मोबाइल फोन का प्रयोग

mobail fon ka prayog  

Ank ke aur Lekh | Sambandhit Lekh | Views : 4146 |  
mobail fon ka prayog jyotish ke aine men pan. sharad tripathi f lit jyotish men tisra bhav sanchar vyavastha ka bhav hota hai. mobail fon dur sanchar ka hi ek madhyam hai atah iska jyotishiya vishleshan tisre bhav ke adhar par hi kiya jana chahie. tritiya bhav ka karak grah mangal hai. kintu mobail fon ke karak grah shukra v chandra hain. mangal ismen sahyogi ki bhumika nibhata hai. jyotish men tin svabhav ki rashiyan hoti hain. char, sthir v dvisvabhav mobail ka arth hai char arthat chalne vala. atah mobail fon men char rashiyon ka prabhav hota hai. halanki sanchar vyavastha ka karak grah budh hota hai. sthir bhachakra ke tisre bhav men mithun rashi ati hai aur uska bhi svami budh hai. vyavhar men budh vani ka karak hai. sthayi sanchar vyavastha jaise patrakarita, lekhan, sahitya adi par budh ka prabhav rahta hai. lekin mobail fon ka karak grah budh nahin hai. han budh batchit ke taur tarikon ko avashya prabhavit kar sakta hai. sadharntya mobail fon tin star par karya karte hain. lokal, roming, global agar char rashiyan tisre bhav se sanbandh rakhti hain tatha bhagya bhav v lagnesh se inka sanbandh hota hai to jatak mobail fon ka upyog karta hai. mesh, kark, tula v makar char rashiyan hain. inke svami kramshah mangal, chandra, shukra v shani hain. yahi karan hai ki mobail par mangal, chandra v shukra ka sarvadhik prabhav hota hai. makar shani ki rashi hai. shani dirghakalin prabhav deta hai. islie global mobail par shani ka sarvadhik prabhav rahta hai. lokal star par chalne vale mobail chandra v shukra se aur roming vale mobail chandra v mangal se prabhavit hote hain. mobail fon ka upyog jatak kyon aur kab karta hai? kundli men shukra aur mangal ka yog char rashiyon men ho tatha tritiya bhav ya iske svami se iska sanbandh banta ho, to jatak ‘‘shomainship’’ yani dikhave ke lie iska prayog karta hai. yadi chandra aur mangal ka yahi sanbandh ban jae to vyapar ke lie prayog karta hai. yadi chandra, shukra v shani ka sakaratmak sanbandh ho aur tritiya bhav bhi prabhavit ho to jatak rajniti aur bare vyapar ke lie global mobail ka prayog karta hai. jab lagn v parakram bhav ke svami ka sanbandh ho to logon ka dhyan apni or akrisht karne ke lie upyog karta hai. yadi is yog men chandra v shukra bhi shamil hon to jatak bhir men ise bar-bar nikalta hai aur jor-jor se bat karta hai. lagn, pancham v tritiya bhav ke svami grahon ka sanbandh ho tatha is sanbandh par mangal v shukra ka prabhav ho to jatak svayan apne fon se dusron ki bat karvata hai. dusre evan gyarhven bhav se, tisre ya uske svami grah se sanbandh ho to jatak vyapar ke lie fon karta hai. chaturth bhav v tritiya bhav se sanbandh ho to seva ke karyon ke lie fon karta hai. navam, dasham v parakram bhav ke svami grahon se sanbandh ho to prashaskiya v rajkaj ke lie mobail ka upyog karta hai. chathe, athven v 12ven bhav ke svami yadi tritiya bhav se sanbandh rakhte hon to jatak mobail ka durupyog karta hai. agar tisre v 8 ven bhav men svami grahon ka sanbandh ho tatha rahu ka bhi prabhav ho to jatak iska upyog gupt karyon ke liye karta hai. yadi rahu bahut kharab sthiti men ho to jatak fon ka upyog blaink kael ya dusron ko darane ke lie bhi kar sakta hai. mobail fon par gochriya prabhav yadi tritiya sthan ke svami ka sanbandh bhagya sthan ke svami se ho, gochar men donon bhavon ke svami sanbandh rakhte hon aur achchi sthiti men hon aur gochar ka chandra bhav 6, 8 ya 12 men n ho to us samay mobail se shubh suchnaen milti rahti hain. jatak ki gochriya kundli men chandra bhav 6, 8 ya 12 men gocharasth ho tatha tritiya bhav ka svami pap prabhav men ho to mobail fon un dinon pareshani utpann karte hain. is sthiti men yadi tritiya bhav ka svami rahu se prabhavit ho, to jatak mobail svich band rakhta hai ya kael svikar nahin karta hai. gochar men tritiya bhav ka svami mangal v shukra ke prabhav men ho tatha chandra uttam sthiti men ho, to jatak mobail fon kafi prasannata se upyog karta hai. is sthiti men yuva premi mobail par kafi lanbi batchit bhi karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.