हाथ बताए धन की बात

hath batae dhan ki bat  

Ank ke aur Lekh | Sambandhit Lekh | Views : 3259 |  
hath batae dhan ki bat bharti anand hathon men utpann doshon ka abhas hote hi man men ek vichitra tasvir ubhar ati hai. kya yah sanbhav hai ki kisi karya ki jankari pahle se hi mil jae? ki amuk kam men labh hoga ya hani? yadi jivan ke vibhinn mahatvapurn pahluon ki jankari pahle se hi ho jae, to vyakti kai prakar ki haniyon se bach sakta hai. udaharanasvarup yadi kisi vyakti ko nae vyapar men hani ka sanket ho, to use vah vyapar puri tarah soch vichar kar puri savdhani bartte hue karna chahie taki jivan men dhan adi ke kshetra men hani ka munh nahin dekhna pare. dhan ki sthiti ka pata hath men sthit vibhinn rekhaon, grahon adi ke vishleshan se chal sakta hai. yahan rekhaon, grahon adi ki kis sthiti men dhan ki sthiti kaisi rahegi iska sankshipt vishleshan prastut hai. yadi bhagya rekha moti se patli ho, to naya vyapar aranbh karne se vyakti ki dhan ki sthati pahle ki tulna men achchi ho jati hai. yadi hath hamen mangal v shani grah pratikul hon, ya unki dasha thik nahin chal rahi ho, to yah hath ka ek ganbhir dosh hai. is dosh ke falasvarup dhan ki sthiti atyant kharab hoti hai. jivan rekha men ae dosh manushya ke vyapar men hani v dhan ke sukh men kami kar dete hain. rahu ke ashubh hone se vyakti kai bar karjadar bhi ho jata hai. jivan v mastishk rekhaon ka jor lanba ho, bhagya rekha men dvip ho v bhagya rekha hriday rekha par yadi moti hokar rukti ho, to dhan ki hani hoti hai. aisa aksar nae vyapar ya sajhidari ki vajah se hota hai. bhagya rekha jivan rekha ke sath ho, jivan rekha sidhi ho, mangal kshetra par kai rekhaen hon, to dhan ki sthiti atyant kharab hoti hai. bhagya rekha mastishk rekha par ruki ho, donon ka jor lanba ho, mangal kshetra par ek se adhik rekhaen hon, aur aisi sthiti men lakshmi ka agaman ho, to kai samasyaen bhi ati hain jinhen suljhane men sara dhan kharch ho jata hai. is tarah hatheli ke vibhinn lakshanon ke vishleshan se dhan agaman ke marg men ane vali badhaon ki purva jankari prapt ki ja sakti hai aur mantra jap, tap, yantra puja adi ke dvara unse bacha ja sakta hai. ek bat smaran rakhne ki hai ki bhagya men kuch chijen der se likhi hoti hain aur vibhinn upayon ke dvara bhagya ko badla ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.