पितृ दोष रहस्य: लक्षण एवं शमन

pitri dosh rahasya: lakshan evan shamn  

Ank ke aur Lekh | Sambandhit Lekh | Views : 12672 |  
pitri dosh rahasya: lakshan evan shaman manoj kumar shukla jivan ke vibhinn ghatnakramon ko pitri dosh ka lakshan manakar uske mul rahasya ko samjha ja sakta hai aur tadnurup grah upchar ke dvara us dosh ka samuchit shaman aur nivaran kiya ja sakta hai. vidhi-vidhan ke vistar ke lie, bhartiya jyotish men surya ko pita ka karak v mangal ko rakt ka karak mana gaya hai. atah jab janmakundli men surya ya mangal, pap prabhav men hote hain to pitridosh ka nirman hata hai. pitri dosh vali kundli men samjha jata hai ki jatak apne purva janm men bhi pitridosh se yukt tha. prarabdhavash vartaman samay men bhi jatak pitridosh se yukt hai. yadi samay rahte, is dosh ka nivaran kar liya jaye to pitri dosh se mukti mil sakti hai. pitri dosh vale jatak ke jivan men samanyatah nimn prakar ki ghatnaen ya lakshan dikhayi de sakte hanai. pitri dosh vale jatak krodhi svabhav vale hote hain. yadi rajkiya seva men karyarat hain to unhen apne adhikariyon ke kop ka samna karna parta hai. mansik vyatha ka samna karna parta hai. pita se achcha talmel nahin baith pata. jivan men kisi akasmik nuksan ya durghatana ke shikar hote hain. û jivan ke antim samay men, jatak ka pita bimar rahta hai ya svayan ko aisi bimari hoti hai jiska pata nahin chal pata. û vivah v shiksha men badhaon ke sath vaivahik jivan asthir-sa bana rahta hai. vansh-vriddhi men avrodh dikhayi parte hain. garbhapat ki sthiti paida hoti hain. atmabal men kami rahti hai. svayan nirnay lene men pareshani hoti hai. vastutah logon se adhik salah leni parti hai. pariksha evan sakshatkar men asflta milti hai. pitri dosh ka mul rahasya: jyotish men purva janm ke karmon ke falasvarup, vartaman samay men kundli men varnit grah disha pradan karte hain. tabhi to hamare dharmashastra sakaratmak karmon ko mahatva dete hain. yadi hamare karm achche hote hain to agle janm men grah sakaratmak parinam dete hain. isi kram men pitridosh ka bhi nirman hota hai. yadi ham is janm men pita ki hatya, pita ka apman, bare bujurgon ka apman adi karte hain to agle janm men nishchit taur par hamari kundli men ‘pitridosh a jata hai. kaha jata hai ki pitridosh vale jatak se purvaj dukhi rahte hain. kaise janen ki kundli men pitridosh hai ya nahin kundli men pitridosh ka srijan do grahon surya v mangal ke pirit hone se hota hai kyonki surya ka sanbandh pita se v mangal ka sanbandh rakt se hota hai. surya ke lie pap grah shani, rahu v ketu mane gae hain. atah jab surya ka in grahon ke sath drishti ya yuti sanbandh ho to suryakrit pitridosh ka nirman hota hai. isi prakar mangal yadi rahu ya ketu ke sath ho ya inse drisht ho to manglkrit pitri dosh ka nirman hota hai. samanyatah yah dekha jata hai ki suryakrit pitridosh hone se jatak ke apne parivar ya kutunb men apne se bare vyaktiyon se vichar nahin milte. vahin manglkrit pitridosh hone se jatak ke apne parivar ya kutunb men apne chote vyaktiyon se vichar nahin milte. surya v mangal ki rahu se yuti atyant visham sthiti paida kar deti hai kyonki rahu ek prithktakari grah hai tatha surya v mangal ko unke karkon se prithak kar deta hai. suryakrit pitridosh nivaran 1. shuklapaksh ke pratham ravivar ke din, ghar men vidhi-vidhan se ‘suryayantra’ sthapit karen. surya ko nitya tanbe ke patra men jal lekar aghrya den. jal men koi lal pushp, chaval v roli avashya mishrit kar len. jab ghar se bahar jaen to yantra darshan jarur karen. 2. nimn mantra ka ek mala, nitya jap karen. dhyan rahe apka mukh purva disha men ho. .. un adityay vidmahe, prabhakray, dhimhi tanno suryah prachodyat.. 3. jyeshth shukla paksh ke pratham ravivar se praranbh kar kam se kam 12 v adhik se adhik 30 ravivar vrat rakhen. suryast ke purva gehun, gur, ghi adi se bani koi samagri kha kar vratpurn karen. vrat ke din ‘surya stotra’ ka path bhi karen. 4. lagnanusar sone ya tanbe men 5 ratti ke upar ka manikya ravivar ke din vidhi-vidhan se dharan kar len. 5. panch mukhi rudraksh dharan karen. tatha nitya dvadash jyotirlingon ke namon ka smaran karen. 6. pita ka apman n karen. bare bujurgon ko samman den. 7. ravivar ke din gay ko genhu v gur khilaen. svayan ghar se bahar jate samay gur khakar nikla karen. 8. dudh men shahad milakar piya karen. 9. sadaiv lal rang ka rumal apne pas avashya rakhen. manglkrit pitridosh nivarn: 1. shuklapaksh ke pratham manglvar ke din ghar men mangal yantra, purn vidhi-vidhan se sthapit karen. jab ghar ke bahar jaen to yantra darshan avashya karke jaen. 2. nitya pratah kal ugte hue surya ko aghrya den. 3. nitya ek mala jap, nimn mantra ka karen. .. un angarkay vidmahe, shaktihastay, dhimhi tanno bhaumah prachodyat.. 4. shuklapaksh ke pratham manglvar se aranbh karke 11 manglvar vrat karen. hanuman ji v shivji ki upasna karen. jamin par soyen. 5. manglvar ke din 5 ratti se adhik vajan ka munga, sone ya tanbe men vidhi-vidhan se dharan karen. 6. tinmukhi rudraksh dharan karen tatha nitya pratahkal dva adash jyotirlingon ke namon ka smaran karen. 7. bahnon ka bhulakar bhi apman n karen. 8. lalmukh vale bandron ko gur v chana khilaen. 9. jab bhi avasar mile, raktadan avashya karen. 10. 100 gram masur ki dal jal men pravahit kar den. 11. suar ko masur ki dal v machliyon ko ate ki goliyan khilaya karen. vishesh: ho sakta hai ki kundli men surya v manglkrit donon hi pitridosh ho. yah sthiti atyant ghatak ho sakti hai. yadi aisi sthiti hai to jivan men kathinaiyon ka samna karna parta hai. surya, mangal, rahu ki yuti vishesh rup se kashtakari ho sakti hai. atah anishtakari prabhavon se bachne ke lie nimn upay karne chahie. 1. shukla paksh ke pratham shanivar ko sayan kal pani vala nariyal apne upar se 7 bar usar kar, tivra pravah vale jal men pravahit kar den tatha pitron se ashirvad ka nivedan karen. 2. ashtamukhi rudraksh dharan karen. ghar men 21 mor ke pankh avashya rakhen tatha shivling par jalmishrit dudh arpit karen. prayog anubhut hai, avashya labh milega. 3. jab rahu ki mahadsha ya antardasha chal rahi ho to kanbal ka prayog katai n karen. 4. safaikarmi ko dan-dakshina de diya karen. uprokt prayog purn shraddha, lagan v vishvas ke sath karne par pitridosh ke dushprabhavon ka shaman hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.