वास्तु के अनुसार शैक्षणिक संस्थान

vastu ke anusar shaikshanik sansthan  

Ank ke aur Lekh | Sambandhit Lekh | Views : 1482 |  
shaikshanik sansthan vyakti ke vyaktitva nirman ka ek aisa mandir hai jahan se vyakti gyan evan shiksha arjan karte hue apne charitrik mulyon ka vikas karta hai. atah iska nirman uchit evan tarike se hona avashyak hai. iske nirman men vastu ke siddhantan ko apnane se chatra evan shikshak sabhi labhanvit hokar vidyarupi mandir ka samuchit labh prapt kar sakte hain. pra.-kis tarah ka bhukhand shaikshanik sansthan ke liye shubh faldayak hote hain. u.-shikshan sansthan ke lie bhukhand ka chayan pratham avashyakta hai. bhukhand aytakar athva vargakar honi chahie. bhukhand ke sabhi kon 900 ka hona chahie. ishanya vridvi bhukhand bhi shikshan sansthan ke lie labhaprad hota hai. pra.-bhukhand ke kis taraf shaikshanik sansthan ka hona jyada labhdayak hota hai ? u.-bhavan ka nirman ek khand men hone par purva-pashchim ya uttara-dakshin men karna chahie. yadi bhavan ka nirman do ya tin khandon men karna ho to purva aur uttar ko khula chodte hue bhavan ka nirman karna chahie. dakshin aur pashchim ko khula nahin rakhna chahie. shikshan sansthan men bhukhand ke charon or nirman karya kiya ja sakta hai. lekin aisi sthiti men brahm sthan khula rakhna chahie. brahm sthan men koi bhi partishan, kil aur bhari vastu n rakhen. brahm sthan ko hamesha khali aur saf-suthra rakhen. bhukhand ke uttara-purva men nadi, talab ya jharna naisargik rup se vidyaman rahne par iski khyati shighratishighra hoti hai. bhukhand ke dakshin-pashchim men ghani abadi, ped-paudha ya unchi-unchi imarton ka hona tatha uttara-purva men adhik se adhk khula sthan hona shaikshanik sansthan ke vikas men maddgar hota hai. pra.: shaikshanik sansthan ki antrik vyavastha kaisi honi chahie ? u.: bhavan men adhyayan kaksh purva, uttar, uttara-purva aur pashchim men banani chahie. uttar disha par manas chetna ka karak grah budh, ishanya kshetra par gyan ke grah guru, purva par atm karak surya evan pashchim disha par man sarasvati ka adhikar hota hai. atah in kshetron men adhyayan kaksh rakhne se bachchon ke adhyayan men kafi labh milta hai. klas rum men blaikbord ko uttar ya purva ki divar par rakhen. bachchon ko padhai karte vakt munh uttar ya purva ki taraf hona chahie. isse bachche vilakshan pratibha ke dhani evan gyanvan hote hain. bachchon ke lie klas rum aytakar evan vargakar banani chahie. uttar evan purva ki taraf adhik se adhik khidki evan dvar rakhen. klas rum men pravesh purva ya ishanya kshetra se rakhen. klas rum men prakash ki samuchit vyavastha rakhni chahie. shikshan sansthan men pradhanacharya, kulpti ya mukhya vyakti ka karyalay dakshin-pashchim ke kshetra men banana chahie. upapradhanacharya ya upkulpti ka karyalay dakshin kshetra men banana shreshth hota hai. prashasnik karyalay, jis sthan se pure shikshan sansthan ki prashaskiya gatividhiyan sanchalit hoti hain, use purva disha ki or rakhna chahie. lekha vibhag uttar disha men hona chahie. vittiya karyon ke lie khastaur par uttar ki disha labhaprad hoti hai. isse shikshan sansthan ki sanpannata bani rahti hai. mukhya khajanchi ya ankekshak ko uttar disha ki or munh karke baithna chahie. yadi khajanchi ka munh purva ki taraf ho to kaish kauntar uske dahini or rakhni chahie tatha khajanchi ka munh uttar ki taraf ho to kaish kauntar uske bain taraf rakhni chahie. pariksha vibhag pashchim men banana sarvashreshth hota hai. shikshan sansthan man pustakalay bhukhand ke uttar ya purva kshetra men banana labhaprad hota hai. prayogshala bhavan ke pashchim men banana chahie. staf rum ki vyavastha vayavya kshetra men karna chahie. manoranjan kaksh tatha kaintin ki vyavastha agney kshetra men karni chahie. shikshan sansthan men khel ka maidan uttar ya ishanya kshetra men karna shubh falaprad hota hai. chatravas uttar aur ishanya ke kshetra men banani chahie. avashyakta padne par chatravas purva aur dakshin disha men bhi banaya ja sakta hai. vedhshala uttar disha men banana chahie. samuhik prarthana sthal brahya sthan men banana chahie. shikshan sansthan ke ishanya kon ko hamesha svachch tatha saf-suthra rakhen. is sthan ko gandgi evan kachde se mukt rakhen. is kon men chunki param pita parmeshvar evan grahon men guru jo adhyatmik chetna ka karak grah hai, ka vas hota hai. atah kon ko jagrit rakhne ke lie apne isht dev ki murti ya tasvir lagayen aur pratidin vahan dhup, dip dikhayen. shikshan sansthan ke uttara-purva men jalachar prani sangrah ya chota sa pani ka favvara lagayen. shikshan sansthan ke bahar dekhte samay mukhya dvar ke bayin or rakha pani ka favvara shikshan sansthan ki lokapriyata ko badhata hai. sath hi ullaspurn vatavaran banane men madad karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2012

fyuchar samachar patrika ke vastu visheshank men vastushastra ke siddhant - vartaman samay men upyogita, jyotish, vastu evan ankshastra ke sanyukt kriyanvayan ki ruprekha, vastushastra evan fengshui- samrupta evan vibhinnata, vastu purush ka prardubhav evan pujan vidhi, vastu shastra ka vaigyanik drishtikon, bhukhand chayan ki ganitiya vidhi, grih nirman evan sukh samriddhi ka vastu, vastu evan fengshui, vastu dosh karan v nivaran, vastu evan bagvani, vrikshon v paudhon se vastu labh kaise len, vastu mantra, vastu shastra evan dharm, vastushastra men shakun evan apshkun, labhdayak vastu samagri, kristal ki upyogita, faladesh men ankshastra ki bhumika, paithagoriyan ank jyotish, vastu ke anusar shekshanik sansthan, havan pradushan men kami lata hai, man tripur sundri ka chamatkari shaktipith, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.