सम्मोहन उपचार

sammohan upchar  

Ank ke aur Lekh | Sambandhit Lekh | Views : 4615 |  
sammohan upchar pichle ank men hamne paira sammohan ke ek vishay past laif rigreshan thiraipi se sanbandhit kuch prashnon ko shamil kiya tha. is ank men isi vishay ke vibhinn pahluon se sanbandhit kuch aur prashnon ko samil kiya ja raha hai jo ki kai vyaktiyon ke jivan men kabhi n kabhi prabhav dalte hain. prashna: atma kise kahte hain? uÿar: yah kahabat ka mudda ho sakta hai. kuch logon ka manna hai ki atma matra ek dharmik vishvas ki ek manyata hai jabki kuch anya log ise ek vastavikta ke rup men dekhte hain. is duniya men hone vali har kriya ya paye jane vale sabhi padarthon ko do bhagon men banta ja sakta hai bhautik padarth jo ki ek bhautik adhar par milte hain tatha abhautik urja jo ki ek prakar ki shakti ke adhar par anubhav ki ja sakti hai. agar ham apne sharir ko dekhen to hamara sharir panchbhuton se bana ek pind hai jo mrityu ke samay vikhan idat hokar alg-alag tatvon men vilin ho jata hai. hamare sharir ke sath jivan urja juri rahti hai jiske karan ye panchon tatva vikhandit nahin hote. is jivan urja ko hi atma kahte hain. jise aur kai namon se jana jata hai. prashna: kya atma hamare sharir ka ek ang hai? uÿar: hamara sharir ek bhautik padarth hai lekin atma ka koi bhautik svarup nahin hai atah yah hamare sharir ka ang nahin hai balki yah sharir ko chalayman rakhne vali abhautik urja hai. yah bhi kaha jata hai urja to do padarthon ki prakriya ka ek natija matra hai. is adhar par yah sharir ke ek ang ki bhanti lagti hai. lekin yah tathya tark sangat nahin lagta. abhi tak hajaron hi nahin, balki lakhon anubhav rikaerd kiye ja chuke hain jo atma aur sharir ke alg-alag hone par bal dete hain. inhen aut aef baedi anubhav kahte hain. hamare anekon log abhi bhi vidyaman hain jinhonne gahan dhyan ki avastha men ya bahut sakht bimari ki avastha men apne apko apne sharir se alag hone ka anubhav kiya hai anyatha ham apne apko khud kaise dekh sakte hain. prashna: bhut-pret kya hote hain? uÿar: bhut-pret ki vyakhya do prakar se ki jati hai. kuch log bhut ko mahaj man ki kalpana kahte hain. hamare man men kalpanik anubhav paida karne ki shakti hoti hai. atah ham apni jankari ke adhar par kalpanik anubhav karna shuru kar dete hain. jaise matyu ke bad kisi mrit vyakti ko dekhna, kisi devi-devta ko dekhna, apne sharir men kisi bahri urja ka anubhav karna ityadi. ye sabhi anubhav vyakti apni sanskriti ke adhar par karta hai. dusra mat isse bhinn hai. agar bhagvan v atma ka koi vajud hai to bhut-pret ka bhi ek vajud hai. bhut shabd ka arth hai jo chala gaya arthat vah atma jo ek sharir ka anubhav kar chuki hai, lekin ab ek sharir uske pas nahin hai. apni kuch ichchaon ka anubhav karne ke lie vah kisi dusre sharir men pravesh kar jati hai tatha us vyakti ke vyavhar ko prabhavit karti hai. yahan tak ki vah vyakti kabhi-kabhi anjan bhasha ka prayog bhi karta hai. islie kahte hain ki vyakti ki mrityu ke pashchat usse adhik lagav nahin dikhai dena chahie taki uski atma vahan se chali jayen. prashna: kya ye atma har kisi ke sharir men a sakti hain? uÿar: nahin, har vyakti ke sharir mane bilkul nahin. yah keval unhin vyaktiyon ke sharir men a sakti hain jinka abhamandal khandit ho. kuch vishesh parasthitiyon men abhamandal khan idat ho jata hai. tabhi us sharir ka dusri atma bhi prayog kar sakti hai. atah hamen apni bhavnaon aur ichchaon ko niyantrit rakhna chahie. hamare andar svayan kafi shakti hoti hai jo hamen khud hi bagair kisi aur ki madad se kisi bhi bahya urja se bachakar rakhti hai. svayan par bharosa karna chahie. prashna: ek sharir men do atmaen kaise rah sakti hain? uÿar: atma keval ek ehsas hai, ek urja matra hai, yah koi bhautik padarth nahin hai jisko rahne ke lie bhautik sthan ki avashyakta pare. dusri atma ka sharir men jurne par sharir ke ayam par koi fark nahin parta hai. prashna: kya bhut-pret se chutkara pane men sammohan ek madad kar sakta hai? uÿar: sammohan ka purn adhar man hi hai. man ka sanbandh atma se hai. sammohit