क्या व्यस्त करते है जन्म कुंडली के भाव

kya vyast karte hai janm kundli ke bhav  

Ank ke aur Lekh | Sambandhit Lekh | Views : 6756 |  
kya vyakt karte hain janmakundli ke bhav? lakshmi narayan sharma ‘mayank lal kitab mul rup men chahe arbi ya farsi bhasha men rahi ho lekin yah arun sanhita ka rup hai. iska urdu anuvad bhi hua hai. is kitab ki manyataen evan vyakti dvara purvajanm men kie gae dushkarm janit kuyogon se bachne ke upay aur anya jyotishiya avdharnayen bhartiya vaidik vigyan jyotish ki hain yadyapi iske kuch siddhant bhartiya jyotish siddhanton se bhinn bhi hain. lekin itna avashya hai ki is kitab men varnit upay labhkari hote hain. lal kitab ke anusar jo kundli banti hai usmen janmalagn koi bhi ho use vilupt kar mesh rashi ko lagn man liya jata hai aur grahon ko usi ghar men rahne diya jata hai jismen ve mul lagn kundli men the. lal kitab ke anusar janm kanudli ke barah gharon arthat bhavon ka vivaran nimnavat hai. pratham bhav (pahla ghar)- yah ghar hamare vartaman ka dyotak hai. pichle karmon ke anusar ham kaisa bhagya lekar ae hain yah sab yah ghar batata hai. yahan is ghar ka sanbandh purva disha se hai. grahon ki shreshth sthiti ke anusar grahon se sanbandhit dishaon ke makan vyakti ke lie shubh evan pragtikarak honge. jatak ki haisiyat, uski paropkar ki bhavna, yauvan, vahan sukh, karyakshetra, dhandaulat, vyavsay, sharir k e vibhinn agan , karagar davaiya,n matha evan chehra, svabhav adi ka bodh isi ghar se hota hai. vyakti ka adhyatm se lagav, moksh adi ki jankari bhi is ghar se milti hai. is ghar ka karak grah surya hai. dusra ghar- rashi kram ki dusri rashi brish is ghar men mani jati hai jiska svami shukra hai. lekin brihaspati ko is ghar ka karak mana gaya hai. lal kitab ke anusar yah ghar dhan, daulat, ijjat, vyakti ki mansik sthiti, adhyatmik sthiti, ghar grihasthi, kutunb adi se sanbandh rakhta hai. yah uÿar pashchim disha ka suchak hai. is ghar men guru ka fal uÿam milta hai. yadi athven bhav men koi grah n ho to sabhi grah achcha fal dete hain. vyakti ke ghar ke paltu janvron ke bare men isi ghar se jana ja sakta hai. rishtedaron ke sath len den ki jankari bhi isi ghar se milti hai. vyakti ka makan kaisa hoga, uske pas kitne makan honge yah sab isi ghar se gyat hota hai. tisra ghar- yah ghar mangal ke kabje men rahta hai. vah is ghar ka karak hai. yadyapi yah mithun rashi ka ghar hai tatha iska svami budh hai. lekin budh yahan achcha fal nahin deta hai. is ghar se vyakti ki bhuja, shakti, parakram, bhaiyon, rishtedaron se sanbandh, yauvan, jigar, sharir men khun, dhan sanbandhi len den evan uska shubhashubh, mitra, astra shastra adi ki jankari milti hai. is ghar men mangal ko shubh faldayi mana gaya hai. ismen mesh, vrishchik evan makar ke mangal ko shubh mana gaya hai. chunki mangal ki disha dakshin hai islie yahan par in rashiyon men se kisi men bhi mangal ho to vyakti ke lie dakshin disha ka darvaja shubh hota hai. chaitha ghar- chaitha ghar chandra ka hota hai kyonki mesh se chaturth kark rashi hogi. chandra iska karak grah hai. ismen chandra ko achcha fal dene vala mana gaya hai. lal kitab ke anusar is ghar se pita ki sthiti, unse sanbandh, unki jaydad adi ki jankari milti hai jabki parashar jyotish ke anusar yah ghar mata ka hai. yah ghar vyakti ke man ki sthiti, grihasth jivan, jal evan dudh, vastra vyavsay, mata ki sthiti, chati, dil adi ke bare men batlata hai. yah hamari amdni ke jariye bhi batlata