मुहूर्त क्या है इसकी उपयोगिता

muhurt kya hai iski upyogita  

Ank ke aur Lekh | Sambandhit Lekh | Views : 2490 |  
muhurta: kya hai iski upyogita pan. kishor ghildiyal ek pauranik katha ke anusar mana jata hai ki panch pandvon men sahdev muhurt shastra ke gyata the. mahabharat ke yuddh se pahle svayan duryodhan maharaj dhritrashtra ke kahne par yuddh men kaurvon ki vijay hetu shubh muhurt niklvane sahdev ke pas gae aur sahdev ne unhen shubh muhurt bataya. is bat ka pata jab bhagvan krishn ko chala tab unhonne is muhurt ko talne hetu v pandvon ki vijay ke muhurt hetu arjun ko moh se mukt karne ke lie updesh diya tha. in sare tathyon ka ullekh shrimadbhagavat gita men milta hai. atharvaved men shubh muhurt men karya aranbh karne ka nirdesh hai taki manav jivan ke sabhi pakshon par shubhta ka adhikadhik prabhav par sake. acharya varahmihir bhi iski anushansa karte hain. muhurt ke sandarbh men ramchritmanas men ek sthan par ullekh hai ki yuddh ke pashchat jab ravan marnasann avastha men tha tab shriram ne lakshman ko usse tithi v muhurt gyan ki shiksha lene bheja tha. is katha se bhi muhurt arthat shubh pal ke mahatva ka pata chalta hai. muhurt ka vichar adi kal se hi hota aya hai. hamare shastron men bhi aise kai udaharan bhare pare hain janse is tathya ka pata chalta hai. shrikrishn ka kans ke vadh hetu uchit samay ki pratiksha karna adi is tathya ko pusht karte hain. aj ke is vaigyanik yug men bhi vaigyanik kisi parikshan hetu uchit samay ka intjar karte hain. rajneta chunav ke samay namankan ke lie muhurt niklvate hain. in sare tathyon se muhurt ki upyogita ka pata chalta hai. yahan ek tathya spasht kar dena uchit hai ki lagn ki shuddhi ati mahatvapurn aur avashyak hai. isse karya ki saflta ki sanbhavna 1000 guna barh jati hai. muhurt vichar men tithiyon, nakshatron, varon adi ke falon ka matravar vivaran sarni men prastut hai. aksar prashn pucha jata hai ki kya shubh muhart men karyaranbh kar bhagya badla ja sakta hai? yahan yah spasht kar dena avashyak hai ki aisa sanbhav nahin hai. ham jante hain ki guru vashishth ne bhagvan ram ke rajtilak ke lie shubh muhurt ka chayan kiya tha, kintu unka rajtilak nahin ho paya. tatparya yah ki manushya sirf karm kar sakta hai. sahi samay par karm karna ya hona bhi bhagya ki hi bat hai. karya aranbh hetu muhurt vishleshan avashyak jarur hai parantu isi par nirbhar rahna galat hai. yadi kisi vyakti ko shalya chikitsa karani pare to vah muhurt ka intjar nahin karega kyonki muhurt se jyada use apni jan v dhan ityadi ki chintaen lagi rahengi. parantu muhurt ke anusar karya karne se hani ki sanbhavna ko to kam kiya hi ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.