ऊपरी बाधा और ज्योतिषीय ग्रहयोग

upri badha aur jyotishiya grahyog  

Ank ke aur Lekh | Sambandhit Lekh | Views : 3784 |  
upri badha aur jyotishiya grahyog pratyek rog ke saman hi pret badha bhi akaran nahin hoti. vastutah ye antrik aur bahri karan jivan men anek rupon men vyakt hote hain aur samuchit jyotishiya yogon dvara vyakti ke pret-badha se grast hone ke bare men jana ja sakta hai. aiye janen, aise jyotishiya yogon ke bare men. pretbadha ke suchak jyotishiya yog is prakar hain - nich rashi men sthit rahu ke sath lagnesh ho tatha surya, shani v ashtamesh se drisht ho. pancham bhav men surya tatha shani ho, nirbal chandrama saptam bhav men ho tatha brihaspati barhven bhav men ho. janm samay chandragrahan ho aur lagn, pancham tatha navam bhav men pap grah hon to janmakal se hi pishach badha ka bhay hota hai. shashth bhav men pap grahon se yukt ya drisht rahu tatha ketu ki sthiti bhi paishachik badha utpann karti hai. lagn men shani, rahu ki yuti ho athva donon men se koi bhi ek grah sthit ho athva lagnasth rahu par shani ki drishti ho. lagnasth ketu par kai pap grahon ki drishti ho. nirbal chandrama shani ke sath ashtam men ho to pishach, bhut-pret, mashan adi ka bhay. nirbal chandrama shashth athva barhven bhav men mangal, rahu ya ketu ke sath ho to bhi pishach bhay. char rashi (mesh, kark, tula, makr) ke lagn par yadi shashthesh ki drishti ho. ekadash bhav men mangal ho tatha navam bhav men sthir rashi (vrish, sinh, vrishchik, kunbh) aur saptam bhav men dvisvabhav rashi (mithun, kanya, dhanu, min) ho. lagn bhav mangal se drisht ho tatha shashthesh, dasham, saptam ya lagn bhav men sthit hon. mangal yadi lagnesh ke sath kendra ya lagn bhav men sthit ho tatha chathe bhav ka svami lagnasth ho. papagrahon se yukt ya drisht ketu lagnagat ho. shani, rahu, ketu ya mangal men se koi bhi ek grah saptam sthan men ho. jab lagn men chandrama ke sath rahu ho aur trikon bhavon men krur grah hon. ashtam bhav men shani ke sath nirbal chandrama sthit ho. rahu, shani se yukt hokar lagn men sthit ho. lagnesh evan rahu apni nich rashi ka hokar ashtam bhav ya ashtamesh se sanbandh kare. rahu nich rashi ka hokar ashtam bhav men ho tatha lagnesh, shani ke sath dvadash bhav men sthit ho. dvitiya men rahu, dvadash men shani, shashth men chandra tatha lagnesh bhi ashubh bhavon men ho. chandrama tatha rahu donon hi nich rashi ke hokar ashtam bhav men ho. chaturth bhav men uchch ka rahu ho, vakri mangal dvadash bhav men ho tatha amavasya tithi ka janm ho. nichasth surya ke sath ketu ho tatha us par shani ki drishti ho tatha lagnesh bhi nich rashi ka ho. jin jatkon ki kundali men uprokt yog hon, unhen vishesh savdhnipurvak rahna chahie tatha sanymit jivan shaili ka ashray grahan karna chahie. jin bahya paristhitiyon ke karan pret badha ka prakop hota hai unse vishesh rup se bachen. jatak ko pretbadha se mukt rakhne men adholikhit upay bhi sahayak siddh ho sakte hain - sharirik shuchita ke sath-sath mansik pavitrata ka bhi dhyan rakhen. nitya hanuman chalisa tatha bajrang ban ka path karen. manglvar ka vrat rakhen tatha sundrkand ka path karen. pukhraj ratn se pretatmaen dur bhagti hain, atah pukhraj ratn dharan karen. ghar men nitya shankh bajaen. nitya gayatri mantran ki ek mala ka jap karen. ramchritmanas ki chaipai - ‘‘mambhirakshay raghukulnayak. dhrit var chap ruchir kar sayak..’’ athva ‘‘pranvaun pavan kumar khalabal pavak gyan dhan. jasu hriday agar bashin ram sarchap dhar..’’ se havan samagri ki 108 ahutiyan dekar ise siddh kar len aur avashyakta parne par tin bar parhen, sabhi prakar ki buri atmaon se raksha hoti hai. raksha-sutra avashya dharan karen.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.