hai. makan, bhavan adi ki jankari isi ghar se milti hai. panchvan ghar- yah ghar vyakti ki vidya, aulad, pet, adi ke bare men batlata hai. shoharat, ijjat adi ki jankari bhi isi ghar se milti hai. bete, betiyon ke sath len-den kaisa rahega, bhagya kaisa hoga, adhyatmik gyan ki sthiti kaisi hogi, shiksha kaisi hogi, puja, upasna adi abhiruchi kaisi hogi, devi devtaon ki puja hamen labh degi adi vibhinn mahatvapurn vishyon ka gyan bhi isi ghar se milta hai. is ghar men surya ki sinh rashi ati hai atah yah ghar purva disha ka parichayak hai. chatha ghar- is ghar ko patal kaha gaya hai. is ghar ka malik budh hai. rishtedaron ki mali halat tatha vyakti ke unse sanbandh, vyakti ki pachan shakti, garmi-sardi sahan karne ki kshamata, bhagya ke utar-charhav, dhan daulat ke tyag, kamar, putthon evan nariyane ki dasha adi ka vichar isi ghar se kiya jata hai. is ghar men budh uÿam fal deta hai. satvan ghar- yah ghar maidani duniya kahlata hai. is ghar men yadyapi tula rashi ati hai islie shukra iska malik hai lekin budh evan shukra donon hi iske karak grah hain. vyakti ke parishram ke fal, jaydad, purvajon se prapt dhan, bachat, patni ke mayke evan uski sthiti, larki, bahan, poti adi, tvacha se sanbandhit bimariyon, vivah, stri sanbandh adi ki jankari isi ghar se milti hai. ye sab sthitiyan is ghar men baithe shubhashubh grahon ki sthiti par nirbhar karti hain. athvan ghar- is ghar men mangal ki vrishchik rashi ati hai. mangal is ghar ka karak hai. chunki ise maut ka ghar kaha gaya hai islie shani bhi iska karak hai. vyakti ke karya sthal tatha avas ki sthiti, uski maut, sharir men pith ki sthiti evan usse sanbandhit rogon, anya bimariyane, dhan, jivan men ane vale kashton, pachan shakti, anya stri/purushon se sanbandh adi ki jankari isi ghar se prapt hoti hai. nauvan ghar- yah sabse mahatvapurn ghar hai. ismen guru ki dhanu rashi ati hai. guru is ghar ka karak grah hai. yah vyakti ki kismat ka ghar hai. vyakti ke dhan ke vyay, dharm, paropkar, adhyatm gyan, paitrik sanpatti, makan, mandir, nak, nathune, oj, bujurgon ki dasha adi ki jankari isi ghar se prapt hoti hai. vyakti ke bhagya aur purva janm ki jankari bhi isi isi ghar se milti hai. dasvan ghar- yah shani ki makar rashi ka ghar hai. iska malik shani hai. is ghar se vyakti ke vyapar, vyavsay, naukri, makan ke andruni hisse, svasthya, bal adi ki jankari milti hai. vyakti ke svabhav, logon ke sath uske vyavhar, uske jivan, pita ki jaydad ki jankari isi ghar se milti hai. is prakar kundli ka yah mahatvapurn bhag hai. gyarhvan ghar- yah ay aur labh ka ghar hai. lal kitab ise lalach ka ghar kahti hai. shani, ki kunbh rashi is ghar men ati hai. shani iska karak hai. vyakti ke svarth aur labh ki sthiti makan ki bahri sajasajja adi ki jankari isi ghar se milti hai. jindgi ke akhiri dinon ki sthiti ka gyan bhi isi ghar se prapt hota hai. vyakti ke bhagya, mata pita ki mali halat ki jankari bhi isi ghar se milti hai. barhvan ghar- shubh grah brihaspati ki min rashi is ghar men parti hai. rahu bhi is ghar ka karak hai. yah kharche ka ghar hai. vyakti ke man men achanak utpann hone vale vicharon ka pata is ghar se chalta hai. vyakti ki shap ya ashirvad dene ki kshamata ka gyan isi ghar se milta hai. vahin vyakti ke sukh-dukh, parosiyon ke sath vyavhar, haddiyon evan sir ki sthiti, stri evan pati sukh, bhavishya adi ki jankari bhi isi ghar se milti hai.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.