राहू-केतु कि दशाओं का फल

rahu-ketu ki dashaon ka fal  

Ank ke aur Lekh | Sambandhit Lekh | Views : 16797 |  
rahu-ketu ki dashaon ka fal dae. bhagvan sahay shrivastav kisi bhi jatak ko rahu athva ketu ki dasha-antardasha ka fal kundli men uski sthitiyon, bhavon evan anya grahon ke sanbandhon par nirbhar karta hai. rahu jab shubh prabhav men ho to apni dasha men jatak ki bhalai, dhan evan yash ki vriddhi karta hai jabki shubh prabhavon men hone par vibhinn rog, sankat evan shatruta deta hai. rahu uchch rashi ka ho to jatak ko uchch pad ki prapti hoti hai. vah atyant sahsi hota hai aur use mitron ka sahyog, stri, putra tatha bhaiyon se sukh aur yatra ke avasar adi prapt hote hain. kintu sath hi vah bavasir aur sir dard se grast tatha adharm ke prati pravritt hota hai. jab rahu nich rashi ka hota hai to jatak ko chati men pira, shatru, agni tatha, shastra ka bhay aur choton se hani hoti hai. uske mitron tatha bandhvon ka patan hota hai aur vah svayan shasak varg ke kop ka shikar hota hai. iske atirikt uske mata-pita, stri, santan, dada-dadi, nana-nani ka svasthya kharab rahta hai aur unki mrityu ki sanbhavna bhi rahti hai. rahu se yukt grah balvan bhi hane to uski dasha men arisht hota hai aur dasha ke ant men duahkh, hani tatha pardesh gaman hota hai. ketu ke shubh prabhav men jatak ko sarvatra vijay milti hai. krur karya karne se ya mlechch raja se dhan ki prapti hoti hai aur shatru ka nash hota hai. iske viprit yadi ketu pap prabhav men ho to atyadhik kasht milta hai. use karyon men asflta shulrog, haddiyon men jvar adi se grast hota hai. vah brahmanon se dvesh rakhta hai tatha uska vyavhar murkhatapurn hota hai. ketu uchch ka ho to jatak atyadhik sahsi hota hai. use karyon men saflta tatha uchch pad ki prapti hoti hai. uski dharm ke prati nishtha hoti hai aur vah yada-kada tirth yatra karta hai. use mahatmaon ke darshan hote hanai. yadi ketu achche sthan men sthit ho to manushya ko moksh bhi deta hai. yadi ketu nich ka ho to svajan, bhai, chor, vanpshu, mitron tatha bandhu bandhvon ke karan hani hoti hai. iske atirikt jatak sangrahni, fora-fanusi adi se pirit hota hai aur use karavas ka dand bhi bhogna parta hai. mahadsha evan antardashaon ka faladesh: rahu ka dashafl: rahu ki mahadsha men jatak duahsvabhavi ho jata hai. usmen sushilta nahin rahti. kisi bhayankar bimari ke karan use pira bhi hoti hai. uski patni tatha putra ko kasht hota hai aur use vish se pira aur shasak varg se hani hoti hai. pira hoti hai. rahu ki mahadsha men mangal ki antardasha men jatak ko shatru, shastra, agni tatha choron ka bhay nirantar bana rahta hai. use anya anek prakar ke kasht bhi prapt hote hain. rahu ki mahadsha men surya ki antardasha ho to jatak ko rog, shastra, chor, agni aur raja se bhay aur uske dhan ka nash hota hai. rahu ki mahadsha men rahu ki antardasha ho to jatak ke bhai ya pita ki mrityu, dhan ka nash adi hote hanai. sath hi, vah rogagrast hota hai aur uski pratishtha dhumil hoti hai. rahu ki mahadsha men chandra ki antardasha ho to jatak ko kalah, dhan ki hani, bandhu bandhvon ke virodh tatha anya anek prakar ke kashton ka samna karna parta hai. kintu is dasha men use stri ka sukh prapt hota hai. rahu ki mahadsha men shukra ki antardasha ho to jatak ko mitra ke karan santap, bhai bandhuon se kalah evan kasht bhogna parta hai. kintu is dasha ke dauran use stri sukh tatha dhan ki prapti hoti hai. rahu ki mahadsha men budh ki antardasha ho to jatak ka mitra evan bhrataon ke sath sneh barhta hai. buddhi, dhan tatha sukh ki vriddhi hoti hai, kintu dukh bhi bhogna parta hai. rahu ki mahadsha men brihaspati ki antardasha ho to jatak devi-devta ki puja aur brahmanon ki seva karne vala, dhani tatha vyadhiyon se mukt hota hai. rahu ki mahadsha men ketu ki antardasha ho to jatak ko agni, jvar, shastra tatha shatruon se pira hoti hai aur uski mrityu ki sanbhavna rahti hai. rahu ki mahadsha men shani ki antardasha ho to jatak ko rakta-pitt ki pira, hath, pair athva sharir ke kisi anya ang ke tutne svajnon se kalah adi ki sanbhavna rahti hai. ketu ka dashafl: ketu ki mahadsha men jatak ko anisht fal ka samna karna parta hai. striyon tatha dhanikon, afsron ya malik se use kasht milta hai. is dasha men usse koi ganbhir apradh ho sakta hai. dhan ke nash hone ke sath-sath aisi paristhiti ban sakti hai ki use apna ghar aur desh tak chorna par. use kaf janit rog athva pair tatha dant men kasht bhi ho sakta hai. ketu ki mahadsha men budh ki antardasha ho to jatak ko bhai-bandhuon ka sneh sukh, buddhi labh, dhan labh adi ki prapti hoti hai. is dasha men use kisi bhi prakar ka kasht nahin uthana parta. ketu ki mahadsha men shani ki antardasha ho to jatak ko svajnon se kalah tatha vat-pitt ki pira ka shikar hona parta hai. use pardesh gaman bhi karna parta hai. ketu ki mahadsha men mangal ki antardasha ho to jatak ka apne ganv, ya mohalle ke logon se jhagra hota hai. use chot tatha deh pira ka samna bhi karna parta hai. ketu ki mahadsha men ketu ki antardasha ho to jatak ko putra-putri ki mrityu, dhan hani, agni se bhay, dusht striyon se kalah, rog adi anek prakar ke sankton ka samna karna parta hai. ketu ki mahadsha men surya ki antardasha ho to jatak ko shasak varg se pira, shatruon se virodh, agnidah, tivra jvar, videsh gaman adi kashton ka samna karna parta hai. ketu ki mahadsha men shukra ki antardasha ho to agni dah, tivra jvar, stri se kalah, stri viyog adi ke duahkh bhogne parte hain aur ghar men kanya ka janm hota hai. ketu ki mahadsha men chandra ki antardasha ho to jatak ko dhan v stri ka labh lekin yash ki hani hoti hai. is prakar is avdhi mane shubh evan ashubh donon prakar ke fal prapt hote hain. ketu ki mahadsha men brihaspati ki antardasha ho to jatak ka shasak varg se sanpark hota hai. uske ghar men putra ka janm tatha bhumi, dhan adi ka labh bhi hota hai. ketu ki mahadsha men rahu ki antardasha ho to jatak ko choron ka bhay, shatruon se virodh tatha anya prakar ke kashton ka samna karna parta hai. uske ang-bhang hone ki ashanka bani rahti hai.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.