कजली तीज व्रत व् पर्व

kajli tij vrat v parva  

Ank ke aur Lekh | Sambandhit Lekh | Views : 6895 |  
kajli tij vrat v parva pan. braj kishor bharadvaj brajvasi shravan mas ke shukla paksh ki tritiya ko hariyali tij ya kajli tij ke nam se jana jata hai. yah vrat v parva donon hi rupon men prasiddh hai. ismen parviddha tritiya grahya hai. yadi is tithi ko shravan nakshatra ho to iska mahatva aur bhi barh jata hai. shravan nakshatra n bhi ho to bhi bhagvan vishnu ka pujan karke vrat karna shreyaskar hai. bhagvan vishnu ki shodshopchar puja karen, unki divya kathaon evan charitron ka shravan karte hue vishnu sahasranam tatha ¬ namo naraynay, ¬ vishnave namah adi mantron ka jap karen. vrat men vratdevta ke mantra ka uchcharan karte hue vishisht havidravya se havan karna chahie. vidvan sadachari brahman ko brahmani sahit bhojan kara kar dakshina, dravya evan vastrabhushnadi ke sath vida karen. is vrat ke prabhav se manav ke char purusharth dharm, arth, kam evan moksh ki sahaj prapti hoti hai. bhagvan vishnu ki kripa se asto ma sadgamay, tamso ma jyotirgamay, mrityorma amritagamay ke marg ka sadhan sulabh ho jata hai. is pavan din men godan, annadan, vastradan, dhandan, vidyadan ityadi karne se kalyan hota hai. sukh-sanpatti, ayushya evan saubhagya adi ki prapti hoti hai. is tithi ko striyan bhavani parvati ka bhi pujan karti hain. bhaktajan sanpurn shiv parivar ka pujan karke anandamagn hote hain. is vrat men tin baten tyajya hanai - pati se chal kapat, mithyachar evan duvryavhar tatha parninda. is pavan vrat ko karne ke lie pratah kal suryoday se purva hi dainik kriyaon se nivritt ho sankalp lekar hi bhagavat aradhna karen, kyonki sankalp hi siddhiyon ka mul hai. samast uttar bharat men tij parva bare utsah aur dhumdham se manaya jata hai. bundelkhand ke jalaun, jhansi, datiya mahoba, orcha adi kshetron men ise hariyali ke nam se manate hain. pratah kal udyanon se vibhinn vrikshon jaise am, pipal, ashok, kadanb adi ke patton sahit tahniyan tatha pushp guchch lakar puja sthan ke pas sthapit jhule ko inse sajate hain aur dinabhar upvas rakhakar bhagvan shrikrishn ke vigrah ko jhule men rakhakar shraddha se jhulate hain. orcha, datiya aur charkhari ka tij parva shrikrishn ke dolarohan ke rup men vrindavan jaisa divya hota hai. banaras, jaunpur adi purvanchal janpdon men tij parva lalnaon ke kajli giton se gunjayman hokar vishesh anand deta hai. prayah vivahit navyuvtiyan shravni tij apne pihar men manati hain. is pavitra din sundar se sundar vibhinn prakar ke pakvan banakar betiyon ko bheje jate hanai. suhagi sas ke panv chukar use diya jata hai. yadi sas n ho to jethani ya kisi vayovriddha ko dena shubh hota hai. is tij par mehandi lagane ka vishesh mahatva hai. striyon ke pairon men mahavar ki shobha to anokhi hoti hai. navin paridhanon v abhushnon se susajjit nariyon ka saundarya ati manohar hota hai. vaise is utsav ko bharat varsh ke vibhinn pranton men manaya jata hai, parantu rajasthan men iska apna hi mahatva hai. yahan prachlit lok katha ke anusar, isi din gaura virhagni men tapakar shiv se mili thin. is din jaypur men rajput lal rang ke kapre pahnte hain aur shri parvatiji ki savari bari dhum-dham se nikali jati hai. rajasthan men tij parva ritu utsav ke rup men sanand manaya jata hai. savan men suramya hariyali tatha megh ko dekhakar log harshollas ke sath yah parva manate hanai. is din asman men ghumrti kali ghataon ke karan is parva ko kajli tij athva dharti par hariyali hone ke karan hariyali tij ke nam se pukarte hain. shravan shukla tritiya ko balikaen evan navvivahitaen is parva ko manane ke lie ek din purva apne hathon tatha panvon men kalatmak dhang se mehandi lagati hain jise mehandi-mandna ke nam se jana jata hai. dusre din ve prasannata se apne pita ke ghar jati hain, jahan unhen nai poshaken, gahne adi die jate hain tatha bhojn-pakvan adi se tript kiya jata hai. rajasthani lokgiton ke adhyayan se pata chalta hai ki navvivahita durdesh gae apne pati ke tij parva par ane ki kamna karti hai. tij parva sanbandhi anya lokgiton men nariman ki marmik manobhavna is prakar sundar rup men vyakt hui hai- savoni ri kajli tij, sajan pyara pavnan ji. nimdli .. .. sahiva ji hivda n as gharay daldi to mahanga mol ki ji. nimdli .. .. kajli tij par is kulkamini ki kamna nimnalikhit lokgit men is rup men bhi vyakt hoti hai- mara matha n memad lay, mara anja maru yahi ho raho ji. yahin hi raho ji, lakhptiya dhola yahi ho raho ji. is umang parva ke buhvidh bhavon men ek bhav yah bhi drashtavya hai- raj mhari nav ghata par kajli tij, tija jo padharo ji mhaka sirdhar raj mhara matha n men madalyay rakhri mulao ji. raj mhari nav’’.. tij parva ka utkrisht svarup evan lok jivan men mahatva is git men is prakar vyakt hua hai- pagalya n payal lay jo dhola, sahiba ji ghungra ratan jarayen mukanagarh ho ji kishanagarh chakri, dhola sahiba ji, tij sunyan ghar ay. tija to tija kara dhola, tija ko baro hai tyauhar.. tija to tija pe karo gori, mharin jairan hoi ch banas. thakon to dukana ro baithbo, dhola mhakon gali ko nikas.. is tij-tyohar ke avasar par rajasthan men jhule lagte hain aur nadiyon ya sarovron ke taton par melon ka sundar ayojan hota hai. is tyohar ke as-pas kheto men kharif faslon ki boai bhi shuru ho jati hai. atah lokgiton men is avasar ko sukhad, suramya aur suhavne rup men gaya jata hai. moth, bajra, fali adi ki boai ke lie krishak tij parva par varsha ki mahima marmik rup men vyakt karte hain. prakriti evan manav hriday ki gahri bhavna ki abhivyakti tij parva men nihit hai.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.