मुहूर्त में बाधक योगों का निवारण

muhurt men badhak yogon ka nivarn  

Ank ke aur Lekh | Sambandhit Lekh | Views : 2217 |  
muhurt men badhak yogon ka nivaran dae. tipu sultan ‘faij’ bhartiya jyotish men kuch aise yogon ka ullekh hai jo muhurt nirdharan men badha pahunchate hain. inhen badhak yog ki sangya di gai hai. yahan kuch pramukh badhak yogon ke nivaran ke upayon ka sankshipt parichay prastut hai jinhen apna kar in yogon ke prabhav ko kam ya nirmul kiya ja sakta hai. dvipushkar evan tripushkar yog badhak hain. in yogon ke doshon ki nivritti hetu kramshah do aur tin gayon ya unke mulyon ki rashiyon ka dan karen. yadi is yog men kisi kanya ka janm hua ho, to dvipushkar dosh ke anusar mitti ke do v tripushkar dosh ke anusar tin putle banakar unhen 9 dinon tak kanya ke sath jhule men jhulaen aur dasven din pratah brahm muhurt men un putlon ko bahte jal men pravahit kar den. yadi badhak yog ya kisi bhi prakar ka shul ho aur karya karna ati anivarya ho, to us karya ka sanpadan suryast se solah minat purva v chaibis minat bad ke godhuli kal men karen. is kal men nakshatra, tithi, karan, lagn adi doshon ka prabhav nahin rahta hai. var ya kanya mangli ho, to kadli vivah sanskar ke anusar pahle prabhavit kanya ya var ka kele ke tane ke sath vivah karen, fir donon ka vivah karen. iske atirikt shastron men is yog ki nivritti hetu ghat-vivah ki vyavastha bhi hai. ravivar ko pan khakar, somvar ko aine men munh dekhakar, manglvar ko gur, budhvar ko sabut dhaniya, guruvar ko jira, shukravar ko dahi aur shanivar ko kali mirch khakar ghar se prasthan karen, ashubh prabhavon se raksha hogi tatha karya safal honge.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.