ऐतिहासिक शैव तीर्थ श्री कोचेश्वर नाथ

aitihasik shaiv tirth shri kocheshvar nath  

Ank ke aur Lekh | Sambandhit Lekh | Views : 1871 |  
aitihasik shaiv tirth shri kocheshvar nath sanskritik virasat ke rup men mandir vah amulya dharohar hai jo kisi desh, samuday athva aitihasik kal ki vishisht pahchan banata hai aur use gaurav pradan karta hai. vaise to sampurn magadh pradesh men ek se barhakar ek khyatnama shiv mandir ki upasthiti darj hai par inmen magadh ki sanskritik, dharmik aur aitihasik parampara ke lie konch ke kocheshvar mahadev mandir ka apna alag sthan hai. jankari milti hai ki yah mandir prachyakal se shiv pujan kendra ke rup men janmanas ke bich kitne hi sampradayon khasakar shaiv v bauddh ka ‘adarsh samanvay sthala’ raha hai. yah mandir bihar ki rajdhani patna se 125 ki.mi. dur tatha gaya jile ke mukhyalay se 31 ki.miuÿar- pashchim kon par sthit hai. is mandir ki sabse bari khasiyat iski nirman paddhati hai jo inton se bane prachin bharat ke purane v sahi salamat mandiron men ek magadh ka pratinidhitva karta hai. itihas ke adhyayan aur anushilan se jankari milti hai ki uÿar guptakal ke bad kisi prantiya raja ne is mandir ki sthapna ki par iska vastavik uddhar adi shankracharya ke agaman ke bad shuru hua. adi shankracharya ne yahan dhai-fit ka vishal shivling vaidik mantrodhar ke sath sthapit kiya jise aj bhi dekha ja sakta hai. kuch sanket aise bhi mile hain ki pahle yahan buddhamurti thi jiske purn vikhandan ke bad naye shivling ki sthapna ki gayi. bhagvan buddh ke magdhdeshiya sthalon men ganya konch ke bare men yah spasht hota hai ki yahan tathagat ka agaman bhi hua tha. is karan sanbhav hai ki pahle yahan buddh pujan kenndra raha hoga. sthan-sthan par upalabdh boddh falak, manauti stup v vividh mudradhari tathagat ke vigrah se iski pushti hoti hai par dae. pi.si. ray chaidhri ke matanusar is mandir ka nirman raja bhairvendra ne 1420 i. ke as-pas karaya. gyatavya hai ki dev rajvanshi isi raja ne umga (aurangabad) men surya mandir ka nirman karaya tha. bad men lavagarh vijay ki khushi men tikari raja ke taraf se bhi is mandir ka saj-shranrigar karaya gaya. aitihasik mahaÿv ke is mandir ki prasiddhi sampurn desh men tab hui jab bukanan haimiltan ne apni yatra ke bad riport ka prakashan karvaya. 1811-1812 men bukanan ne n sirf kanch varan as-pas ke purasthalon ka bhi daura kiya aur konch ke kocheshvar ko aitihasik devalay ke rup men rekhakint kiya. age 1846 men mejar kitto, 1866 men pepe ki riport ke bad begalar v alekjendar kanidhanm ne yahan ki yatra kar ise bharpur sanbhavna vala aitihasik sthal bataya. 1903 men buch mahoday ne yahan padharakar kitne hi ansuljhe tathyon ko spasht kiya. ajadi ke bad bharat sarkar ke puratatva vibhag ke dvara iska adhigrahan kar ise har sanbhav suraksha v sanraksha pradan ki gayi. is mandir ke uddhar men konch sanskritik chetna samiti ka vishesh yogdan raha. age ke samay men puratatva vibhag ke taraf se iska navashrringar kiya gaya hai aur iske parisar men hi charon taraf is kshetra se prapt beshkimti purva vigrahon ko rakh diya gaya hai. 52 mandir v 52 talab ki nagri konch bas stend se karib ek kilomitar duri tay kar konchdih men bane is mandir ka darshan kiya ja sakta hai jo chah fit unche pletfarm par bana 99 fit uncha hai aur isi se jura 32 fit ka vishal sabhabhavan hai jismen umashankar, ganesh, kartikey, budh, kuber, vishnu, bhairav, saptamatrika adi milakar kul 25 murti dekhin ja sakti hain jimen dashavtar ka falak pura jagat ka nayab namuna hai. is mandir ke nirman men prayukt tin tarah ki int is bat ka praman hain ki iska kam se kam tin bar navauddhar kiya gaya. bauddh aur shiv mandir shikhar ka mishrit rup lie yahan ka mandir sapt rekhiya prakar ka hai jise kai vyakti urisa shaili ke mandiron ki anukriti batate hain. aise mahabodhi mandir, dev surya mandir aur umga mandir ki bhanti iska bahya shikhar bhi alankrnyukt hai. konch men is mandir ke thik samne hi ek vishal sarovar hai aur bas stend se yahan tak ane ke marg men shrivishnu mandir, piche ke sthan men vishalagarh, sahasra shiv mandir, devi sthan, brahmasthan v akbri mahadev adi ke darshan se spasht hota hai ki kisi jamane men yah pura ka pura kshetra surya nirman ka vishisht kendra raha hai. shrivishnu mandir parisar men bhi do aise sutra shilp hain jo purajagat ke bemisalkriti kahe ja sakte hain. gat varsh bihar virasat sanrakshan samiti ka jattha jab kocheshvar aya tab iski puri mahÿaa punah ek bar pracharit hui yah is mandir ki vishishtata ka hi suprabhav hai ki yahan prakhyat yayavar rahul ji bhi ae hain. sachmuch magadh ke prachya gaurojjaval shiv mandiron men konch ke baba kocheshvar nath ka sunam hai jo magadh ke nau nathon men ganya hai aur prachin bhartiya devalyon men kocheshvar mandir bhi panktey hai.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.