राहू-केतु का पौराणिक एवं ज्योतिषीय आधार

rahu-ketu ka pauranik evan jyotishiya adhar  

Ank ke aur Lekh | Sambandhit Lekh | Views : 4752 |  
rahu ketu ka pauranik evan jyotishiya adhar pan. vijay kumar sharma rahu aur ketu ke bare men prayah sabhi jante hain parantu pauranik evan jyotishiya drishti se rahu-ketu nimnavat hain. pauranik adhar puranon ke anusar, asurraj hiranyakashyap ki putri sinhika ka vivah viprachirti namak danav ke sath hua tha. in donon ke yog se rahu ka janm hua. janmajat shur-vir, mayavi rahu prakhar buddhi ka tha. kaha jata hai ki usne devtaon ki pankti men baithakar samudra manthan se nikle amrit ko chal se prapt kar liya. lekin is sare ghatnakram ko suryadev tatha chandradev dekh rahe the. unhonne sara ghatnakram bhagvan vishnu ko bata diya. tab krodhit hokar bhagvan vishnu ne apne sudarshan chakra se rahu ka mastak dhar se alag kar diya. kintu rahu amritpan kar chuka tha, islie mara nahin, balki amar ho gaya. uske sir aur dhar donon hi amaratva pa gae. uske dhar vale bhag ka nam ketu rakh diya gaya. isi karan rahu aur ketu surya aur chandra se shatruta rakhte hain aur donon chaya grah banakar surya v chandra ko grahan lagakar prabhavit karte rahte hain. jyotishiya adhar jyotish ke vidvanon ne rahu aur ketu ke prabhavon ka spasht ullekh is prakar kiya hai. rahu aur ketu sadaiv vakri gati karte hue ek-dusre se thik 1800 ansh ki rekhiya duri par rahte hue surya ke chakkar lagate hain. ek rashi par rahu aur ketu lagabhag 18 mahine arthat derh varsh tak rahte hain. sanpurn rashipath ko pura karne men inhen atharah varshon ka samay lagta hai. chaya grah hone ke karan inhen kisi bhi rashi ka svamitva prapt nahin hai, lekin kuch jyotishigan kanya rashi ko rahu aur min ko ketu ki rashi mante hain. kuch log vrish ko rahu ki uchch rashi mante hain to kuch anya mithun ko. spasht hai, jo rashi rahu ke lie uchch hogi, vah ketu ke lie nich hogi aur jo rahu ke lie nich hogi vah ketu ke lie uchch hogi. rahu ko mesh, vrish, mithun, kark, kanya, vrishchik ya kunbh rashi aur navam bhav men hone par shaktishali mana jata hai. naisargik rup se in donon ko pap grah mana jata hai. ye janmakundli ke jis bhav men hote hanai, us bhav se pancham, saptam tatha navam bhavon ko purn drishti se dekhte hain. ye jis grah ki rashi men baithte hanai, usi ke svabhav ke anusar fal dene lagte hanai. jaise, mesh rashi men hone par mangal ke saman fal, vrish rashi men shukra ke saman, mithun men budh ke saman adi. janmakundli men shakti, himmat, shaurya, pap karm, bhay, shatruta, dukh, chinta, durbhagya, sankat, rajniti, kalank, dhokha, chal-kapat adi ka adhyayan rahu se kiya jata hai. mansik star ke sabhi rog, hriday rog, kisi bhi prakar ke vish aur vish janit rog, korh, sarp, bhut-pret, jadu-tone, totke, achanak ghatne vali durghatanaon adi ka ek matra karak aur pratinidhi grah rahu hai. janmarashi se pratham, tritiya, pancham, saptam, ashtam, navam ya dasham bhav men sthit rahu shubh faldayak hota hai. isi prakar, ketu ko vrishchik, dhanu ya min rashi men balvan mana jata hai. kark aur sinh rashiyan iski shatru hain. yah bhi rahu ke saman achanak fal deta hai. yah moksh prapti ka karak grah hai. yadi yah kisi rashi men svagrihi grah ke sath ho to us grah aur us bhav ke falon men chaiguni vriddhi kar deta hai. shesh samast fal rahu ke saman hi falit hote hain. vishesh: rahu se dada tatha ketu se nana ka bhi vichar kiya jata hai. atah pitri dosh, brahm dosh adi ke lie in donon ka adhyayan avashyak hai. dusri taraf rahu chandra ya surya ke sath hone par grahan yog tatha guru ke sath hone par chandal yog banata hai. aisi sthiti men rahu ka prabhav nakaratmak hota hai. is prakar, kisi bhi vyakti ki janmakundli men rahu-ketu ka vishesh adhyayan kar yah jana ja sakta hai ki vah kis unchai tak pahunchega. vyakti vishesh ko bulandiyon par pahunchane athva niche girane men ye donon grah vishesh bhumika nibhate hain.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.