सूर्य सौरमंडल का केंद्र

surya saurmandal ka kendra  

Ank ke aur Lekh | Sambandhit Lekh | Views : 3330 |  
surya saurmandal ka kendra acharya avinash sinh khagoliya drishti se surya saurmandal ka kendra surya ek tara hai tatha iske charon or parikrama karne vale grahon ki kaksha ki ek nabhi par sthit hai. prithvi vasiyon ke lie surya sabse mahatvapurn akashiya pind hai. surya n sirf prithvi ko balki saurmandal ke sabhi grahon tatha anya pindon ko prakash tatha garmi deta hai. surya hi sabhi grahon ki gatiyon ko niyantrit karta hai. hamare rojamarra ke jivan par iska bahut prabhav parta hai. iske bina manav jivan ki kalpana bhi nahin ki ja sakti. surya ka vyas 8, 65000 mil, ayatan prithvi ke ayatan se 13,00,000 guna tatha dravyaman prithvi ke dravyaman se 3,30,000 guna jyada hai. prithvi se iski ausat duri 92, 9,57,209 mil hai. chunki prithvi ki kaksha andakar (dirgh vrittakar) hai tatha surya iske ek fokas (nabhi) par sthit hai, islie prithvi se surya ki kam se kam duri 94,600,000 mil hai. yah akashganga ke kendra se kafi dur valyakar bhuja ke antim chor par sthit hai. akashganga ke kendra se iski duri 30,000 prakash varsh hai. akashganga 135 mil prati sekend ki raftar se surya ke sath ghum rahi hai tatha surya ko akashganga ke kendra par ek pura chakkar lagane men 2250 lakh varsh lagte hain. pauranik drishti men surya: puranon men surya ko devta mana gaya hai jinki do bhujaen hain. vah kamal ke asan par virajman hain. unke donon hathon men kamal, sir par sundar svarn mukut tatha gale men ratnon ki mala hai. unki kanti kamal ke bhitri bhag ki si hai aur ve sat ghoron ke rath par savar hanai. rigved ke anusar aditya-mandal ke antah sthit surya devta sabke prerak, antaryami tatha parmatma svarup hain. markandey puran ke anusar surya brahm svarup hain. surya se jagat utpann hota hai aur unhin men sthit hai. surya sarvabhut svarup sanatan parmatma hain. yahi bhagvan bhaskar brahma, vishnu aur shiv banakar jagat ka srijan, palan aur sanhar karte hain. surya navagrahon men sarvasvarup devta hanai. surya devta ka dusra nam aditya bhi hai kyonki surya, devtaon ki mata aditi ke putra hain. mana jata hai ki ek bar daityon, danvon evan rakshason ne sangthit hokar devtaon ke viruddh yuddh aranbh kar diya aur unhane parajit kar unke sabhi adhikaron ko chin liya. dev mata aditi is sankat se chutkara pane ke lie bhagvan surya ki upasna karne lagi. bhagvan surya ne prasann hokar dev mata aditi ki ichcha purn karne ke lie unke garbh se avtar liya aur dev shatruon ko parajit kar sanatan ved marg ki sthapna ki. is tarah aditi aditya kahlae. bhagvan surya ka varn lal hai. inka vahan rath hai. inke rath men ek hi chakra hai jo sanvatsar kahlata hai. is rath men mas svarup barah ariyan hain. riturupi chah nemiyan aur tin chaimase rup tin nabhiyan hain. inke sath sath hajar rishigan svasti vachan aur stuti karte hue chalte hain. rishi, gandharva, apsara, nag, rakshas aur devta surya narayan ki upasna karte hain. chakra, shakti, pash aur ankush inke mukhya astra hain. jyotishiya drishti men surya jyotishiya drishti men surya atmakarak grah hai kyonki surya ki urja se hi har jiv ko jivan milta hai. har jiv ki koshikaen surya ki urja se hi balshil, karyashil aur niyantrit hoti hain. surya anushasanapriya aur dusron khagol jyotish par shasan karne vala grah hai. navagrahon men surya ko raja ki upadhi prapt hai. akarshak vyaktitva, shaktishali, ahanvadi, rajsi, darshanik prakriti, drirh ichcha shakti aur uchch padasth log jaise raja mantri, majistret, nyayadhish, neta, abhineta adi sabhi jatak surya se hi prabhavit hote hain. aise jatkon ki kundli men surya purn bali ho kar shubh faldayi hota hai. surya ko vishva ka pita bhi kaha jata hain islie use jatak ke pita ka karak bhi mana jata hai. surya bijon ka utpadan karta, vyapar karta aur vikas karta bhi hai. surya brahmand ki atma hai. rogon se bachne ki shakti deta hai. sir, pet, haddiyon, dil, dhamniyon, netron, mastishk, kanth, tilli, koshikaen aur udar sharir ke sabhi bhag surya se hi shasit aur prabhavit hain. khule sthan, parvat, pahariyan, van, pramukh shahar, puja sthan, samudra, nyayalay, van samuh, kila adi. raktachap, tej jvar, netra, kanth, rakt aur nak sanbandhi rog surya ke kamjor v ashubh hone ke karan hote hain. jab surya pratikul bhavon men pap grahon se pirit jaliya rashiyon men hota hai tab kshay rog aur pechish ka karan banta hai. surya kshatriya varn aur purva disha ka svami hai. surya sinh rashi men svagrihi, mesh men uchch aur tula men nich ka hota hai. iska ratn manikya hai. jin jatkon ka surya kamjor ho unhen manikya dharan kar surya ki upasna karni chahie.
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.