लाल किताब के उपायों के प्रकार

lal kitab ke upayon ke prakar  

Ank ke aur Lekh | Sambandhit Lekh | Views : 3855 |  
lal kitab ke upayon ke prakar di. es. thakur jyotish men jab grahon ke upayon ki bat hogi to lal kitab ka nam sabse pahle aega. kundli men grahon ki nek ya mandi halat ke mutabik hi jatak par achcha ya bura asar parta hai. grahon ke bure asar se bachne aur achche asar ko barkrar rakhne ke lie lal kitab men upayon ka vistar se varnan kiya gaya hai. lekin prashn uth sakta hai ki kya upay se koi fayda ho sakta hai? rat ke andhere se bachne ke lie bijli se roshni karna, bimari ko dur karne ke lie dava lena, mausam ke mutabik sard garm kapre pahnna ye sab upay nahin to kya hain. darasal jindgi ko behatar banane ke lie insan nirantar upay karta rahta hai. kundli ki grahchal ko durust karne ke lie lal kitab ke upay lajbab hain. in upayon ko char kismon men rakha ja sakta hai. pahli kism ke am upay hain jo sabhi kar sakte hain. jaise duniyavi sukh ke lie gay ko gras dena, pareshani se bachne ke lie nariyal dariya men bahana, bimari se bachne ke liye halva, kaddu dharmasthan men dena. achanak chot ya nuksan se bachne ke lie sigret se parhej karna vagairah. dusri kism ke upay kundli men mande grah ki sthiti ke mutabik hote hanai. iske lie kundli men dekhna hota hai ki kaun sa grah kis khane men bura asar dal raha hai. uska upay lal kitab ke mutabik hota hai. jaise rahu khana nan. 8 ke lie sikka dariya men bahane se, mangal khana nan. 8 ke lie beva ki dua se, budh khana nan. 8 ke lie nak chedan se, shani khana nan. 6 ke lie tel ki kujji pani ki talhti ke niche dabane se, shani khana nan. 1 ke lie surma jamin men dabane se fayda hota hai. tisri kism men ate hain fauran upay. jab kisi mande grah ka koi upay kam n kare to kuch ghanton ke andr-andar faisle ke lie uska fauran upay kiya jata hai. jaise suraj ke lie gur, mangal ke lie revriyan, budh ke lie tanbe ka paisa, rahu ke lie koyla dariya men bahana labhdayak hota hai. chaithi kism men pitri rin ke upay ate hain. inki jarurat bahut kam parti hai. pitri rin se tatparya yah hai ki jatak par apne bujurgon ke pap ka khufiya asar parta hai. arthat gunah koi kare aur saja koi aur bhugte. magar bhugtega us gunahgar ka asal karibi tallukdar hi. kundli men jo grah khana nan. 9 men baitha ho, uski jar men budh baith jae ya kisi grah ki jar men dushman grah baith jae aur sath men vah khud bhi kisi dusre khane men manda ho jae to kundli par bujurgo ke pap ka bojh hoga jiska upay alg-alag sthiti men alg-alag hota hai. jo khandan ke sabhi sadasyon ko sath le kar karna parta hai. am taur par upay ki miyad kam se kam 40 din aur jyada se jyada 43 din lagatar hoti hai. magar khandan ki behtri ke upayon ki miyad lagatar ki bajay haftavar hoti hai. lal kitab urdu jaban men gaibi takat se likhi gai thi. ise samjhne ke lie soch bhi gaibi honi chahie. yah kitab gagar men sagar samete hue hai. farman nan. 6 ke mutabik shakki halat ke grah ke bure asar se bachne ke lie shakk ka fayda uthaya ja sakta hai. magar pakki halat ke grah ka asar hamesha ke lie mukarrar ho chuka hai aur uske bure asar ko achche men tabdil karna insani takat se bahar hota hai. sirf khas khas khuda rasida aur mahdud hastiyan hi rekh men mekh laga sakti hain. arthat mandi grah chal ko durust karke fayda liya ja sakta hai. magar yah durusti sabke bas ki bat nahin hai. kabiliyat aur koshish ke bavjud agar natija hak men n ae ya bina vajah jahamat gale lagi rahe to madad ke lie kundli men kismat ke grah ki talash karni hoti hai. jo grah rukavat dale uska upay karna hota hai. misal ke taur par chand jani mani kundliyon ka khulasa dilachasp sabit ho sakta hai. lekin prashn uth sakta hai ki kya upay se koi fayda ho sakta hai? rat ke andhere se bachne ke lie bijli se roshni karna, bimari ko dur karne ke lie dava lena, mausam ke mutabik sard garm kapre pahnna ye sab upay nahin to kya hain. darasal jindgi ko behatar banane ke lie insan nirantar upay karta rahta hai. kundli ki grahchal ko durust karne ke lie lal kitab ke upay lajbab hain. in upayon ko char kismon men rakha ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.