बालारिष्ठ एवं  भूत-प्रेत  बाधा का पारस्परिक संबंध

balarishth evan bhut-pret badha ka parasparik sanbandh  

Ank ke aur Lekh | Sambandhit Lekh | Views : 3556 |  
balarisht evan bhutapret badha ka parasparik sanbandh rashmi chaidhri jyotish men balarisht sanbandhi kuch yogon ka varnan milta hai. usi prakar kundli men bhut pret badha se sanbandhit yogon ka samavesh bhi hai jinmen ashcharyajanak rup se samanta hai. vastutah ye donon prakar ki badhaon ke parasparik sanbandh ko hi darshata hai. aiye janen, is bare men vistar se. jyotish men svasthya evan ayu ka vichar karne ke lie mukhyatah lagn, shashth, ashtam tatha dvadash bhav ko dekha jata hai. lagn vyakti ka vyaktitva, sharir evan svasthya hai. shashth bhav rog ka karak hone ke karan svasthya se sanbandhit hai tatha ashtam bhav ko mukhyatah ayu bhav mana jata hai. isi prakar (bhavat bhavam) ke anusar tritiya bhav ashtam (ayu bhav) se ashtam hone ke karan ayu bhav mana jata hai. dvitiya tatha saptam bhav marak bhav hone ke karan jatak ki ayu se pratyaksh rup se purn sanbandh rakhte hain. katipay balarisht yog: kundli men banne vale kuch balarisht yog is prakar hain- surya athva chandra yadi tritiya bhav men papi grahon ke sath hain to bachcha bimar rahega athva kuch samay pashchat uski mrityu ho jati hai. yadi chandra ashtam bhav ke svami ke sath kanedrasth hai tatha ashtam bhav men bhi papi grah hain to shighra mrityu hoti hai. yadi chandra se saptam bhav men mangal evan shani hain tatha rahu lagnasth hai to janm ke kuch dinon ke andar hi mrityu ho jati hai. yadi lagn kundli ke 2, 4, 8, 12 bhavon men papi grah hain to shishu ki alpayu hoti hai. yadi sabhi grah nirbal hain tatha 3, 6, 9, 12 bhavon men sthit hain to balarisht yog banta hai. yadi lagnesh nich rashigat ashtam bhav men hai athva ast hokar ashtam bhav men sthit hain to bhi jivan sanshyatmak sthiti men rahta hai. yadi lagn se kai papi grahon ka sanbandh banta ho athva lagnesh, chandra lagnesh tatha navmansh lagn sabhi pirit athva pap prabhav men hain to jivan kal kuch dinon ka hi hota hai. lagnesh yadi saptam bhav men rahu ke sath sthit hai, to bhi yah ayu ke lie shubh sanket nahin hai. yadi papi grah (rahu-ketu) ashtam bhav men ho, jabki lagnesh kendra men papi grahon ke sath ho tatha un par koi bhi shubh prabhav n ho, to balarisht yog banta hai tatha adhikatam ayu sat varsh hi hoti hai. is prakar kundli men banne vale kuch bhut-pret badha yog ye hain: yadi kundli men chandrama athva lagn, lagnesh par rahu-ketu ka prabhav hai to us jatak par upri hava jadu-tone ityadi ka asar ati shighra hota hai. yadi kundli ke pratham bhav men chandrama ke sath rahu athva ketu hai aur pancham evan navam bhav par pap prabhav hai athva chandrama adhishthit rashi ka svami bhi rahu-ketu ke sath sthit hai, to aisa jatak bhut-badha ka shikar ho sakta hai. pancham bhav ko jyotish men purva janm, atmaon se sanpark, purva janm ke shubh-ashubh karm tatha navam bhav bhagya bhav hone ke sath-sath is janm men hamare purva janm ke karm falon ke bhog ko darshata hai. atah spasht hai ki in bhavon par pap prabhav jatak ke bhagya v svasthya ke sath uske mansik evan bauddhik vikas ko prabhavit karega. kundli men saptam bhav men athva ashtam bhav men krur grah rahu-ketu, mangal, shani pirit avastha men hain to aisa jatak bhut-pret jadu-tone tatha upri hava adi jaisi pareshaniyon se ati shighra prabhavit hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


bhut-pret, pitridosh nivaran visheshank  September 2012

fyuchar samachar patrika ke bhut pret evan pitridosh nivaran visheshank men bhut prashnottari, pratadi shaktiyon ka rahasya v prabhav, bhut pret ek tarkik vivechan, rinanubandhan pira nivaran, pret kalp arthat gadur puran, jyotish v pret dosh, bhut preton ki rahasyamyi duniyan, balarisht evan bhut pret badha, upri badha aur jyotishiya viniyog, upri badha nivaran evan hanuman upasna, bhut pret badha hone par kya karen, pitridosh rahasya, pitridosh karan nivaran, bhut sanbandhi avismaraniya anubhav, pret badha nivarak jyotishiya samagri, dinman evan ratriman men parivartan kyon, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, piramid evan vastu, hastarekha vigyan, satyaktha, dampatya sukh ke upay, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.