vyakti apne avchetan man ki shakti se jur jata hai. atah sammohan ke prayog se is samasya se chutkara paya ja sakta hai chahe vyakti bhut-pret men vishvas karta ho ya ise matra man ka bhram manta ho, donon hi dashaon men sammohan ke prayog se ismen madad milti hai. prashna: kya is prakar ke rogi ko koi dava ya mantra diya jata hai? uÿar: sammohan man ki shakti ka prayog karke upchar karta hai. ismen kisi bhi prakar ki koi davai nahin di jati n hi kisi tantra, mantra ya yantra ka prayog kiya jata hai n koi dhaga, tabij ya mala di jati hai. hamara man svayan hi is prakar ke rogon aur adton ko ek vidhi ka prayog karke thik kar leta hai. prashna: kya rogi ko koi poshak ya khan-pan par vishesh dhyan rakhna hota hai? uÿar: nahin, is prakar ki koi pabandi ki avashyakta nahin hai. ap apne man-mutabik vastra v bhojan ka prayog kar sakte hain jo ki apke svasthya svabhav v paristhiti ke anukul ho. man ka karya keval man karta hai koi vastra ya bhojan nahin. prashna: is bimari (bhut-pret) ka kis prakar pata chalta hai? uÿar: jo bhi vyakti bahri urja ya atma ya bhut-pret dvara prabhavit hota hai uske vyavhar men asmanya lakshan a jate hain jaise sharir men dard hona, kuch-kuch aise karya karna jo svabhav ke anusar n ho jaise khana-pina, bolna, gussa ya pyar karna, chakkar ana, kuch-kuch bolna ya bakna, vyavhar men vibhinnataen ana ityadi. in sab lakshanon ke atirikt kabhi-kabhi mahsus hona jaise koi alag prakar ka prabhav ya asar sharir par par raha ho. kabhi lage, jaise koi aur maujud hai vah dikhai bhi de sakta hai, avaj bhi sunai de sakti hai. is prakar anekon lakshan ho sakte hain lekin apni janch karane par koi bimari nahin milti. anubhav ke adhar par main kahna chahunga ki aisa kuch hone par bhi avashyak nahin hai ki vah kisi bahri shakti ke karan hi ho. vah adhikatar logon men man dvara kiya gaya prabhav hota hai. lekin donon paristhitiyon men sammohan ise thik karne men sahayak hai. prashna: kya dur baithe sammohan se yah thik kiya ja sakta hai? uÿar: sammohan ke lie donon vyaktiyon (sammohan v rogi) ki apki batchit aur maujudgi avashyak hai. batchit, fon par bhi ho sakti hain lekin yah fon ke madhyam se karana uchit nahin hai kyonki vyakti jab sammohan ki dasha men jata hai to uske man ke bhav prakat hone lagte hain. agar us par vastavik ya mannirmit aisa prabhav hai to uske vyavhar men kai bhautik kriyaen bhi dekhne ko mil sakti hain jaise chillana, galiyan dena, hath pair marna adi. aisi halat men fon par niyantrit karna kathin ho sakta hai. atah svayan jakar hi is ka ilaj karvana chahie. in sabhi kriyaon aur pratikriyaan ko bare aram se thik kiya ja sakta hai. prashna: kya sammohak par is dauran ya bad men koi kuprabhav parta hai? uÿar: nahin, sammohak par iska koi dushprabhav nahin parta hai. jis prakar kisi bimari ka ilaj karte samay daektar surakshit rahta hai. han, apni suraksha ka vah dhyan rakhta hai. isi prakar sammohan ka upcharak bhi surakshit vidhiyon ka prayog karta hai. jis prakar anekon bimriyan sirf aur sirf man ke bhram matra se paida hoti hai, thik usi prakar yah bhi matra ek bhram hai ki upchar karne se vyakti svayan bimar ho jata hai. jis prakar vastra dhote samay apke hath bhi dhul jate hain ve gande nahin hote. thik usi prakar upchar karte samay svayan ko bhi shakti milti hai bimari nahin. sammohak to ek margadarshak ka karya karta hai sara ka sara karya to rogi ke man ki shakti karti hai. sammohan manovigyan ki anya kriyaon ya paddh tiyon ki tarah ek surakshit paddhati hai. prashna: kya bahri urja ya bhut-pret ke upchar karne ki vidhi ko sikha ja sakta hai? yah kitna kathin hai? uÿar: yah bhi sammohan ke upchar ke anya dhangon ki tarah hi ek prakriya hai jiska sanbandh paira- sammohan se hai. ise bari asani se sikha ja sakta hai lekin yah kai bar kafi lanbi prakriya ho sakti hai atah sammohan ka gahan gyan hona avashyak hai. man jo bhi bana sakta hai usko sudharne ki shakti rakhta hai. uske lie uchit vidhiyon ka prayog hona chahie.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.