ज्योतिषीय परिप्रेक्ष्य में देव-पितर-प्रेत-दोष

jyotishiya pariprekshya men dev-pitr-pret-dosh  

Ank ke aur Lekh | Sambandhit Lekh | Views : 7025 |  
jyotishiya pariprekshya men dev-pitr-pret-dosh! jis prakar chalni men pani nahin bhara ja sakta usi tarah dev-pitar pret dosh se grast manav jivan apne lakshya ko prapt nahin kar pata halanki in doshon ke bare men jyotishiya yogon ke dvara jana ja sakta hai. ap bhi janen ki kis dev dosh, pret dosh adi ke karan vyakti ke jivan ka kya rup ho jata hai aur un doshon ka shaman kis prakar kiya ja sakta hai. vidvanon ne apne ganrathon men vibhinn doshon ka udaharan diya hai aur pitar dosh ka sanbandh brihaspati (guru) se bataya hai. agar guru grah par do bure grahon ka asar ho tatha guru 4-8-12ven bhav men ho ya nich rashi men ho tatha anshon dvara nirdhan ho to yah dosh purn rup se ghatta hai aur yah pitar dosh pichle purvaj (bap, dada, pardada) se chala ata hai, jo sat pirhiyon tak chalta rahta hai. udaharan hetu is janmakundli ko dekhen jismen purn pitar dosh hai. inka pardada apne pita ka ek hi larka tha, dada bhi apne pita ka ek hi larka tha. iska bap bhi apne pita ka bhi ek hi larka aur yah apne bap ka ek hi larka hai aur har bap ko apne bete se sukh nahin mila. jab aulad ki saflta v suprinam ka samay aya to bap chal basa. pitar dosh ke aur bhi dushparinam dekhe gaye hain- jaise kai asadhya v ganbhir prakar ki bimariyan jaise dama, shugar ityadi jo pirhi dar pirhi chalti hain. pitar dosh ka prabhav ghar ki striyon par bhi adhik rahta hai. dev dosh kya hai? dev dosh aise doshon ko kahte hain jo pichle purvajon, bujurgon se chalen a rahe hain, jiska devtaon se sanbandh hota hai. guru aur purohit tatha brahman vidvan purushon ko inke pichle purvaj mante chale ate the. inhonne unko manna chor diya athva vah pipal jis par yah rahte the, ko kat diya, to usse dev-dosh paida hota hai. iska asar aulad tatha karobar par viprit hota hai. iska sanbandh brihaspati tatha surya se hota hai. brihaspati nich, surya bhi nich ya do bure grahon ke ghere men ho, to yah dosh utpann hota hai. apne samay ke anurup is jatak ke bhai ne koi ruhani guru dharan kar liya aur us guru ke kahne par devi-devta purohit ki puja chor di jisse karobar men atyadhik hani hoti gayi. rukti nahin. pahle inke purvaj bujurgadi devi-devta v shahidon, mritkon ko mante the inhonne unko manna, puja adi chor di, is karan aisa hua. dubara puja shuru karne par ab thik hai. pret dosh ke karan bhut-pret: jiske yahan khun ke rishte men koi pani men dub gaya ho ya agni dvara jal gaya ho ya shastra dvara maut ho gayi ho ya koi aurat tarp-tarap kar mar gai ho ya mari gai ho, unko pret-dosh bhugtna parta hai aur kai bar to bahri bhut-preton ka bhi asar ho jata hai. jaise kisi samadhi ya kabra ka anadr-apman kiya jay ya kisi pipl-baragad jaise vishesh vriksh ke niche peshab adi karne se yah dosh shuru ho jata hai. kai bar kisi shatru dvara kiye karae ka asar bhi hota hai. bhut-pret ke kark: bhut-pret karak grah rahu se adhik sanbandh rakhta hai. chaithe sthan men rahu, dasven sthan men mangal ho, to uske nivas sthan men pret ka vas rahta hai, dhan hani, santan hani, stri ko kasht ityadi hota hai. agar dusre, chaithe, pancham, chathe, satven, dvadash ravi ke sath rahu ya guru ke sath rahu ya tinon ek jagah hon, to dhan ke lie kisi ki hatya karna, vidhva stri ka dhan, jaydad adi harap lene, ghar men