मंगलवार व्रत

manglvar vrat  

Ank ke aur Lekh | Sambandhit Lekh | Views : 10069 |  
manglvar vrat pan. braj kishor brajvasi yah vrat kisi bhi manglvar se praranbh kiya ja sakta hai. manglvar vrat ke devta hunman ji hain, jo bal, gyan, oj pradan karne tatha sabhi rogon aur pira ko harne vale hain. vah yadi prasann hon, to bhagvan shri ramchandra ke darshan kara dete hain. hanuman ji ki kripa se sarvasukh, rajya samman tatha putra ki prapti bhi sahaj ho jati hai. shani grah ki shanti ke lie to yah vrat ati uttam hai. yah vrat pratyek manglvar ko karna chahie. kam se kam 21 saptah tak is vrat ka palan karen. pratah kal suryoday se purva hi jagakar snanadi krityon se nivritt hokar kesri nandan ki prasannata ke lie ya apni kamna ki purti ke lie manglvar ka vrat rakhne ka sankalp len. maruti nandan se prarthana karen ki vah is dharm karya men apko bal pradan karen. sankalpoprant vayunandan ka shodshopchar pujan karen. puja men visheshakar lal pushp, sindur, lal vastra v ate ka churma banakar arpit karen. svayan bhi lal vastra hi dharan karen. hanuman ji ke samaksh baithakar dip prajvalit kar hanuman chalisa, hanumat charitra ya shriram charit manas ka path karen. hanuman chalisa ka path karne vale ke nikat bhut pishach nahin ate. jis prakar hanuman ji ne bhagvan shri ram ke karyon ko purn kiya tha usi prakar shraddha bhav se vrat ka palan karne vale ke karyon ko bhi sahaj men purn kar dete hain tatha dharm, arth, kam aur moksh charon purusharth bhi siddh ho jate hain. manglvar vrat katha ek brahman dampati ke koi santan n thi, jiske karan donon dukhi the. vah brahman hanuman ji ki puja hetu van chala gaya. vah puja ke sath mahavir ji se ek putra ki kamna kiya karta tha. ghar par uski patni putra ki prapti ke lie manglvar vrat kiya karti thi. aur vrat ke ant men bhojan banakar hanuman ji ko bhog lagane ke bad svayan bhojan grahan karti thi. ek bar koi vrat a gaya jiske karan brahmani bhojan n bana saki aur hanuman ji ka bhog bhi nahin lagaya. vah apne man men aisa pran karke so gai ki ab agle manglvar ko hanuman ji ko bhog lagakar ann grahan karungi. vah bhukhi pyasi chah din pari rahi. manglvar ko to use muchrcha a gai. tab hanuman ji uski lagan aur nishtha ko dekhakar prasann ho gae. unhonne use darshan die aur kaha - ‘main tujhse ati prasann hun. main tujhe ek sundar balak deta hun jo teri bahut seva kiya karega.’’ hanuman ji manglvar ko bal rup men use darshan dekar anrtadhyan ho gae. sundar balak pakar brahmani ati prasann hui. brahmani ne balak ka nam mangal rakha. kuch samay pashchat brahman van se lautakar aya. prasannachitt sundar balak ko ghar men krira karte dekhakar usne patni se pucha- ‘‘yah balak kaun hai?’’ patni ne kaha - ‘‘manglvar ke vrat se prasann hokar hanuman ji ne darshan de mujhe balak diya hai.’’ patni ki bat chal se bhari jan usne socha yah kulta vyabhicharini apni kalushta chupane ke lie bat bana rahi hai. ek din uska pati kuen par pani bharne chala to patni ne kaha ki mangal ko bhi sath le jao. vah mangal ko sath le chala aur use kuen men dalakar vapas pani bharakar ghar aya to patni ne pucha ki mangal kahan hai? tabhi mangal muskarata hua ghar a gaya. use dekh brahman ashcharyachkit hua. ratri men usse hanuman ji ne svapn men kaha- ‘‘yah balak mainne diya hai, tum patni ko kulta kyon kahte ho.’’ brahman yah janakar harshit hua. fir pati-patni mangal ka vrat rakh apna jivan anandpurvak vyatit karne lage. jo manushya manglvar vrat katha ko parhta ya sunta hai aur niyam se vrat rakhta hai hanuman ji ki kripa se uske sab kasht dur ho jate hain aur sabhi sukhon ki prapti hoti hai. manglvar ke vrat se mangal grah ka anisht v janmakundli men sthit vakri, papi, ast v nich mangal ke dosh ka nivaran bhi ho jata hai. thik hi kaha gaya hai ‘‘ manglmukhi sada sukhi.’’ manglvar ka vrat karne vale ka jivan sukhamay rahta hai. vrat ka udyapan bhi niyamanusar karna chahie. shri hanuman ji ki arti arti kijai hanuman lala ki. dushtadalan raghunath kala ki.. tek .. jake bal se girivar kanpai. rog-dosh jake nikat n jhanpai.. 1 .. anjni putra maha baldai. santan ke prabhu sada sahai.. 2 .. de bira raghunath pathaye. lanka jari siya sudhi laye.. 3 .. lanka so kot samudra si khai. jat pavnsut bar n lai.. 4 .. lanka jari asur sanhare. siyaramji ke kaj sanvare. 5.. lakshman murchit pare sakare. ani sajivan pran ubare.. 6 .. paithi patal tori jam-kare. ahiravan ki bhuja ukhare.. 7 .. bayen bhuja asur dal mare. dahine bhuja santajan tare.. 8 .. sur nar muni arti utare . jai jai jai hanuman uchare.. 9 .. kanchan thar kapur lau chai . arti karat anjna mai.. 10 .. jo hanuman (ji) ki arti gavai . basi baikunth paramapad pavai.. 11 ..
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.