कैसा हो विद्यार्थियों का अध्ययन कक्ष शिक्षा वास्तु

kaisa ho vidyarthiyon ka adhyayan kaksh shiksha vastu  

Ank ke aur Lekh | Sambandhit Lekh | Views : 6817 |  
kaisa ho vidyarthiyon ka adhyayan kaksh kuldip saluja parhai men achchi saflta prapt karne ke lie vidyarthiyon ko chahie ki ve apne adhyayan ke lie ghar men vastu ke anukul sthan ka chayan kar use vastu ke anukul hi sajaen. vastushastra ke anusar do dishaen evan ek kon gyan prapti ke lie shubh hain purva disha, jiska pratinidhi grah surya hai ishan kon jiska pratinidhi grah guru hai aur uttar disha, jiska pratinidhi grah budh hai. adhyayan kaksh ka darvaja purva ishan, dakshin agney, pashchim vayavya v uttar ishan men hona chahie. inmen se kisi men bhi darvaja rakhne se kamre men saj sajja jyada vyavasthit hogi. vidyarthiyon ko darvaje ki taraf pith karke kabhi bhi adhyayan nahin karna chahie. yadi surya ki subah ki kirnen adhyayan kaksh men ati hon to khirki darvaje subah ke vakt kholakar rakhne chahie taki subah ke surya ki sakaratmak urja ka labh mil sake. yadi surya ki sham ki kirnen ati hon to bilkul n kholen taki dopahar v uske bad ki nakaratmak urja se bach saken. ghar ki pashchim disha men bachchon ko purva disha ki or munh karke parhna-likhna chahie. is sthiti men ve apne vishay ko bari jaldi samajh pate hain aur kam samay men yad kar pariksha men achche nanbar prapt karte hain. yadi ghar ki pashchim disha men parhne ka sthan n ho to ghar ke ishan kon sthit kamre men purva mukhi baithakar parhna chahae. yadi purvamukhi baithakar parhne ki vyavastha n ho to aisi sthiti men ishan kon ya uttar disha ki or munh karke parhna bhi shubh hota hai. yadi vidyarthi kanpyutar ka prayog karte hon to kanpyutar agney se dakshin v pashchim ke madhya kahin bhi rakh sakte hain. dhyan rahe ishan kon men kanpyutar kabhi n rakhen. ishan kon men rakha kanpyutar bahut hi kam upyog men ata hai. vidyarthiyon ko sadaiv dakshin ya pashchim ki or sir karke sona chahie. dakshin men sir karke sone se svasthya achcha rahta hai, aur pashchim men sir karke sone se parhne ki lalak bani rahti hai. vidyarthiyon ko kisi bim ya duchatti ke niche baithakar parhna ya sona nahin chahie anyatha mansik tanav utpann hota hai aur parhai men man nahin lagta. adhyayan kaksh ke ishan kon men aradhya dev v pine ke pani ki vyavastha bhi rakhni chahie. adhyayan kaksh ki anya divaron par mahapurushon aur apne chahete safal vyaktiyon ke chitra lagane chahie. adhyayan kaksh ki divar v parde ka rang halka pila, halka hara, halka asmani ya halka badami ho to behatar hai. safed rang ho, to vidyarthiyon par susti chai rahti hai. yadi adhyayan kaksh men ek se adhik bachche parhte hon to unke hanste muskate hue samuhik foto kaksh men avashya lagaen, isse unmen mil julakar rahne ki bhavna viksit hogi. adhyayan kaksh men khane ki vastuen jaise biskit, chana, mungfli, snaiks, ityadi rakhni chahie, isse gyan barhta hai tatha parhai men nam roshan hota hai. kitabon ki almari ya raik dakshin, pashchim men rakhe ja sakte hain. unhen vayavya kon men nahin rakhna chahie, kyonki yahan se kitaben gayab hone ka bhay rahta hai. koshish karni chahie ki kitaben adhyayan kaksh men khuli almari ya raik men n rakhen. adhyayan kaksh ke sath yadi taeylet ho, to uska darvaja hamesha band rakhen. taeylet ko jyada n sajaen kintu saf safai ka pura dhyan rakhen. yadi ap achcha kairiyar banana chahte hain to adhyayan kaksh men anavashyak purani kitaben v kapre n rakhen arthat kisi bhi prakar ka kabara kamre men nahin hona chahie. kamre men dastabin avashya rakhna chahie. yadi ghar ke samne vale bhag ke donon taraf ki khirkiyan tuti-futi aur purani hon to iska bachchon ki parhai likhai par bura asar parta hai. jis ghar men uttar disha men pujaghar hota hai us ghar ki sabse choti bahan ya bhai uchch shiksha prapt karta hai. jis ghar men jagah ki kami ho us ghar men hael ke andar hi devi-devtaon ki tasvir lagai jati hai, unki puja ki jati hai us ghar ke sabhi sadasya buddhiman hote hain.
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.