लाल किताब आधारित दोष एवं उसके उपाय

lal kitab adharit dosh evan uske upay  

Ank ke aur Lekh | Sambandhit Lekh | Views : 8559 |  
lal kitab adharit dosh evan uske upay dae. sanjay bu(iraja bhartiya jyotish men falakathan ki anek paddhatiyan hain jinmen lal kitab paddhati sarvadhik prachlit hai. uttar bharat men visheshakar panjab panrat men lal kitab adhik lokapriya hui. ismen varnit sahaj saral upay iski lokapriyata ke mukhya karan hain. aj ki jivan shaili men ye upay kuch ajib to lagte hain parantu upyogi v faldayak hain. vartaman samay men prachlit lal kitab ke rachyita shri rupchand joshi hain, jinhonne 1939 men farsi men likhi gai jyotish falakathan ki ek kitab ka urdu men anuvad kiya aur lal kitab ke nam se chapvaya. san 1952 tak iske anek sanskaran chape jinmen se kuch mukhya hain- lal kitab gutka, lal kitab farman, lal kitab arman, lal kitab lagn kundli v lal kitab varsh fal kundli. mul urdu ki lal kitab men 1172 prishth hain jiske vibhinn anshon ko lekar vibhinn lekhkon ne vibhinn rupon men ‘lal kitab’ ki rachna ki hai jo bajar men upalabdh hain. lal kitab ke anusar surya dev hi jyotish ke acharya hain, unhin se sara bahmand prakashamay hai. unke bina jivan asanbhav hai. jivan men ae ya ane vale kashton se mukti ke upayon se yukt tatha tamra varn (lal rang) vale surya dev dvara rachit granth ko lal kitab nam diya gaya. iske anusar jyotish koi jadu tona nahin hai balki apne purvajanm ya is janm ke bure karmon se mil rahe kashton se mukti dilane ka madhyam hai. lal kitab men grahon ko vibhinn sangyaen di gai hain jaise soya grah, jaga grah, dharmi grah, adharmi grah, andha grah, manda grah, nek grah, kismat jagane vala grah, pakke bhav ka grah, kayam grah, napunsak grah adi. anuvadit lal kitab men bhi adhik shabd urdu v farsi ke hain. inke sath-sath angeraji, panjabi v sanskrit ke shabdon ka bhi upyog kiya gaya hai. hindu devi devtaon v vrikshon ke nam bhi lal kitab men mil jate hain. lal kitab men varsh kundli ko vishesh mahatva diya gaya hai. iske atirikt purva janm ke rin v unke upay bhi batae gae hain. vahin vibhinn grahon v rashiyon ki sthitiyon ke anusar sharir v atma ko milne vale kashton ko vibhinn upayon se dur karne ki vidhi bhi di gai hai. vibhinn rin v unke upay lal kitab men varnit, purva janmanusar jatak ke upar vibhinn rin v unke upay is prakar hain. svarin- janmakundli ke pancham bhav men papi grahon ke hone se svarin hota hai. iske prabhavavash jatak nirdosh hote hue bhi doshi mana jata hai. use sharirik kasht milta hai, mukdme men har hoti hai aur karyon men sangharsh karna parta hai. isse mukti ke lie jatak ko apne sage sanbandhiyon se barabar dhan lekar us rashi se yagya karna chahie. matri rin- chaturth bhav men ketu hone se matri rin hota hai. is rin se grast jatak ko dhan hani hoti hai, rog lag jate hain, rin lena parta hai. pratyek karya men asflta milti hai. isse mukti ke lie jatak ko khun ke sanbandhiyon se barabar chandi lekar bahte pani men bahani chahie. sage sanbandhiyon ka rin- pratham v ashtam bhav men budh v ketu hon, to yah rin hota hai. jatak ko hani hoti hai sankat ate rahte hain aur kahin saflta nahin milti. isse mukti ke lie parivar ke sadasyon se barabar dhan lekar kisi shubh karya hetu dan dena chahie. bahan rin- tritiya ya shashth bhav men chandra ho to bahan rin hota hai. is rin se grast jatak ke jivan men arthik pareshani ati hai, sangharsh bana rahta hai aur sage sanbandhiyon se sahayta nahin milti. isse mukti ke lie jatak ko parivar ke sadasyon se barabar pile rang ki kaudiyan lekar unhen jalakar unki rakh ko pani men pravahit karna chahie. pitri rin- dvitiya, pancham, navam ya dvadash bhav men shukra, budh ya rahu ho to pitri rin hota hai is rin se grast vyakti ko vriddhavastha men kasht milte hain, dhan hani hoti hai aur adar samman nahin milta. isse mukti ke lie parivar ke sadasyon se barabar dhan lekar kisi shubh karya ke lie dan dena chahie. stri rin- dvitiya ya saptam bhav men surya, chandra ya rahu ho to stri rin hota hai. is rin ke falasvarup