pagalapan, daridrata, logon ke lapta ho jane jaisi ghatnaen hoti hain. vahan pishach pret ka nivas hota hai. panch pirhi tak yah duahkh deta hai. rahu agar chandra ya shukra ke sath ho to kisi stri ka shrap sat pirhi tak chalta hai. maharog, kshayarog, gandamala rog, sanp ka katna ityadi ghatnaen hoti hain. rahu ke sath shani-atmahatya ka karak hai. tang hokar koi khun ke rishte men atmahatya kar le, to sat pirhi tak chalta hai. aulad v aurat n bachen, dhan-hani hoti hai. ye hain pret dosh. is prakar pratham bhav se khandani dosh-deh pira, dvitiya bhav-akash devi, tritiya bhav-agni dosh, chaturth bhav-pret dosh, pancham bhav-devi- devtaon ka dosh, chatha bhav-grah dosh, satvan bhav-lakshmi devi dosh, athvan bhav-nag devta dosh, navam bhav-dharm sthan dosh, dasham bhav-pitar dosh, labh bhav grah dasha, vyay bhav-pichle janm ka brahm dosh hota hai. koi grah kisi ghar men pirit ho, surya do grahon dvara pirit ho to jis ghar men hoga vahi dosh hoga. bhut-pret kaun aur kaise? bhut pret, jinnadi jaise manushyon men brahman, kshatriya, vaishya adi jati bhed hain usi prakar unki bhi jatiyan ya bhed suvidhanusar kiye gaye hain. inmen bhut pret, jinn, brahm rakshas, dakini, shakini adi mukhya hain. jinki kisi durghatana men mrityu ho jati hai, ve bhut-pret ban jate hain. jiska jivan men kisi ne jyada shoshan kiya ho, jinko dhokhe se kisi ne thaga ya hani pahunchayi ho. ve badle ki bhavna men bhut-pret yoni svikar kar lete hain. atmahatya ya jahar dekar jinki hatya hui ho. jinki marte samay koi ichcha atript rah jati hai ve bhut-pret yoni men athva janm ki suraksha hetu is yoni men janm lete hain. jo papi, kami, krodhi aur murkh hote hain, bhut-pret ban jate hain. pitar doshon ke upay: pitar dosh ke lie brihaspati ki puja, pipal brahma ki puja tin mahine karen. roj pratah itvar ko chorakar dudh, jal, chini milakar pipal ki jar men pani dalen tatha kachcha sut lapeten aur jyoti jalaen. haldi jaise pile rang ka prasad bante, apne bujurgon ki seva karen. pila-pukhraj nau ya barah raÿai ka dharan karen aur ghar mane narayan bali ka havan path karaen vastav men pitar apne vanshaj ki shraddha ke bhukhe hote hain, unke dvara di gai vastuon ke bhukhe nahin hote. shraddh karm ka mul tatva hai, shraddha. shraddha ki bhavna ke bina kiya gaya shraddh aur tarpan sarvatha nirarthak hai. kanjusi karna anuchit hai. shraddhakarta pitron ke ashirvad se dhan-dhanya, sukh-samriddhi, santan aur svarg prapt karta hai. shastron men pitrigan ko devtaon se bhi adhik dayalu aur kripalu bataya gaya hai. pitripaksh men shraddh aur tarpan pakar ve varsh bhar tript rahte hain. jis ghar men purvajon ka shraddh hota hai, vah ghar pitron dvara sadaiv surakshit rahta hai. pitripaksh men shraddh n kiye jane se pitar atript hokar kupit ho jate hain jisse vyakti ko anekon prakar ke kasht aur duahkh uthane parte hain. mritak ke lie kiye gaye shraddh ka sukshmansh us tak avashya pahunchta hai, chahe vah kisi lok ya yoni men ho. shraddh aur tarpan vanshaj dvara bujurgon, purkhon, purvajon ko di gai ek shraddhanjli matra hai. hamen kisi bhi sthiti men apne is adhyatmik kartavya se vimukh hokar udasinta nahin bartni chahie. pitripaksha-purkhon, purvajon ki smriti ka vishesh paksh hai. purvajon ke prati kritagyata vyakt karne ka jo hamara dayitva aur dharm hai uske lie isse achcha mauka nahin mil sakta .
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.