विद्या बाधा कारण एवं निवारण

vidya badha karan evan nivarn  

Ank ke aur Lekh | Sambandhit Lekh | Views : 3840 |  
vidya badha karan evan nivaran dae. hridyesh sharma jyotish shastra men vidya prapti hetu pancham bhav, dvitiya bhav ke svamiyon ki sthiti, pancham tatha dvitiya bhav men sthit grah, panchmesh tatha dvitiyesh ke sath shubh tatha ashubh grahon ki yuti, kundli men chandrama, surya, brihaspati tatha budh grah ki sthiti tatha in par parne vale shubh tatha ashubh grahon ki drishti evan yuti, dashmesh tatha dasham bhav ki sthiti ke sath-sath chaturvinshansh kundli evan karkansh kundli ke adhyayan se shiksha ki prapti evan buddhi tatha tarkashakti ke bare men ankalan kiya jata hai. shiksha men avrodh paida karne vale yog buddhi bhavgtaah kruraah shatrugrahsmashritaah. nichrashigtashchaiv murkho vai manujo bhavet.. s pancham sthan men krur grah shatru grah se yukt ho aur nich rashigat ho, to vyakti murkh (buddhihin) hota hai, arthat shiksha prapt nahin kar sakta hai. s panchmesh yadi chathe, athven, ya barhven sthan men ho, athva panchmesh pap grahon ke sath ho, to vidya bhang yog banta hai. aise jatak ke adhyayan men badha avashya ati hai, vishesh kar un pap grahon ki dasha-anrtadasha men, jinse yuti ho rahi ho. aise yog se jatak ko pariksha, ya pratiyogita men saflta nahin milti hai. lagne chandre mandardrishte hindhiah. mandararkashchandra pashyanti maukhryakraah.. lagn men chandrama tatha use shani, mangal dekhen, ya chandrama kahin bhi sthit ho aur shani, mangal tatha surya dekhen, to jatak mand buddhi hota hai. kundli men budh kamjor sthiti men ho tatha dvitiyesh, ya dvitiya bhav par krur grahon ki drishti tatha yuti ho, sath men chandrama ki sthiti vrishchik rashi men ho, to jatak ka mastishk asthir rahta hai tatha uska shiksha men man nahin lagta hai. pancham bhav se ekadash paryant purn kal sarp yog ho, to shiksha men badha utpann hoti hai. dusre bhav ka svami surya ke sath yuti kar ke, 6, 8, 12 ven bhav ko chor kar, kahin bhi baitha ho aur shani, rahu ki kudrishti par rahi ho, to vidya prapti men rukavten ati hain. s pancham sthan ka svami papakrant ho aur shani panchven sthan men sthit ho kar lagnapati ko dekh raha ho, to jatak ko shiksha ke kshetra men avrodh prapt hote hain. sarasvati prayog se saflta ah bhagvti sarasvati devi vidya, buddhi, medha, tarkashakti evan samast gyan-vigyan ki adhishthatri shakti hain. inhen mahasarasvati, nil sarasvati adi namon se jana jata hai. hamare granthon men anadi kal se anek nam- rupon se inki upasna paddhatiyan prachlit rahi hain. vedon tatha agam granthon men sarasvati ki upasna se sanbandhit anek mantra, stotra bhare hue hain. unmane sarasvati rahasyopnishad, sharda tilak adi granth vishesh rup se mahatva rakhte hain. yahan sarasvati devi ki kripa prapti hetu kuch saral mantra, vidyarthi varg ke labharth, diye ja rahe hain: sarasvati mantra ¬ hrin sarasvatyai namah. ¬ ain namah.¬ ain hrin shrin klin sarasvatyai budhajananyai svaha. ¬ ain namah bhagvti vad-vad vagdevi svaha. ¬ hrin ain sarasvatyai namah. jyotishiya pariprekshya men sarasvati prayog kab karen jab shiksha men avrodh paida ho rahe hon. adhik parishram karne par bhi pariksha men achche ankon ki prapti n ho rahi ho. pachanm bhav tatha panchmesh par parne vale, ya yuti karne vale ashubh (krur) grahon ki mahadsha tatha antardasha men. pariksha tatha pratiyogita men saflta prapti hetu. vidya tatha pariksha/pratiyogita men saflta hetu kya karen kisi vidvan jyotishi ki salah par panchmesh ka ratn, mudrika men jarva kar, nil sarasvati mantra se purit kar, dharan karen. pran pratishthayukt ‘sarasvati yantra’ ki sthapna kar nitya darshan evan kisi bhi sarasvati mantra ka 1, 2 ya 5 mala jap karen tatha nitya nil sarasvati stotra ka path karen. achche parinamon tatha shighra saflta hetu, sarasvati ki puja ke sath-sath, kisi karmakandi vidvan se ganesh ji ke shri vigrah par ‘ganapatyatharvashirsham’ ke mantron se jalabhishek karen, to ashatit saflta prapt hoti hai. krur grahon ki shanti karaen, jinki yuti, ya drishti se pancham bhav, ya panchmesh ko hani mil rahi ho. un mahadsha, ya anrtadasha se sanbandhit grahon ko shanti karaen, jinse vidya bhav tatha vidya bhav ke svami ko hani mil rahi ho.
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.