लाल किताब में वर्णित उपायों का चयन

lal kitab men varnit upayon ka chayn  

Ank ke aur Lekh | Sambandhit Lekh | Views : 4990 |  
lal kitab men varnit upayon ka chayan renu sinh jyotish shastra manushyon ke pichle janmon ke karm fal (prarabdha) ko janmakundli men grahon ki sthiti dvara darshata hai. prachin jyotish granthon men ek adhyay grahajanya kashton ke nivaran ke upayon ka hota hai, jismen lagnesh tatha lagn ke lie shubh grahon ka ratn dharan karna, anishtakari grahon ki shanti ke lie unka pujan, mantra jap, havan aur grah sanbandhit vastuon ke dan ka ullekh hota hai. jivan ke kashton ko do bhagon men banta gaya hai. ek ve jinko upayon dvara shant kiya ja sakta hai, aur dusre ve jinka bhog kar hi nivaran hota hai. yah kundli ke adhyayan se gyat hota hai. udaharan ke lie yadi chaitha bhav aur chaturthesh, kark rashi aur svami chandra, papi grah mangal, shani aur rahu se yukt ya drisht hokar grast ho to chaithe bhav se sanbandhit vishy- mata, sukh, shanti ya jatak ki chati pirit hogi. jab bhav, bhavesh, rashi v uska svami charon hi pirit hon to jatak ko kasht bhogna hi parta hai. parantu yadi kisi bhav sanbandhi kuch tatva hi pirit hon aur un shubh grahon ka prabhav ho to kasht nivaran ke upay prabhavi v shubhfldayak hote hain. lal kitab ke siddhant aur upay vaidik jyotish se kuch bhinn hain. jaise shashth bhav ko patal aur ashtam bhav ko shamshan kaha gaya hai. grah janit pira ki shanti hetu upayon ka vargikan is prakar kiya ja sakta hai. grahon ke shubh prabhavon ko barhane ke upay iske lie sanbaddh grah ki vastu svayan kisi anya ko n deni chahie, varan us vastu ko uske karak se lekar apne pas rakhna chahie. jaise shubh chandra ko balvan karne ke lie mata (chandra) ke hath se chandi ki vastu (chandra ki vastu) ko lekar apne pas rakhna chahie. grahon ke ashubh prabhavon ko dur karne ke upay kisi kashtakari grah ki vastu ko prithvi men gar kar us grah ke dosh ko dur karna. jaise yadi ashubh shani shashth bhav (patal) men sthiti hokar atyant kashtakari ho to shani ki vastu sarson ke tel ko mitti ke bartan (budh-shashth rashish) men bharakar aur uska dhakkan achchi tarah band kar, kisi talab ke kinare (shukra sthan, jo shani ka mitra hai) gar dene se shani shant ho jata hai aur is tarah kashton ka nivaran ho jata hai. thore ashubh prabhavon ko dur karne ke lie sanbaddh grah se sanbandhit vastu ko chalte pani men bahana, arthat kashton ko dur karna. jaise yadi rahu ashtam bhav (shamshan) men achanak badhaen de raha ho to sisa dhatu (rahu) ke 100 gram vajan ke ath tukre (shani ashtam bhav ka karak grah) - pratidin ek tukra bahte pani men pravahit karne se rahu janit pira ki shanti hoti hai. thora shubh aur thora ashubhkari grah ko purn shubhkari banane ke lie uske mitra grah ko prasann kar uski sahayta lena jaise yadi shashth bhav (patal) men ketu bura fal de raha ho to jatak ko choti ungli (budh) men sone (brihaspati) ki anguthi (budh) pahnne se shashth rashish budh aur brihaspati (ketu ke guru) prasann hokar ketu par ankush rakhte hain. thore ashubh grah ke prabhav ko khatm karne ke lie us grah ke param shatru ki vastu apne pas rakhna. jaise ashtam bhav sthit mangal ke thore ashubh prabhav ko samapt karne ke lie hathi dant (rahu-mangal ka shatru) ki koi vastu apne pas rakhni chahie. kisi shubh grah ki ashubhta dur karne ke lie sanbandhit vastu ko uske dusre karak ko arpit karna. jaise brihaspati ki ashubhta dur karne ke lie chane ki kachchi dal (brihaspati ki vastu) mandir (dharm sthan-brihaspati) men charhani chahie. parantu mandir men koi vastu charhane se pahle yah dekh lena avashyak hai ki kundli ke dusre bhav (dharm sthan) men us grah ka shatru sthit n ho, anyatha nuksan hoga. grah ke isht dev ki aradhna karna. jaise yadi shashth bhav (patal) sthit rahu samajh n ane vala rog de raha ho to nile fulon (rahu ki vastu) se devi sarasvati (rahu ki isht devi) ki puja aradhna karni chahie, isse rog se chutkara milta hai. do ashubh grahon ka jhagra mitane ke lie unke mitra grah ko unke bich men sthapit karna. jaise shani aur surya (viprit svabhavi grah) shashth bhav (patal) men sthit hokar ashubh prabhav dalte hon, to unke sath men budh ko (jo surya aur shani donon ka mitra hai) sthapit karne ke lie ghar men fulon vale paudhe (budh ki vastu) lagane chahie. upay ke liye vishesh niyam grahon ke dushprabhav shighra dur karne ke lie 43 din tak pratidin upay karne chahie. yadi bich men prayog khandit ho jae to fir se shuru karen. ye upay din ke samay karne chahie. ek din men keval ek hi upay karna chahie. s jatak ke asamarth hone par khun ke rishte vala koi vyakti uske nam se yah upay kar sakta hai. kya nahin karen- surya grah kundli men balvan hone par- jatak ko surya ki vastuen sona, gehun, gur v tanbe ka dan nahin karna chahie anyatha surya nirbal ho jayega. chandra balvan hone par- chandi, moti, chaval adi (chandra ki vastuen) uphar ya dan men nahin dene chahie. mangal balvan hone par- mithai, gur, shahad adi mangal ki vastuen dusron ko n to dene chahie n hi khilane chahie. budh balvan hone par- kalam ka uphar nahin dena chahie. brihaspati balvan hon par- pustakon ka uphar nahin dena chahie. shukra balvan hone par- sile hue sundar vastra, sent (parafyum) aur abhushan uphar men nahin dene chahie. s shani balvan hone par- shani ki vastu sharab dusron ko nahin pilani chahie. rahu ko balvan karne ke lie jatak ko sise (rahu ki vastu) ki goli apne pas rakhni chahie. ketu ko balvan karne ke lie kuÿaa (ketu ka kark) palna chahie. upar varnit saral aur sulabh upayon ka avashyaktanusar shraddhapurvak palan karne se jatak ko grah janit pida se mukti milti hai aur jivan sukhamay hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.