jatak ko anek dukh milte hain aur uske shubh karyon men vighn ata hai. isse mukti ke lie parivar ke sadasyon se barabar dhan lekar gayon ko bhojan karana chahie. ashay ka rin- dasham v ekadash bhav men surya, chandra ya mangal ho to yah rin hota hai. is rin se grast jatak ko anek pareshaniyon ka samna karna parta hai. uski unnati men badhaen ati hain aur har kam men asflta milti hai. isse mukti ke lie parivar ke sabhi sadasyon se barabar dhan lekar majduron ko bhojan karana chahie. ajanme ka rin- dvadash bhav men surya, shukra ya mangal ho to ajanme ka rin hota hai jo jatak is rin se grast hota hai use jel jana parta hai, charon taraf se har milti hai aur sharirik chot pahanuchti hai. isse mukti ke lie parivar ke sadasyon se ek-ek nariyal lekar jal men bahana chahie. ishvariya rin- shashth bhav men chandra ya mangal ho to ishvariya rin hota hai. is rin ke falasvarup jatak ka parivar nasht hota hai, dhan hani hoti hai aur bandhu bandhav vishvasghat karte milte hanai iske lie parivar ke sadasyon se barabar dhan lekar kuÿaon ko bhojan karana chahie. kharab ya ashubh grah ke lakshan surya- jatak balyavastha men hi apne pita se alag ho jata hai, uske sharir men vikar utpann ho jate hanai, netra rog ho jata hai, yash kam milta hai aur nind kam ati hai. chandra- ghar men pani ki samasya rahti hai, kalpanashakti kamjor ho jati hai, ghar men dudharu gay ya bhains nahin rahti aur mata ka svasthya kharab rahta hai. budh- jatak ko nashe, satte v jue ki lat lag jati hai aur beti v bahan ko dukh rahta hai. guru- vivah men deri hoti hai, sona khone lagta hai, choti ke bal ur jate hain, shiksha men badha ati hai aur apayash ka shikar hona parta hai. shukra- jatak ko prem men dhokha milta hai, uska angutha bekar ho jata hai, tvacha men vikar utpann hote hanai aur vah svapnadosh se grast hota hai. shani- ghar men agjni hoti hai, makan ka nash hota hai, palkon v bhaunhon ke bal gir jate hain aur vipÿiayan ati rahti hain. rahu- hath ke nakhun jhar jate hain, paltu kuÿaa mar jata hai, dimag gum rahta hai aur shatru barh jate hain. ketu-pairon ke nakhun jhar jate hain, joron men dard rahta hai, mutra kasht hota hai aur putra ka svasth thik nahin rahta hai. rishtedaron se grahon ke upay- lal kitab men kisi kharab grah ko shubh karne ke lie us grah se sanbandhit rishtedar ki seva karna v uska ashirvad lena aisa karne se vah kharab grah apne ap thik hone lagta hai. udaharanasvarup kharab surya ko thik karne ke lie jatak svayan raja, pita ya sarkari karmachari ki seva kare aur unka arshivad le. grahon se sanbandhit rishtedar is prakar hain- surya- raja, pita ya sarkari karmachari. chandra- mata, sas ya bujurg stri. mangl- bhai, sale ya mitra. budh- bahan, beti ya nau varsh se kam ayu ki kanyaen. guru- kul purohit, pita ya bujurg vyakti. shukra- patni ya koi anya stri. shani- naukar, majdur ya taya. rahu- sasur ya nana. ketu- larka, bhatija ya nau varsh se kam ayu ke larke. puja dvara grahon ke upay- vibhinn grahon ke dushprabhav se bachne ke lie lal kitab ke anusar nimnalikhit kriya karni chahie. surya- harivansh puran ka path v surya dev ki upasna. chandra- shiv chalisa v sanudar kand ka path. budh- durga chalisa, durga saptashati ka path. guru- shri brahma ji ki upasna v bhagavat puran ka path. shukra- lakshmi ji ki upasna v sharab se shri sukt ka path. shani - shri bhairav ji ki upasna v sharab se parhej rahu- sarasvati ji ki upasna. ketu- shri ganesh ji ki upasna. dan dvara grahon ke upay lal kitab ke anusar kharab grahon ke dushprabhavon se mukti ke lie nimn vastuon ka dan karna chahie. surya- tanba, gehun v gur. chandra- chaval, dudh, chandi ya moti. mangl- munga, masur dal, khand, saunf. budh- hari ghas, sabut mung, palak. guru- kesar, haldi, sona, chane ki dal ka dal. shukra- dahi, khir, jvar ya sungdhit vastu. shani- sabut urad, loha, tel ya til . rahu- sikka, jau ya sarson. ketu- kela, til ya kala kanbal. grahon ke anya upay upar likhit upayon ke atirikt grahon ke dushprabhavon ke aur bhi anek samanya upay jinka