ऊपरी बाधा निवारण एवं पंचमुखी हनुमान उपासना

upri badha nivaran evan panchmukhi hanuman upasna  

Ank ke aur Lekh | Sambandhit Lekh | Views : 8416 |  
upri badha nivaran evan panchmukhi hanuman upasna upri badha kya, kyon aur kab? kya?ah jivan jitna satya hai, utni hi mrityu bhi aur utna hi satya hai mrityu ke bad ka jivan. bhartiya chintan dhara ke mul sroton jaise ved, upnishad, mahabharat adi men is vishay par bari hi vistrit charcha ki gai hai. manushya mrityuparyant akankshaon ke piche bhagta rahta hai aur mrityu ke bad inhin adhuri ichchaon ke karan vah pretyoni ko prapt hota hai. manav ki mrityu ke bad sukshm sharir ka is parthiv sharir se algav ho jata hai. shastron men kaha gaya hai ki sukshm sharir nirashray nahin rah sakta- ‘n tishthati nirashrayan lingam’’ atah agla sthul sharir prapt karne tak vah sukshm sharir apni vasnaon ke anusar pret sharir ko grahan kar leta hai. inhin pret shariron dvara yada-kada manushya ko aveshit kar lene ke karan vikat paristhiti utpann ho jati hai aur yahi ghatna pretbadha ke nam se jani jati hai. aisa nahin hai ki keval pretatmaon ke dvara hi manushyon ko kasht pahunchaya jata hai. kabhi-kabhi vibhinn dev yoniyan jaise dev, yaksh, kinnar, gandharva, nagadi bhi kupit hokar kashtakarak ho jate hain. vyakti ke sharir ke tapman men atyadhik vriddhi, unmad ki avastha, sharir ke vajan men adhik vriddhi ya kami adi anek aise sanket hain jinse upri badha ka prakop prakat ho jata hai. kyon?: ek bat to spasht hi hai ki durbal, rogi, katar (darpok), atmabal se hin tatha kamjor ichchashakti vale logon par yah upri badh prabhav adhik hota hua dekha gaya hai. kabhi-kabhi dusht tantrikon dvara bhi dhan ke lalach men akar nikrisht pretatmaon dvara manushya ko pretbadha se pirit karne ka dushkarm kiya jata hai. tirth sthalon tatha siddh pithon par apvitra acharan ke karan bhi vahan upasthit divyatmaen krodhit hokar kabhi-kabhi kasht pahunchane lagti hain. kab?: pretatmaon ka avesh vishesh rup se dopahar, sayankal tatha madhyaratri ke samay hota hai. nirjan sthan, shmashan, lanbe samay se khali pare ghar adi bhi preton ke vasasthan mane gae hain islie yahan jane se bachen. striyon ko bal khule rakhne se bachna chahie vishesh rup se sayankal men. chote bachchon ke akele rahne par bhi preton ka avesh ho jata hai. upri badha nivarn: jahan tak upri badha ke nivaran ka prashn hai hanuman ji ki upasna is samasya se mukti ke lie atyant shreshth mani gai hai. prasiddh hi hai - ‘‘bhut pishach nikat nahin avai. mahavir jab nam sunavai.’’ bhut-pret-pishach adi nikrisht ashriri atmaon se mukti ke upayon par jab ham drishtipat karte hain to pate hain inse sanbandhit mantron ka ek bara bhag hanuman ji ko hi samarpit hai. upri badha dur karne vale shabar mantron se lekar vaidik mantron men hanuman ji ka nam bar-bar ata hai. vaise to hanuman ji ke kai rupon ka varnan tantrashastra men milta hai jaise - ekmukhi hanuman, panchmukhi hanuman, saptamukhi hanuman tatha ekadshmukhi hanuman. parantu upri badha nivaran ki drishti se panchmukhi hanuman ki upasna chamatkarik aur shighrafldayak mani gai hai. panchmukhi hanuman ji ke svarup men vanar, sinh, garur, varah tatha ashva mukh sammilit hain aur inse ye panchon mukh tantrashastra ki samast kriyaon yatha maran, mohan, uchchatan, vashikaran adi ke sath-sath sabhi prakar ki upri badhaon ko dur karne men siddh mane gae hain. kisi bhi prakar ki upri badha hone ki shanka hone par panchmukhi hanuman yantra tatha panchmukhi hanuman laeket ko pranapratishthit kar dharan karne se samasya se shighra hi mukti mil jati hai. pran-pratishtha: panchmukhi hanuman ji ki pratima ya chitra, yantra tatha laeket ka panchopchar pujan karen tatha uske bad samuchit vidhi dvara uprokt samagri ko pranapratishthit kar len. pranapratishthit yantra ko pujan sthan par rakhen tatha laeket ko dharan karen. uprokt anushthan ko kisi bhi manglvar ke din kiya ja sakta hai. uprokt vidhi apne chamatkarpurn prabhav tatha achukta ke lie tantrashastra men dirghakal se pratishthit hai. shraddhapurvak kiya gaya uprokt anushthan har prakar ki upri badha se mukti pradan karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.