अशुभ एवं असफलतादायक मुहूर्तों को जानिए

ashubh evan asfltadayak muhurton ko janie  

Ank ke aur Lekh | Sambandhit Lekh | Views : 2706 |  
ashubh evan asfltadayak muhurtane ko bhi janie inmen shubh karya n karen. brihaspati sanhita ke anusar digdah, mahavriksh ke patan, varsha, ulka patan, mahapat, vajra girne par, bina badal ke bijli chamkne par ya girne par bhukanp hone par, ganv ya shahar ke pas siyaron adi ke rone par koi bhi shubh karya praranbh nahin karna chahie. jis sthan par bina dhum ke ya dhum ke sath ketu ka uday ho tatha surya ya chandra ka grahan lage, vahan sat din tak shubh karya nahin karna chahie. rishi vasishth ke anusar ‘mas dagdhasu tithishu kritan yanmangladikam. tatsarva nashmayati grishme kusrito yatha.’ arthat mas dagdh tithiyon men jo manglik karm kie jate hain unka aise vinash hota hai jaise garmi men barsati nadiyan sukh jati hain. gyan manjri granth ke anusar paush evan chaitra mah men dvitiya, jyeshth aur falgun men chaturthi, vaishakh tatha savan men shashthi, kvar aur asharh men ashtami, agrahayan aur bhadrapad men dashmi aur magh tatha kartik men dvadshi dagdha tithiyan hoti hain. ye sabhi tithiyan vajrya hain. jyotish chintamni ke anusar paksharandhratithiyon men bhi shubh karya nahin karne chahie. donon pakshon ki sam tithiyan, dvitiya evan dashmi ko chorakar, paksharandhra hoti hain. navmi ko chorakar shesh visham tithiyan shreshth hoti hain. shunya nakshatron men aranbh shubh karya bhi safal nahin hota hai. shri ram daivagya ne muhurt chintamni granth men bataya hai ki chaitra men rohini, ashvini, vaishakh men chitra, svati, jyeshth men uttarasharha, pushya, asharh men purva falguni, dhanishtha, savan men uttarasharha aur shravan, bhadrapad men shatbhisha aur revti, kvar men purva bhadrapad, kartik men krittika, magha, agrahayan men chitra, vishakha, paush men adrra, ashvini, magh men shravan, mul aur falgun men bharni tatha jyeshtha nakshatra shunya nakshatra hote hain. jin tithiyon men grahon ki utpatti hui hai, unka bhi shubh karyon men tyag karna chahie. saptami ko surya, chaidas ko chandra, dashmi ko mangal, dvadshi ko budh, ekadshi ko guru, navmi ko shukra, ashtami ko shani, purnima ko rahu tatha amavasya ko ketu ki utpatti hui thi. apni janm tithi ko bhi shubh karya aranbh nahin karna chahie. krachak evan sanvart yog jis din tithi v var sankhya ka yog terah ho us din krachak kuyog hota hai. saptami men ravivar tatha pariva men budhvar ko sanvart namak ashubh yog banta hai. hutashan namak ashubh yog agni yoge kritan sarvan kule vishvan vinashanam. yathagnau patitastauyavindavo mahtitmayi.. hutashan yog men karya karne par kul men sab ka vinash hota hai. shashthi tithi se dvadshi tak somvaradi se yukt hone par donon pakshon men ye sat arthat somvar ko shashthi, mangal ko saptami, budh ko ashtami, guru ko navmi, shukra ko dashmi, shani ko ekadshi aur ravi ko dvadshi hone par sat hutashan kuyog hote hain. vish yog shashthi ko ravivar, saptami ko somvar, ashtami ko manglvar, navmi ko budhvar, ekadshi ko guruvar, dvadshi ko shukravar aur trayodshi ko shanivar hone par vish yog hota hai. inka tyag karna chahie. mrityu yog acharya trivikram ke anusar manglvar ko nanda tithi (1, 6, 11), shukravar ko bhadra (2, 7, 12), budhvar ko jama (3, 8, 13) guruvar ko rikta (4, 9, 14) tatha shanivar ko purna tithi (5, 10, 15) hone par mrityu yog hota hai. inka bhi tyag karna chahie. nakshatra lunchi yog yadi pratipda ke din purvashadha, panchmi ko krittika, ashtami ko purva bhadrapad, dashmi ko rohini, dvadshi ko ashlesha aur magha tatha teras ko chitra nakshatra hone par nakshatra lunchi namak ashubh yog hota hai. yah devtaon ka bhi sanhar karne vala yog hai. atah yah sarvatha tyajya hai. nimnalikhit nindya yog shubh karyon men varjit hain. dvadshi tithi ko ashlesha, pratipda ko uttarasharha, dvitiya ko anuradha, panchmi ko magha, tritiya ko tinon uttara, ekadshi ko rohini, teras ko svati aur chitra, saptami ko mul, navmi ko krittika, ashtami ko purva bhadrapad aur shashthi tithi ko rohini nakshatra hone par nindya yog hota hai. papi grahon ke janm nakshatron men shubh karya praranbh nahin karna chahie. brihaspati ke anusar surya ka vishakha, chandra ka krittika, mangal ka shravan, budh ka dhanishtha, guru ka uttarafalguni, shukra ka pushya, shani ka revti aur rahu ka janm nakshatra ashvini hai. yamghantak evan yamadrasht yog men aranbh kiya gaya karya safal nahin hota. ravivar ko magha, somvar ko adrra, mangal ko vishakha, budhvar ko mul, guru ko svati, shukravar ko rohini aur shanivar ko purvasharha nakshatra hone par yamghantak namak kuyog hota hai. ravivar ko magha, jyeshtha, somvar ko mul, vishakha, mangal ko bharni, krittika, budhvar ko ashvini, uttara falguni, guru ko mrigshira, magha, uttara falguni, shukra ko svati aur shanivar ko hast tatha chitra nakshatra hone par yamdanshtra yog hota hai. maha vinashkari yog ravivar ko magha, som ko vishakha, mangal ko adrra, budh ko mul, guru ko shatbhisha, shukra ko rohini, shanivar ko purvasharha aur uttarasharha hone par mahavinashkari yog mana gaya hai. anandadi yog prayah sabhi panchangon men die hote hain. ye kul 28 hote hain. inmen kuch yog atyant ashubh hote hain. yatha kal dand evan vajra men mrityutulya kasht, mudgar tatha lunbak men dhan kshay, utpat men klesh, mrityu men maran, kan men kal bhay, musal men hani, gad men bhay, rakshas men kasht adi kufal hote hain. in yogon men shubh karya nahin karna chahie. halahal yog eshu yogeshu katrtavyah shatruchchatan maranam. vivahadishu nishchitan nidhnan pradam.. ye yog shatru ka uchchatan, maran adi abhichar karm ke lie to upyukt hain lekin vivah adi shubh karyon ke lie varjit hain. ravivar ko krittika nakshatra aur panchmi tithi, som ko chitra evan dvitiya, mangal ko rohini aur purnima, budh ko bharni aur saptami, guru ko anuradha evan teras, shukra ko shravan evan shashthi tatha shani ko revti nakshatra evan ashtami tithi ka sanyog hone se halahal maha ashubh yog hota hai. jvalamukhi yog apne nam ke anurup ye ashubh yog hain. inmen shubh karya bhulakar bhi nahin karne chahie. inke bare men kaha gaya hai- parva mul panchmi bharni ashtami kritika navin rohini, dashmi ashlesha tu to vanch, jvalamukhi nakhat ye panch. parinam janme to jive nahin, krishi nishfal jay. kua pokhar jokhne turte nir paray.. sangram charhe jite nahin base to ujar hoy. nari pahne churiyan purush vihuno hoy.. in ashubh muhurton ke parihar hetu upay bhi nirdharit hain. yadi avashyak ho, to ye upay apna kar ashubh muhurton men karya sanpann kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.