota hai. karya men kushlta, ghar men sukh-shanti, samaj men pratishtha, parivar men prem v sauhard ka vatavaran utpann hota hai aur sabhi sankton, dainyataon, abhavon ka nash ho jata hai. guru ki kripa se hi danvon ko indrasan tak prapt ho gaya aur gurudev ke shrap se hi indra ka indrasan chin gaya. guru ek sarvabhaum saÿaa ka nam hai jo sabka hitaishi aur sabko sukh dene vala hota hai. atah gurukripa sabhi ko prapt karni chahie. kaha bhi hai- guru kripa anant hai, guru nam anmol. janm safal ho jaega, guru guru bol.. sari jindagi bhi kam hai, guru ko rijhane ke lie. na jane kaise samay mil jata hai, dushmani nibhane ke lie.. brihaspativar vrat vahi karte hain, jin par guru ki kripa hoti hai. vratdharak kele ke fal ka bhog lagae parantu svayan is fal ka bhakshan n kare. is din pili vastu ke dan evan bhakshan ka vishesh mahatva hai. is din bal tatha darhi banvana varjit hai. sharir evan vastron men sabun bhi nahin lagana chahie. jinka jivan vibhinn sankton se ghira hua ho daridrata sursa ki tarah munh khole jinke ghar men pravesh kar chuki ho vah sabhi yah vrat karen. dhan sanpatti se samriddh stri-purushon ke lie bhi yah vrat karna labhkari hai. is vrat ke prabhav se vrati ke jivan men nirantar alok ata hai. dharm, arth, kam aur moksh charon purusharth bhi siddh ho jate hain. vrihaspati dev ki katha bajar men dharmik pustak vikrataon ke pas asani se prapt ki ja sakti hai. atah usmen se vrihaspati dev ki katha ka path ya shravan kiya ja sakta hai. jo sadbhavna purvak brihaspativar ka vrat karta hai evan katha parhta hai athva sunta hai aur dusron ko sunata hai brihaspati dev uski manokamna purn karte hain. bhagvan brihaspati dev unki sadaiv raksha karte hain. jaisi sachchi bhavna se rani aur raja ne brihaspati dev ki katha ka gungan kiya to unki sabhi ichchaen brihaspati dev ji ne purn kin. katha shravan ke bad sabhi bhakt prasad lekar brihaspati dev ki jay-jaykar karte hue hi ghar javane. brihaspati dev ki kripa se sampurn amangal nasht ho jate hain. brihaspativar ki arti ¬ jay brihaspati deva, svami jay brihaspati deva. chin-chin bhog lagaun kadli fal meva.. ¬.. tum puran parmatma tum antaryami. jagat pita jagdishvar tum sabke svami.. ¬.. charnamrit nij nirmal, sab patak harta. sakal manorath dayak, kripa karo bharta..¬.. tan, man, dhan, arpanakar jo jan sharan pare. prabhu prakat tab hokar akar dvar khare .. ¬.. din dayal dayanidhi, bhaktan hitkari. pap dosh sab harta, bhav bandhan hari.. ¬.. sakal manorath dayak, sab sanshay tari. vishay vikar mitao santan sukhkari.. ¬.. jo koi arti teri prem sahit gave. kahat shivanand svami manvanchit fal pave.. ¬.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.