vivaran yahan prastut hai. surya- bahte pani men gur bahaen, pratyek karya mitha kha kar v jal pi kar karen, suryakal men sanbhog n karen, kul riti rivajon ko manen, surya ki vastuen bajra adi muft men n len, andhon ko bhiksha den, pital ke bartanon ka upyog karen aur safed topi pahnen. chandra- chandi ke bartan men dudh ya pani pien, sone ko ag men lal kar dudh se bujhaen v dudh pien, charpai ke payon par tanbe ki kil garen, samudra men tanbe ka paisa dalen, shivji ko ak ke ful charhaen, safed kapre men mishri v chaval bandhakar bahaen, vatvriksh men pani dalen, dudh ka vyapar n karen, shmashan ka pani ghar lakar rakhen aur rat ko dudh n pien. mangl- bua ya bahan ko lal kapre den, bhai ki sahayta karen, revriyan batashe pani men bahaen, ag se sanbandhit kam karen, mithi tanduri roti kuÿo ko dalen, tin dhatuon ki anguthi pahnane, chandi gale men pahnen, masur ki dal pani men bahaen, nim ka per lagaen, roti pakane se pahle tave par pani ke chinte den, jang laga hathiyar ghar men n rakhen, kane, ganje ya kale vyakti se dur rahen, aur dudh vala halva khaen. budh- nak chedan n karane, tanbe ka paisa gale men dalen, kachcha ghara jal men bahaen, chandi v sone ki janjir pahnen, kisi sadhu se tabij n len, mitti ke bartan ko shahad se bhar kar virane men dabaen, pakshiyon ki seva karen, gay ko hari ghas den, bar-bar n thuken, varsha ka pani chat par rakhen, sali ko sath n rakhen, sajha kam n karen aur dhak ke patton ko dudh se dhokar virane men dabaen. guru- mandir men 43 dinon tak badam arpit karen, gandhak jal men bahayen, kesar pani men bahaen, nile kapre men chana bandh kar mandir men den, vayda nibhaen, ishrya se bachen, pipal n katen, haldi v kesar ka tilak karen, patni se guru ka vrat rakhvaen, parastri gaman n karen. shukra- gande nale men 43 dinon tak nila ful dalen, stri ka samman karen, prem v aiyashi se dur rahen, kisi ki jamanat n den aur kanse ke bartan ka dan den. shani- tel ya sharab 43 dinon tak pratahkal dharti par giraen, kauon ko roti dalen, sharab v mans ka sevan n karen, lohe ka dan den, sunsan jagah par surma dabaen, ve chimte ya angithi ka dan den. rahu- bahte pani men nariyal bahaen, hathi ke panv ki mitti kuen men dalen, sanyukt parivar men rahen, patni ke sath fir fere len, rasoi men baithakar khana khaen, sasural se sanbandh n bigaren, bhai bahan ka bura n karen, sir par choti rakhen aur rat ko takiye ke niche saunf v chini rakhen. ketu- kesar ka tilak lagaen, kuÿaa palen, til ka dan karen, parastri gaman n karen, makan ki ninv men shahad dabaen, kala v safed kanbal mandir men dan den, pairon ke anguthon men chandi pahnen, chal-chalan thik rakhen, gale men sona pahnen, bayane hath men sone ki anguthi pahnen. upayon se purva upay vibhinn grahon ke vibhinn upay karne se pahle nimnalikhit upay avashya karen. shakahari bhojan karen, vidhvaon aur atithiyon ki seva karen, mata pita ka adar karen, kisi ko apashabd n kahen, din men sanbhog n karen, devi devtaon ki puja karen, sasural ke sadasyon ka samman karane, sharab n pien, tute bartan ghar men n rakhen, ghar men ek kachchi jagah avashya rakhen, pratidin baron se arshirvad len aur parastri gaman n karen. kuch vishesh upay bachche ke surakshit paidaish ke lie jau ka pani botal men bharakar pas rakh len. s sukhi prasav hetu v garbhapat se bachne ke lie apne bhojan ka ek hissa nikalakar kuÿo ko den. bar-bar garbhapat hota ho, to garbhavati stri ke baju par lal dhaga bandh den. bete se sanbandh sudharne ke lie kale safed kanbal mandir men den. kuch vishesh savdhaniyan surya bhav 7 ya bhav 8 ka ho to subah v sham ko dan n karen. chandra yadi bhav 6 ka ho to dudh ya pani dan n karen aur yadi bhav 12 ka ho to sadhu ya mahatma ko khana n den aur bachchon ko niahshulk shiksha n dilaen. guru yadi bhav 7 ka ho to mandir ke pujari ko vastra dan n karen aur yadi 10 ka ho to mandir n banvaen. shukra yadi bhav 9 ka ho to bhikhari ko paisa n den aur yadi 8 ka ho to saray ya dharmashala n banvaen.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.